Comisión de Simplificación Alministrativa

Cola puesta en marcha de la Comisión de Simplificación Alministrativa, l'Alministración del Principáu d'Asturies quier identificar les cargues y torgues qu'atopen ciudadanía y empreses na so rellación con ella, y aplicar les midíes necesaries pa la meyora de los procesos alministrativos.

• Alcuerdu de 11 de xineru del 2017, del Conseyu de Gobiernu, pol que se crea la Comisión de Simplificación Alministrativa.
• Alcuerdu de 29 d´ochobre de 2020, del Conseyu de Gobiernu, pol que se modifica la composición de la Comisión de Simplificación Alministrativa creada por Alcuerdu de Conseyu de Gobiernu de 11 de xineru del 2017.
• Alcuerdu de 24 de mayu del 2024, del Conseyu de Gobiernu, pol que se modifica la composición de la Comisión de Simplificación Alministrativa creada por Alcuerdu de 11 de xineru del 2017, del Conseyu de Gobiernu.

Con fecha 31 de xineru del 2017, produzse la constitución de la Comisión de Simplificación Alministrativa del Principáu d'Asturies, que va encargase d'amenorgar les torgues burocrátiques pa facilitar l'actividá empresarial y consiguir una rellación más fluyida de la ciudadanía cola Alministración.

Los trabayos d'esta comisión van desenvolvese al traviés de dos grupos de trabayu, unu encargáu d'identificar les normes susceptibles de ser modificaes o refundíes, y otru específicu sobre amenorgamientu y supresión de cargues alministratives a les empreses y ciudadanía.

El grupu de trabayu de simplificación normativa tresversal va ellaborar un informe completu sobre les necesidaes d'adaptación normativa de l'Alministración del Principáu d'Asturies, identificando les normes afectaes, la finalidá de l'adaptación y, nel so casu, la procedencia d'aprobar testos refundíos naquellos ámbitos en que sía menester.

Al grupu de trabayu pal amenorgamientu de torgues alministratives a empreses va corresponder l'estudiu y análisis permanente de los procedimientos y trámites aplicables a la creación y afitamientu d'empreses nel senu de la comunidá autónoma del Principáu d'Asturies, asina como ellaborar informes pa la simplificación alministrativa y la eliminación de torgues burocrátiques nesa materia.
 

Buzón virtual pa fomentar la participación

P’arriquecer les propuestas d’esti grupu de trabayu, van tenese en cuenta les aportaciones que los usuarios planteguen al traviés d'un buzón electrónicu que s'habilita na páxina web  www.asturiasparticipa.es y col que se busca fomentar la participación ciudadana y la recepción de suxerencies y iniciatives que contribuyan a amenorgar esti tipu de torgues.

Manual de Simplificación Alministrativa

    Manual de simplificación administrativa del Principado de Asturias  (pdf: 3,53 Mb)

Protocolo para la elaboración y mejora de la calidad de las disposiciones de carácter general en el Principado de Asturias

    Documento (pdf: 612 Kb)