Saltar al conteníu principal

Gobiernu del Principáu d'Asturies

Asturies, muncho más cerca

banda de sede
 

Tas en

Asturias.es Sede Electrónica Servicios y Trámites Salú Autorización a centros sanitarios pa ...

20022715-Autorización a centros sanitarios pa la estracción y tresplante d’órganos y texíos

Relación de requisitos necesarios

  1. TRESPLANTE

    • Tar autorizáu como centru estractor d’órganos de donantes fallecíos y acreitar actividá abondo como pa garantizar la viabilidá y calidá del programa de tresplante.
    • Disponer d’una organización sanitaria y un réxime de funcionamientu afayadizu pa realizar la intervención que se solicita.
    • Disponer de los servicios sanitarios necesarios pa garantizar la realización, el siguimientu afayadizu y el tratamientu correctu de les complicaciones eventuales que la práctica d’esti tresplante precise.
    • Disponer de la unidá médica y quirúrxica correspondiente con personal sanitario abondo y con esperiencia demostrada nel tipu de tresplante de que se trate.
    • Garantizar la disponibilidá de facultativos especialistes con esperiencia probada nel diagnósticu y tratamientu de les complicaciones del tresplante que se va desenvolver.
    • Disponer de les instalaciones y material necesario pa garantizar un procesu de tresplante afayadizu, tanto nel preoperatoriu como na intervención en sí y nel postoperatoriu.
    • Disponer d’un serviciu d’anatomía patolóxica colos medios técnicos y humanos necesarios pal estudiu de complicaciones asociaes al tresplante y poder realizar los posibles estudios postmortem.
    • Disponer d’un llaboratoriu de microbioloxía onde puedan efectuase los controles de les complicaciones infeccioses que presenten los pacientes.
    • Disponer d’una Comisión de Tresplante y d’aquellos protocolos qu’aseguren la selección afayadiza de los receptores, el procesu de tresplante y el siguimientu postoperatoriu inmediatu y, a un plazu llargu, que garanticen la calidá de tol procedimientu terapéuticu.
    • Disponer d’una unidá de coordinación hospitalaria de tresplantes.
    • Disponer d’un rexistru, d’accesu restrinxíu y confidencial, onde han constar los tresplantes realizaos colos datos precisos pa la identificación de los donantes, de manera que si ye menester dexe facer un siguimientu amañosu de los órganos tresplantaos nel centru.
    • Disponer d’un rexistru afayadizu que dexe evaluar l’actividá de los tresplantes realizaos nel centru, amás de los resultaos llograos.
    • Garantizar la disponibilidá d’un llaboratoriu d’inmunoloxía, y una unidá d’histocompatibilidá colos medios técnicos y humanos necesarios pa garantizar la realización correcta de los estudios inmunolóxicos necesarios pa la monitorización pre y postresplante.
  2. ESTRACCIÓN

    • Disponer d’una organización y un réxime de funcionamientu que dexe asegurar la execución de les operaciones d’estracción de forma satisfactoria.
    • Disponer d’una unidá de coordinación hospitalaria de tresplantes que va ser responsable de coordinar los procesos de donación y estracción.
    • Garantizar la disponibilidá del personal médico y los medios técnicos que dexen comprobar la muerte na forma indicada pola normativa vixente.
    • Disponer de personal médico, d’enfermería, y de los servicios sanitarios y medios técnicos abondos pa la valoración y caltenimientu correctos del donante.
    • Garantizar la disponibilida d’un llaboratoriu áfayadizu pa la realización d’aquelles determinaciones que se consideren en cada momentu necesaries y que dexen una evaluación clínica afayadiza del donante.
    • Garantizar la disponibilidá de les instalaciones, el personal médico y d’enfermería, amás del material necesario pa garantizar la realización correcta de les estracciones.
    • Disponer d’un rexistru d’accesu restrinxíu y confidencial, onde se van recoyer los datos necesarios que dexen identificar les estracciones realizaes, los órganos obteníos y el destín de los mesmos.
    • Caltener un archivu de sueru pa un periodu mínimu de 10 años, cola mira de facer, si ye menester, controles biolóxicos.
    • Disponer de personal, instalaciones y servicios afayadizos pa la restauración del cuerpu de la persona finada, desque se faiga la estracción.

Códigu 20022715

Otres formes de tramitación

Como firmar tus solicitudes

 

Compruebe aquí los requisitos para la firma

 

Verifique aquí que su equipo tiene la configuración técnica necesario para la firma en la tramitación de este servicio.

 

De nun tar rexistráu has facelo, too sonventayes. Pues consultar les tos esperiencies y facer los tos trámites dende la web.

Tienes duldes...
012 | Contacta con nós

Información sobre el documento

© Copyright 2006. Gobiernu del Principau d'Asturies