Dexa presentar solicitúes, escritos o comunicaciones, per internet, nel ámbitu de l’Alministración del Principáu d’Asturies, al traviés de los trámites disponibles na Sede Electrónica del Principáu d’Asturies. Si nun exsistiera trámite específicu ye posible presentar una solicitú xenérica. P'aportar documentación a un espediente concretu vea la ficha de serviciu.

El sistema emite automáticamente un recibu colos datos de la solicitú, incluyendo la fecha y hora de presentación y el númberu d’entrada de rexistru. Cuando s'aporten documentos qu’acompañen a la solicitú, escritu o documentación, el rexistru va xenerar un recibu acreitativu de la entrega d’esa documentación que garantiza la integridá y autenticidá de los documentos incorporaos.

Pa presentar documentación pa otres alministraciones o organismos pue utilizar el Rexistru Electrónicu Xeneral de l’Alministración Xeneral del Estáu (REG-AGE).

El Rexistru Electrónicu va rexise, a efectos de cómputu de plazos, pola fecha y hora oficial de la sede electrónica del Principáu. Van poder presentase solicitúes, escritos y comunicaciones tolos díes del añu mientres les venticuatro hores del día. La presentación nun día inhábil va entendese realizada na primer hora del primer día hábil siguiente, sacantes la norma dexe espresamente la recepción en día inhábil.

​​​​​​​