Saltar al contenido principal

Gobierno del Principado de Asturias

Asturias, mucho más cerca

banda de sede
 

Estás en

Asturias.es Sede Electrónica Llicencies y términos d'uso

Llicencies y términos d'uso

Llicencies y términos d'usu

Condiciones d’usu y llicencies aplicables a los conteníos y a los datos publicaos en portal de Tresparencia de l’Alministración del Principáu d’Asturies.

L’accesu a los conteníos y a los conxuntos de datos que l’Alministración del Principáu d’Asturies publica nesti sitiu web supón l’aceptación d’estes Llicencies y Términos d’Usu, que’l so oxetu ye la protección y promoción del compromisu que l’Alministración del Principáu d’Asturies tien cola reutilización de la información del sector públicu y, d’esta manera, dexa que los destinatarios de los conteníos y de los conxuntos de datos ayuden a la medría de la comunidá cola aportación de los beneficios obteníos a partir de la esplotación de los mesmos.

Si tien duldes o quier facer comentarios sobre les Llicencies y Términos d’Usu, por favor, póngase en contactu con nós llamando al teléfonu 012 d’Atención Ciudadana, o al traviés d’estes señes electróniques: sac@asturias.org.



Llicencia aplicable a los conteníos y a los conxuntos de datos

Nel conxuntu de los conteníos y de los datos que l’Alministración del Principáu d’Asturies publica nesti sitiu web o pueda publicar nel futuru, concurren o puen concurrir derechos de propiedá intelectual propios, de los que l’Alministración del Principáu d’Asturies ye titular, colos derivaos de la normativa de reutilización de la información del sector públicu.



Propiedá Intelectual

L’exerciciu de los derechos de propiedá intelectual de les alministraciones y organismos del sector públicu tien que se facer de forma que se facilite la so reutilización, polo que los conteníos y los conxuntos de datos qu’ufierta l’Alministración del Principáu d’Asturies, si nun s’indica lo contrario, publíquense baxo los términos de la llicencia Creative Commons-Reconocimientu (CC-by 4.0) que dexa:

  - Que se puedan copiar, distribuyir y divulgar públicamente,
  - Que puedan valir como base a obres derivaes como resultáu del so análisis o estudiu,
  - Que puedan usase con fines comerciales y non comerciales,
  - Que se puedan modificar, tresformar y adaptar, publicando al empar esos cambeos.



Obligación de reconocimientu de l’autoría

L’usu, reproducción, modificación o distribución de los conteníos o de los conxuntos de datos supón, baxo los términos de la llicencia Creative Commons - Reconocimientu (CC-by 4.0), la obligación de reconocer l’autoría y citar a l’Alministración del Principáu d’Asturies como la fonte de los conxuntos de datos d’esta forma:

  - Orixe de los conteníos: Alministración del Principáu d’Asturies.
  - Orixe de los datos: Alministración del Principáu d’Asturies.



Reutilización de la información del sector públicu

L’Alministración del Principáu d’Asturies tien, n’aplicación de la Llei 37/2007, de 16 de payares, sobre reutilización de la información del sector públicu, el derechu de publicar conteníos y conxuntos de datos pa los que seya menester satisfacer el pagu de contraprestaciones económiques en forma de tasa o preciu públicu. La cantidá d’eses contraprestaciones ha tener como oxetivu dexar cubrir polo menos los costos del serviciu o actividá, teniendo que s’incluyir nesos costos los relativos a la recoyida, producción, reproducción y difusión, nun pudiendo, en nengún casu, ser superior a los mesmos. La llista cola cantidá de les contraprestaciones aplicables va atopase a disposición pública de forma concurrente a la publicación de los conxuntos de datos.

La reutilización de los conteníos y de los datos ta abierta a tolos axentes del mercáu de la reutilización de la información, que van tar obligaos, amás, a mentar la fecha de la última actualización de la información. Nun se dexa:

  - Que se desnaturalice o desvirtúe’l sentíu de la información de la que se reutilice.
  - L’usu en réxime d’esclusividá.



Cambeos nos conxuntos de datos y nos términos d’usu

L’Alministración del Principáu d’Asturies va poder, en cualquier momentu, añedir, eliminar o modificar los conteníos y los conxuntos de datos publicaos o estes Llicencies y Términos d’Usu. L’anuncia d’esos cambeos va publicase pola Alministración del Principáu d’Asturies nel sitiu que considere más relevante pal so conocimientu y difusión pública. Cualquier cambéu que se lleve a cabu va ser efectivu de magar se publique, nun siendo que se notifique lo contrario.

Toa modificación o tresformación llevada a cabu sobre los conteníos y los conxuntos de datos que publica l’Alministración del Principáu d’Asturies ha identificase como tala de la que se publique.



Garantía de los conxuntos de datos. Esclusión de Responsabilidá

L’Alministración del Principáu d’Asturies nun ufierta nenguna clas de garantía al respective de los conteníos y los conxuntos de datos publicaos, polo que nun pue asegurar, a pesar de los esfuercios por xestionar de forma afayadiza los mesmos, la so integridá, actualización, precisión o accesu continuu a esos conxuntos de datos.

L’usu de los conteníos y los conxuntos de datos va facese polos usuarios o axentes de la reutilización baxo la so propia cuenta y riesgu. Tanto l’Alministración del Principáu d’Asturies como cualquiera de los sos organismos, nun se faen responsables de los daños sufríos o perdes económiques que, de forma directa o indirecta, produzan o puedan producir perxuicios económicos, materiales o sobre datos, provocaos pol usu de los conteníos y los conxuntos de datos.



Responsabilidá del usuariu o axente de la reutilización

L’usuariu o axente de la reutilización de los conteníos y los conxuntos de datos atópase sometíu a la normativa aplicable nel territoriu de la Comunidá Autónoma del Principáu d’Asturies y, sobre manera, al réxime sancionador previstu n’artículu 11 de la Llei 37/2007, de 16 de payares, sobre reutilización de la información del sector públicu, amás d’a tola normativa qu’afecte al usu de la información, como la Llei del Principáu d’Asturies 8/2018, de 14 de setiembre, de Tresparencia, Bon Gobiernu y Grupos d’Interés, el Reglamentu (UE) 2016/679 del Parllamentu Européu y del Conseyu de 27 d’abril del 2016, la Llei Orgánica 15/1999, de protección de datos de calter personal y el Real Decretu Llexislativu 1/1996, de 12 d’abril, pol que s’aprueba’l Testu refundíu de la Llei de propiedá intelectual.

Amás, si como resultáu del incumplimientu de les Llicencies y Términos d’Usu espuestos nesti documentu, l’Alministración del Principáu d’Asturies o dalguna de les sos empreses públiques fore oxetu d’acciones llegales o fore sancionáu económicamente, la persona o entidá qu’use, reproduza, modifique o distribuya los conteníos y los conxuntos de datos va responder énte l’Alministración del Principáu d’Asturies de tolos gastos, inclusive procesales, sanciones o indemnizaciones que se pudieren declarar, dexando a la mesma indemne dafechu.

D’esta manera, la persona o entidá qu’use, reproduza, modifique o distribuya los conteníos y los conxuntos de datos acepta indemnizar, amás de desimir a l’Alministración del Principáu d’Asturies y a tolos sos órganos y empreses públiques, de cualquier responsabilidá en que pudiere incurrir pola mor de les reclamaciones que pudieren orixinase pol incumplimientu d’estes Llicencies y Términos d’Usu o pol usu, reproducción, modificación o distribución ensin más de la información.

L’Alministración del Principáu d’Asturies, pela so parte, acuta pa ella’l derechu a tomar les midíes llegales correspondientes pa velar polos sos intereses, ensin qu’eso suponga renunciar a la defensa y indemnización por parte de la persona o entidá qu’use, reproduza, modifique o distribuya los conteníos y los conxuntos de datos.



Cancelación por incumplimientu

L’Alministración del Principáu d’Asturies va poder cancelar o suspender l’accesu a los conteníos y los conxuntos de datos ensin avisu previu a cualquiera que l’Alministración del Principáu d’Asturies, según el so criteriu unilateral, considere que ta incumplimiendo estes Llicencies y Términos d’Usu, la llegalidá vixente o use, reproduza, modifique o distribuya los conteníos y los conxuntos de datos d’una manera perxudicial pa terceros.

Nel casu de cancelación o suspensión, la persona o entidá nun va volver autorizase a usar o reproducir los conteníos y los conxuntos de datos y, amás, l’Alministración del Principáu d’Asturies va poder usar cualquier mediu al so algame pa que se faiga efectivu’l so determín. Esta cancelación o suspensión nun va tener efectu sobre aquelles persones o entidaes de bona fe que recibieren los conteníos y los conxuntos de datos al traviés de la persona o entidá sancionada y que, d’otra manera, tean cumpliendo estes Llicencies y Términos d’Usu.

Los determinos que l’Alministración del Principáu d’Asturies pueda tomar a esti respective van poder impugnase énte los órganos xudiciales competentes señalaos nestes Llicencies y Términos d’Usu.



Abstención d’usu del nome del Principáu pol usuariu

Nun se va poder, de forma pública, indicar, insinuar o suxerir que l’Alministración del Principáu d’Asturies o cualquier otra institución del Principáu participa, patrocina o apoya l’usu o reproducción específica qu’una persona o entidá realice sobre los conteníos y los conxuntos de datos, teniendo la mesma que s’abstener d’usar cualesquier denominación escrita o gráfica, visual o auditiva o de cualquier otra naturaleza que pueda suxerir confusión nel usuariu final de la participación o apoyu pola Alministración del Principáu d’Asturies na actividá del usador de la información o del conxuntu de datos.



Política de privacidá

L’Alministración del Principáu d’Asturies respeta la llexislación vixente en materia de protección de datos personales, la privacidá de los interesaos y el secretu y seguranza de los datos personales, d’alcuerdu colo establecío na llexislación aplicable en materia de protección de datos, en concreto, el Reglamentu (UE) 2016/679 del Parllamentu Européu y del Conseyu de 27 d’abril del 2016, adoptando pa eso les midíes técniques y organizatives necesaries pa evitar la perda, mal usu, alteración, accesu non autorizáu y robu de los datos personales facilitaos, teniendo en cuenta l’estáu de la tecnoloxía, la naturaleza de los datos y los riesgos a los que tán espuestos.

Infórmase a los usuarios d’esti portal que los sos datos de calter personal namás se van poder obtener pal so tratamientu cuando seyan adecuaos, pertinentes y non escesivos en rellación col ámbitu y les finalidaes determinaes, esplícites y llexítimes pa les que s’obtuvieren.

Cuando se pidan datos personales al traviés de cualquier portal de l’Alministración del Principáu d’Asturies, va informase previamente al usuariu, de forma clara y inequívoca, d’estos estremos:

  - Existencia d’un tratamientu de datos de calter personal.
  - La identidá y los datos de contactu del responsable del tratamientu.
  - Los datos de contactu del Delegáu de Protección de Datos.
  - Los fines del tratamientu al que se destinen los datos personales y la base xurídica del tratamientu.
  - Los destinatarios o les categoríes de destinatarios de los datos personales, nel so casu.
  - Nel so casu, la intención del responsable del tratamientu de tresferir datos personales a un tercer país.
  - El plazu o los criterios de caltenimientu de la información.
  - La existencia del derechu a solicitar al responsable del tratamientu l’accesu a los datos personales relativos al interesáu, y la so rectificación o supresión, o la llimitación del so tratamientu, el derechu a la portabilidá de los datos, o a oponese al tratamientu. Asina mesmo, la manera d’exercitar los derechos indicaos.
  - Cuando’l tratamientu tea basáu nel consentimientu del interesáu. La existencia del derechu a retirar el consentimientu en cualquier momentu, ensin qu’eso afecte a la llicitú del tratamientu basáu nel consentimientu previu a la so retirada. Si’l tratamientu nun ta basáu nel consentimientu, el so derechu a exercer la oposición al tratamientu.
  - El derechu a presentar una reclamación énte una autoridá de control.
  - La existencia, si les hubiere, de decisiones automatizaes, incluyida la ellaboración de perfiles y l’exerciciu de derechos asociaos a esi tratamientu.

L’usuariu va ser l’únicu responsable pola mor de rellenar los formularios con datos falsos, inexactos, incompletos o non actualizaos.



Responsable del tratamientu

Los datos de calter personal que se pudieren recoyer directamente del interesáu van tratase de forma confidencial y van quedar incorporaos a l’actividá de tratamientu correspondiente titularidá de l’Alministración del Principáu d’Asturies.

La llista actualizada de les actividaes de tratamientu que l’Alministración del Principáu d’Asturies lleva a cabu, atópase disponible na sede electrónica al traviés d’esti enllaz https://sede.asturias.es.



Finalidá

La finalidá del tratamientu de los datos correspuende a caúna de les actividaes de tratamientu que realiza l’Alministración del Principáu d’Asturies y que tán accesibles na sede electrónica al traviés d’esti enllace https://sede.asturias.es.



Llexitimación

El tratamientu de los sos datos faise pal cumplimientu d’obligaciones llegales por parte de l’Alministración del Principáu d’Asturies, pal cumplimientu de misiones realizada n’interés públicu o nel exerciciu de poderes públicos conferíos a l’Alministración del Principáu d’Asturies, amás de cuando la finalidá del tratamientu rica’l so consentimientu, que se tien que dar con una acción afirmativa clara.

Pue consultar la base llegal pa caúna de les actividaes de tratamientu que lleva a cabu l’Alministración del Principáu d’Asturies nesti enllaz https://sede.asturias.es.



Caltenimientu de datos

Los datos personales proporcionaos van caltenese’l tiempu necesariu pa cumplir cola finalidá pa la que se recueyen y pa determinar les posibles responsabilidaes que se pudieren derivar de la finalidá, amás de los periodos establecíos na normativa d’archivos y documentación.



Comunicación de datos

Con calter xeneral nun se van comunicar los datos personales a terceros, sacante obligación llegal, ente les que puen tar les comunicaciones al Defensor del Pueblu, Xueces y Tribunales, interesaos nos procedimientos rellacionaos coles reclamaciones presentaes.

Pue consultar los destinatarios pa caúna de les actividaes de tratamientu que lleva a cabu l’Alministración del Principáu d’Asturies nesti enllaz https://sede.asturias.es.



Derechos de los interesaos

Cualquier persona tien derechu a obtener confirmación sobre los tratamientos que de los sos datos se lleven a cabu pola Alministración del Principáu d’Asturies.

Pue exercer los sos derechos d’accesu, rectificación, supresión y portabilidá de los sos datos, de llimitación y oposición al so tratamientu, amás d’a nun ser oxetu de decisiones basaes namás nel tratamientu automatizáu de los sos datos, cuando procedan, al traviés del Serviciu d’Atención Ciudadana (SAC) de l’Alministración del Principáu d’Asturies, presentando’l formulariu normalizáu, disponible en https://sede.asturias.es, que va poder localizar introduciendo’l códigu 201200088 nel buscador de la cabecera (asitiáu na parte cimera derecha de la páxina), electrónicamente o presencialmente al traviés del Rexistru Xeneral Central de l’Alministración del Principáu d’Asturies o per cualquiera de los medios establecíos na Llei de Procedimientu Alministrativu.

Ensin perxuiciu de cualquier otru recursu alministrativu o acción xudicial, tou interesáu va tener derechu a presentar una reclamación énte una Autoridá de Control en materia de Protección de Datos competente, si-y paez que’l tratamientu de datos personales que-y concierne infrinxe la normativa en materia de Protección de datos personales.



Cookies

Cola so navegación, usté da’l preste pa recibir les cookies qu’usa esti sitiu web, qu’en nengún casu s’utilicen pa recoyer información de calter personal. Son de dos menes:

  - Cookies propies: únviense al so equipu y xestiónense esclusivamente pola Alministración del Principáu d’Asturies, que namás obtién y caltién la información relativa a los datos de sesión y idioma. Estes cookies son necesaries pal correctu funcionamientu y visualización del sitiu web pol usuariu.
  - Cookies analítiques de terceros: el sitiu web usa les cookies de la ferramienta Google Analytics, que realiza una midición y análisis estadísticu de la navegación de los usuarios na web, cola mira d’ameyorar los servicios qu’ufierta’l mesmu. La información que xenera la cookie tresmítela y archívala Google directamente.

Pa garantizar l’anonimatu, Google convierte la so información n’anónima truncando la dirección IP primero d’almacenala. Tampoco nun asocia la so dirección IP truncada a nengún otru datu calteníu por Google, nin pue unviar la información recoyida por Google Analytics a terceros nun siendo que tea llegalmente obligáu a facelo, d’alcuerdu coles condiciones de prestación del serviciu de Google Analytics.

Si usté quier denegar el permisu pal tratamientu estadísticu de los datos o de la información con Google Analytics, calque equí.

Recordamos-y que va tener qu’executar esta acción cada vez que cambie de navegador o la so configuración, o si elimina les cookies, porque l’indicador de denegación guardase nuna cookie.



Xurisdicción y Llexislación aplicable

Pa toles controversies que pudieren surdir na interpretación, aplicación o cumplimientu d’estes Llicencies y Términos Llegales, amás de los derivaos del usu de los conteníos y los datos, van ser competentes los Xulgaos y Tribunales del domiciliu de l’Alministración del Principáu d’Asturies, que van aplicar la llexislación del llugar.



Recomendación

Ínstase a toles persones o entidaes qu’usen, reproduzan, modifiquen o distribuyan los conteníos y los conxuntos de datos, a que pongan en conocimientu de l’Alministración del Principáu d’Asturies tolos proyectos rellacionaos o derivaos del usu de los conteníos y los conxuntos de datos, de manera que s’espongan de forma pública cola mira d’estimular les polítiques de reutilización d’información del sector públicu y aprovechamientu común por tolos usuarios y axentes.

Información sobre el documento

© Copyright 2006. Gobierno del Principado de Asturias