La sede electrónica ye la ferramienta que pon a disposición l’Alministración del Principáu d’Asturies como puerta d’accesu a ciudadanía y empreses pa toa aquella información y servicios on-line que se ponen a la so disposición de forma actualizada.

Ye un procesu más de modernización de l’Alministración pa cola so ciudadanía y empreses onde atopar los servicios ufiertaos d’una manera áxil y cenciella, ente otros: la iniciación de trámites, la consulta d’estáu d’espedientes, el BOPA, perfil del contratante, etc.

La sede electrónica de l’Alministración del Principáu d’Asturies establezse nesta dirección:  https://sede.asturias.es, y integra los servicios electrónicos a los que la ciudadanía y empreses puen acceder en cualquier instante y aforrando tiempos a estos.

Tocante al nivel de seguranza de la sede, hai qu’indicar que los certificaos reconocíos de Sede Electrónica valen pa identificar un portal web y establecer comunicaciones segures, de manera que se garantiza la privacidá y integridá de la información que s’ufierta, escluyendo la posibilidá de ser víctimes d’un fraude. Básicamente, un certificáu reconocíu de Sede Electrónica ye un certificáu de sirvidor web seguru qu’incluye la identificación del titular de la Sede Electrónica y que s’emite nun dispositivu seguru o mediu equivalente.

El Titular de la Sede Electrónica ye l’Alministración del Principáu d’Asturies.