Saltar al contenido principal

Gobierno del Principado de Asturias

Asturias, mucho más cerca

banda de sede
 

Estás en

Asturias.es Sede Electrónica Denuncies en materia de denominaciones d’orixe

200349-Denuncies en materia de denominaciones d’orixe

Tramita Presencialmente

Consiste en

Denunciar infraiciones en materia de denominaciones d’orixe derivaes d’incumplir les obligaciones afitaes na Llei 24/2003, de 10 de xunetu, de la Viña y del vinu.

Imprimir

Requisitos

1.Ser mayor de 18 años.

Imprimir

Necesitas

  1. Modelu de denuncia.

Te interesa saber

  1. Infraiciones leves

    1. Considérense infraiciones leves:

     

    a) L’ausencia de los llibros-rexistru, ensin causa xustificada, cuando se rican pal so control n’actos d’inspeición.

    b) Les inexautitúes o errores en llibros-rexistru, en declaraciones relatives a uva, vinu y mostiu, o en documentos d’acompañamientu, cuando la diferencia ente la cantidá consignada y la real nun pase’l 15% d’esta última.

    c) La falta d’actualización de los llibros-rexistru cuando nun trescurriera más d’un mes dende la fecha en que tenía que se prauticar el primer asientu non espeyáu.

    d) La presentación de declaraciones relatives a uva, vinu y mostiu fuera del plazu reglamentariu.

    e) El suministru d’información incorreuta nes solicitúes relatives a vinicultura.

    f) La plantación de vides ensin autorización nuna superficie igual a l’arrincada que, acordies cola normativa vixente, pudiera xenerar un derechu de replantación.

    g) L’incumplimientu de los requisitos esixíos pola normativa comunitaria, nacional o autonómica, en materia de potencial de producción pa la concesión d’ayudes públiques.

    h) La falta de dalguna de les indicaciones obligatories nel etiquetáu o presentación de los productos, nun siendo lo previsto nel párrafu e) del artículu siguiente, o la so espresión en forma distinta a la reglamentaria.

    i) La falta d’identificación de los recipientes empobinaos al almacenamientu de productos a granel y de la indicación del so volume nominal, asina como de les indicaciones previstes pa la identificación del so conteníu, nun siendo los recipientes de menos de 600 llitros, que se va facer acordies colo previsto nel artículu 10.5 del Reglamentu CE 753/2002 (LCEur 2002, 1151).

    j) L’incumplimientu de la entrega de productos pa les destilaciones obligatories.

    k) L’aplicación, en forma distinta a la llegalmente establecida, de tratamientos, práutiques o procesos autorizaos na ellaboración o tresformación de los productos regulaos nesta Llei, siempre que nun esista un riesgu pa la salú.

    l) La regularización de les plantaciones feches enantes del 1 de setiembre de 1998 acordies colo dispuesto nel artículu 2.3, párrafos a) y c) del Reglamentu (CE) 1493/1999

  2. m) L’incumplimientu de dalguna de les condiciones establecíes na autorización de plantaciones, nun siendo lo previsto nel apartáu siguiente.

    n) Les plantaciones con variedaes de vide o de portainxertos non clasificaos pola Comunidá Autónoma que correspuenda, l’incumplimientu de la obligación del arranque de la finca oxetu de la concesión d’un derechu de plantación anticipáu, o les plantaciones nueves de vides o de portainxertos ensin autorización, cuando l’infractor procediera, nun plazu inferior a dos meses dende que la Comunidá Autónoma lo rica pal arranque, de la superficie afeutada pola infraición.

    ñ) La reposición de cepes qu’incumpla les condiciones establecíes nesta Llei.

    o) El riegu de la vide cuando tea torgada la mentada práutica.

    p) El suministru incompletu de la información o documentación precisa pa les funciones d’inspeición y control alministrativu.

    q) L’incumplimientu d’obligaciones simplemente formales qu’impongan les disposiciones xenerales vixentes na materia regulada por esta Llei; en particular, la falta d’inscripción d’esplotaciones, empreses, mercancíes o productos, nos rexistros de les Alministraciones públiques regulaos nes mentaes disposiciones xenerales, o la non comunicación de los cambeos de titularidá.

     

  3. Infraiciones leves

    Amás, pa los operadores acoyíos voluntariamente a un nivel de proteición, constitúin infraiciones leves:

    a) Les inexautitúes u omisiones nos datos y comprobantes qu’en cada casu seyan precisos nos rexistros del nivel de proteición, cuando la diferencia ente la cantidá consignada y la real nun pase’l 5% d’esta última.

    b) Nun comunicar cualquier alteración q’afeute a los datos suministraos nel momentu de la inscripción nos rexistros, cuando nun trescurriera más d’un mes dende que terminara’l plazu fixáu na norma que regule’l nivel de proteición.

    c) Cualquier otra infraición de la norma reguladora del nivel de proteición o de los acuerdos del so muérganu de xestión qu’establezan obligaciones adicionales a les xenerales de cualquier vinicultor en materia de declaraciones, llibros-rexistru, documentos d’acompañamientu y otros documentos de control.

     

  4.  Infraiciones graves

    1. Considérense infraiciones graves:

    a) La falta de llibros-rexistru, documentos d’acompañamientu o declaraciones relatives a uva, vinu y mostiu, asina como los errores, inexautitúes u omisiones nellos qu’afeuten a les carauterístiques de los productos o mercancíes consignaos.

    b) Les inexautitúes o errores en llibros-rexistru, documentos d’acompañamientu o declaraciones relatives a uva, vinu y mostiu cuando la diferencia ente la cantidá consignada y la real pase’l 15% d’esta última.

    c) La falta d’actualización de los llibros-rexistru cuando trescurriera más d’un mes dende la fecha en que tenía que se prauticar el primer asientu non espeyáu.

    d) L’aportación de datos falsos nes solicitúes d’ayudes y subvenciones públiques y el suministru d’información falsa nes solicitúes relatives a vinicultura.

    e) La omisión na etiqueta de la razón social responsable o la falta d’etiquetes o rotulación indeleble que fueran preceutives o l’usu d’envases o embalaxes que nun axunten los requisitos esixíos poles disposiciones vixentes.

    f) L’usu nel etiquetáu, presentación o publicidá de los productos de denominaciones, indicaciones, calificaciones, espresiones o signos que nun correspuendan al productu o induzan a confusión, nun siendo lo previsto nos párrafos a) y c) del apartáu 2 del artículu siguiente. En particular, l’usu, cuando nun se tenga derechu a ello, de les menciones sobre avieyamientu regulaes nel párrafu a) del artículu 3, o de les menciones reservaes a v.c.p.r.d. distintes a les regulaes nel párrafu b) del mesmu artículu.

    g) L’incumplimientu de la entrega de productos pa les destilaciones obligatories de dos o más campañes nel periodu de cinco años anteriores a la inspeición.

     

  5. h) La tenencia o venta de productos enolóxicos ensin autorización.

    i) La ellaboración o tresformación de los productos regulaos nesta Llei per aciu de tratamientos, práutiques o procesos non autorizaos, siempre que nun esistan riesgos pa la salú, asina como l’adición o retirada de sustancies qu’alterien la composición de los productos regulaos con resultaos fraudulentos.

    j) Les defraudaciones na naturaleza, composición, calidá, pesu o volume o cualquier diferencia ente les carauterístiques reales de los productos de que se trate y les ofrecíes pol productor, ellaborador o envasador, asina como cualquier actu de naturaleza asemeyada cuando’l resultáu seya l’incumplimientu de les carauterístiques de los productos establecíes na llexislación vixente.

    k) La tenencia de maquinaria, instalaciones o productos non autorizaos pa la ellaboración o almacenamientu del vinu o mostiu en llocales de les industries ellaboradores o envasadores, siempre que nun supongan riesgos pa la salú.

    l) Destín de productos a usos non conformes cola normativa relativa al potencial vinícola.

    m) Les plantaciones con variedaes de vide o de portainxertos non clasificaos pola Comunidá Autónoma que correspuenda, l’incumplimientu de la obligación del arranque de la finca oxetu de la concesión d’un derechu de plantación anticipáu, o les plantaciones de vide o de portainxertos ensin autorización, cuando l’infractor procediera, nun plazu inferior a dos meses dende que la Comunidá Autónoma lo rica pal arranque, de la superficie afeutada pola infraición.

    n) La oposición a la toma de muestres, el retrasu inxustificáu o la negativa a suministrar información o documentación precisa pa les funciones d’inspeición y control alministrativu, asina como apurrir documentación o información falsa.

     

  6. ñ) La manipulación o disposición en cualquier forma, ensin contar cola autorización del muérganu competente, de mercancíes interveníes cautelarmente, cuando nun resulte acreitáu que supunxeran un riesgu pa la salú.

    o) El treslláu físicu, ensin autorización del muérganu competente, de les mercancíes interveníes cautelarmente, siempre que nun se frayen los precintos nin les mercancíes salgan de les instalaciones nes que fueron interveníes.

     

    2. Amás, pa los operadores acoyíos voluntariamente a un nivel de proteición, constitúin infraiciones graves:

    a) Les inexautitúes u omisiones nos datos y comprobantes qu’en cada casu seyan precisos nos rexistros del nivel de proteición correspondiente, cuando la diferencia ente la cantidá consignada y la correuta pase’l porcentaxe que s’estableza na normativa estatal o autonómica, según correspuenda, qu’en nengún casu pue ser mayor del cinco por cientu de la mentada diferencia.

    b) L’incumplimientu de les normes específiques del nivel de proteición, sobre práutiques de producción, ellaboración, tresformación, conservación, tresporte, acondicionamientu, etiquetáu, envasáu y presentación.

    c) El despachu, comercialización o circulación de vinu amparao ensin tar provisto de les contraetiquetes, precintes numberaes o cualquier otro mediu de control establecíu pola norma reguladora del nivel de proteición.

    d) Facer operaciones d’ellaboración, envasáu o etiquetáu de vinu amparao n’instalaciones non inscrites nel nivel de proteición que correspuenda nin autorizaes.

    e) L’impagu de les cuotes obligatories establecíes, nel so casu, pa la financiación del muérganu de xestión. f) Cualquier otra infraición de la norma específica del nivel de proteición o de los acuerdos del so muérganu de xestión en materia de producción, ellaboración o carauterístiques del vinu amparao.

    g) La ellaboración y comercialización d’un v.e.c.p.r.d. al traviés del usu de vinu base procedente d’instalaciones non inscrites nel nivel de proteición que correspuenda, asina como la d’un v.c.p.r.d. a partir d’uva, mostiu o vinu procedente de viñes non inscrites nel nivel de proteición que correspuenda.

     

  7. h) Pa les Denominaciones d’Orixe Calificaes, la introducción en viñes o bodegues inscrites d’uva, mostiu o vinu procedentes de viñes o bodegues non inscrites.

    i) Usar na ellaboración de productos d’un nivel de proteición determináu, uva procedente de finques nes que los rindimientos seyan mayores de los autorizaos a los que se refier l’artículu 16.

    j) La esistencia d’uva, mostiu o vinu en bodega inscrita ensin la documentación preceutiva qu’ampare’l so orixe como productu pola denominación o la esistencia en bodega de documentación qu’acreíte unes esistencies d’uva, mostiu o vinu protexíos ensin la contrapartida d’estos productos. Les esistencies de vinu en bodega tienen que coincidir coles esistencies declaraes documentalmente, almitiéndose una tolerancia del 2% en más o en menos, con calter xeneral, y del 1% pa les Denominaciones d’Orixe Calificaes.

     

    3. Pa los muérganos d’inspeición o de control constitúin infraiciones graves les siguientes:

     

    a) Remitir certificaos o informes con conteníu que nun s’axuste a la realidá de los fechos.

    b) Facer inspeiciones, ensayos o pruebes polos mentaos muérganos de forma incompleta o con resultaos inexautos por una constatación insuficiente de los fechos o pola aplicación deficiente de normes téuniques.

     

  8.  Infraiciones mui graves

    1. Considérense infraiciones mui graves:

    a) La ellaboración, tresformación o comercialización de los productos regulaos nesta Llei al traviés de tratamientos, práutiques o procesos non autorizaos, siempre qu’esistan riesgos pa la salú.

    b) La non introducción nes etiquetes y presentación del vinu de los elementos suficientes pa estremar a les clares la so calificación y procedencia, cola fin d’evitar confusión nos consumidores, derivada del usu d’una mesma marca, nome comercial o razón social na comercialización de vinu que correspuenda a distintos niveles de proteición o procedente de diferentes ámbitos xeográficos. c) La tenencia de maquinaria, instalaciones o productos non autorizaos pa la ellaboración o almacenamientu del vinu o mostiu en llocales de les industries ellaboradores o envasadores, cuando supongan riesgos pa la salú.

    d) La falsificación de productos o la venta de productos falsificaos, siempre que nun seyan constitutives de delitu o falta.

    e) La negativa absoluta a l’actuación de los servicios públicos d’inspeición.

    f) La manipulación, treslláu o disposición, ensin autorización, de mercancíes interveníes cautelarmente, si se frayen los precintos o si les mercancíes salen de les instalaciones onde fueron interveníes.

    g) Les coaiciones, amenaces, inxuries, represalies, agresiones o cualquier otra forma de presión a los emplegaos públicos encargaos de les funciones d’inspeición o vixilancia alministrativa, siempre que nun seyan constitutives de delitu o falta.

     

  9. 2. En rellación colos v.c.p.r.d. constitúin, asina mesmo, infraiciones mui graves:

    a) L’usu, cuando nun se tenga derechu a ello, d’indicaciones, nomes comerciales, marques, símbolos o emblemes que fagan referencia a los nomes amparaos por un nivel de proteición, o que, por tar asemeyaos fonética o gráficamente colos nomes protexíos o colos signos o emblemes que-yos seyan carauterísticos, puedan llevar a confusión sobre la naturaleza, calidá u orixe de los productos, anque vayan precedíos polos términos «tipu», «estilu», «xéneru», «imitación», «sucedaneu» u otros asemeyaos. b) L’usu , cuando nun se tenga derechu a ello, de les menciones reservaes a v.c.p.r.d. regulaes nel párrafu b) del artículu 3.

    c) L’usu de los nomes protexíos en productos a los que se-yos negara espreso, asina como les infraiciones de los artículos 18.2 y 18.3.

    d) La tenencia, negociación o usu indebíos de los documentos, etiquetes, contraetiquetes, precintes y otros elementos d’identificación propios del v.c.p.r.d., asina como la falsificación de los mesmos, siempre qu’esto nun seya constitutivu de delitu o falta.

     

    3. Pa los muérganos d’inspeición o de control constitúin infraiciones mui graves les tipificaes nel apartáu 3 del artículu anterior, cuando de les mesmes resulte un dañu mui grave o se derive un peligru mui grave ya inminente pa les persones, la flora, la fauna o’l mediu ambiente.

     

    4. Pa los Conseyos Reguladores de vinu con denominación d’orixe o con denominación d’orixe calificada constitúi infraición mui grave la intromisión na actividá d’estos últimos o la perturbación de la independencia o inamovilidá de los controladores.

     

Plazo de solicitud

En plazo Todo el año

Cómo solicitarlo

Paso  1:
Paso  2:
Cumpliméntala.
Paso  3:
Preséntala nel sitiu indicáu.

Dónde

Rexistru Xeneral de l’Alministración del Principáu d’Asturies

C/ Trece Rosas, nu2, planta plaza

33005 Uviéu

Te respondemos mediante

1.  Notificación por corréu certificáu con acuse de recibu

Tu solicitud será tramitada por

Servicio de Desarrollo Agroalimentario

Tu solicitud será resuelta por

CONSEJERÍA DE DESARROLLO RURAL, AGROGANADERÍA Y PESCA

Código 200349

Otras formas de tramitación

Si no estás registrado hazlo, todo son ventajas. Podrás consultar tus expedientes y realizar tus trámites desde la web.

Tienes dudas...
Atención ciudadana. Llama 012. | Contacta con nosotros

Información sobre el documento

© Copyright 2006. Gobierno del Principado de Asturias