Pa cumplir lo establecío na Llei 25/2013, de 27 d’avientu, d’impulsu de la factura electrónica y creación del rexistru contable de factures nel Sector Públicu, el Principáu d’Asturies adhirióse al Puntu Xeneral d’Entrada de Factures Electróniques de l’Alministración Xeneral del Estáu-FACe. Polo tanto, toles factures electróniques que se dirixan a l’Alministración del Principáu d’Asturies han unviase al traviés del Puntu Xeneral d’Entrada de factures electróniques de l’Alministración Xeneral del Estáu (FACe)

FACe ye una ventana única d’entrada de toles factures electróniques dirixíes a una determinada Alministración (Alministración Xeneral del Estáu, Comunidá Autónoma o Entidá Local)

L’accesu a FACe pa unviar factures electróniques al Principáu d’Asturies faise al traviés d’esta dirección:

https://face.gob.es/es/

El puntu ufierta un Portal web pa presentar les factures electróniques y permite a los provisores, si quieren, conectar los sos sistemes de facturación con FACe de forma automática.
 
Si la factura tien un importe igual o inferior a 5.000 euros, pue escoyese presentar esa factura al Principáu d’Asturies en papel al traviés de los sos rexistros habituales. Equí pue consultase la norma que lo escluye pa tola Alministración del Principáu d’Asturies:

https://sede.asturias.es/bopa/2014/12/31/2014-22508.pdf

La llista de les unidaes habilitaes pa recibir factures electróniques del Principáu d’Asturies amás de los sos códigos ye accesible al traviés de la propia dirección electrónica de FACe-Puntu Xeneral d’Entrada de Factures Electróniques. Ha consultase l’apartáu de Directoriu d’Organismos, onde apaecen los códigos correspondientes a les oficines contables, órganos xestores y unidaes tramitadores de caúna de les Alministraciones adheríes, incluyíes les del Principáu d’Asturies.

Pa más información, pues dirixite al Serviciu d’Atención al Ciudadanu del Principáu d’Asturies