L'Alministración del Principáu d'Asturies garantiza la confidencialidá de los datos personales que se faciliten nes páxines corporatives, ente les que tán tamién les de la sede electrónica, nos términos establecíos pol Reglamentu (UE) 2016/679  del Parllamentu y del Conseyu, de 27 d'abril del 2016, relativu a la protección de les persones físiques no que fai al tratamientu de datos personales y a la llibre circulación d'estos datos (RGPD). 

Los datos que se riquen al traviés de los distintos formularios o solicitúes existentes nestes páxines web van ser trataos nos términos descritos nes cláusules informatives que figuren al pie de los mesmos, van ser los puramente necesarios, afayadizos y pertinentes pa la finalidá pa la que se recueyen y van ser sometíos a un tratamientu automatizáu que la so finalidá ye la tramitación de solicitúes, reclamaciones y/o iniciatives asina como la xestión del serviciu d'atención al ciudadanu. 
Sicasí, con calter supletoriu, en casu de formularios o solicitúes qu'escarezan de diches cláusules, va ser aplicable la Política de Privacidad. 

El Principáu d'Asturies informa que va tratar los datos de manera lícita, lleal, tresparente, afayadiza, pertinente, llimitada, exacta y actualizada. 
D’alcuerdu col artículu 12 y siguientes del RGPD, pue exercer los derechos d'accesu, rectificación, supresión, oposición, llimitación del tratamientu y portabilidá.  

Cola entrada a valir del Reglamentu (UE) 2016/679 del Parllamentu Européu y del Conseyu, Reglamentu Xeneral de Protección de Datos, el 25 de mayu del 2018 (RGPD) desapaez la obligación de notificar la inscripción de ficheros nel Rexistru de Ficheros de l'Axencia Española de Protección de Datos. 
Esta mesma norma establez nel so artículu 30 la obligación d'ellaborar y caltener actualizáu'l Rexistru d'Actividaes de Tratamientu.