Una disposición afianzada axunta nun documentu únicu’l testu orixinal d’una norma, amás de les versiones socesives de la disposición y el detalle de caún de los cambeos fechos. Tienen calter informativu, pero non validez xurídica.

D’esta manera, ameyórase la tresparencia y facilítase a la ciudadanía l’accesu a la llexislación.

La Biblioteca Xurídica Dixital Asturiana, n’adelantre BXDA, ye un recursu en llinia que da accesu llibre y de baldre a les disposiciones principales de calter xeneral del ordenamientu xurídicu asturianu, presentaes por área de conocimientu, en versión afianzada y actualizada.

Esta biblioteca xurídica ye ún de los compromisos establecíos nel Plan d’Acción pal Gobiernu Abiertu n’Asturies.

Ente les sos finalidaes ta empoderar a la ciudadanía facilitando l’accesu a una información xurídica veraz y afianzada, ameyorar el conocimientu y comprensión del ordenamientu xurídicu, amás de difundir información xurídica que dea un valor añadíu a la ciudadanía, profesionales y empreses, poniendo a disposición códigos electrónicos con llexislación n’árees temátiques diferentes alcordaes al traviés de la participación ciudadana.

Les árees temátiques escoyíes como puntu de partida son:

• Cultura

• Alministración electrónica

• Emplegu públicu

• Contratación pública

Estes árees incorpórense a los Códigos vixentes afianzaos ellaboraos pol BOE al respective de disposiciones del Principáu d’Asturies:

• Códigu del Principáu d’Asturies

• Códigu de la vivienda

• Códigu d’urbanismu

Otros recursos institucionales sobre llexislación:

• Base de datos de lexislación consolidada, tantu estatal como del Principáu d'Asturies.​​​​​​​

• Repositoriu Institucional d’Asturies (RIA).

• Buscador avanzáu de Llexislación publicada nel BOPA (Sede Electrónica).

• Conxuntu de datos abiertos de disposiciones publicaes nel BOPA dende’l 2009.

Buzón de suxerencies: gobierno.abierto@asturias.org