Saltar al conteníu principal

Gobiernu del Principáu d'Asturies

Asturies, muncho más cerca

banda de sede
 

Tas en

Asturias.es Sede Electrónica Axudicación de vivienda por causa d’emerxencia social

201300037-Axudicación de vivienda por causa d’emerxencia social

Tramita al traviés d'Internet

Consiste en

Acceder a viviendes del Principáu d’Asturies (VPP) por causa d’emerxencia social.

Imprimir

Requisitos

  1. La persona solicitante tien que tar empadronada o ser residente con un mínimu de 2 años d’antigüedá nel conceyu onde tean allugaes les viviendes, cuntaos nel momentu de presentar la solicitú.

    Van poder quedar llibres de cumplir esti requisitu:

    • Les muyeres víctimes de violencia de xéneru, siempre y cuando resulte probada la conveniencia de nun tar empadronada o vivir nel so conceyu; con esi oxetu va tener que pidir informe favorable de la Conseyería competente en materia d’igualdá.
    • Les persones que colaren del Principáu d’Asturies por razones llaborales, depués de tar empadronaes o ser residentes nel conceyu onde s’alluguen les viviendes per un tiempu siguíu de non menos de 15 años.
    • Les persones emigrantes que volvieron, entendiéndose por talo aquelles que, anque marcharen del Principáu d’Asturies, nacieren n’Asturies o seyan descendientes en primer grau de naturales d’Asturies y permanecieren polo menos 10 años, cola nacionalidá española, na emigración y volvieren.
    • Les persones repatriaes que colaren del Principáu d’Asturies de la que yeren menores d’edá por causes polítiques y quieran volver.
  2. Tener unos ingresos añales non superiores a 1,5 veces l’Indicador Públicu de Renta d’Efectos Múltiples (IPREM).

    Nos supuestos de muyeres víctimes de violencia de xéneru, los ingresos añales nun puen ser de más de 3 veces l’IPREM.

  3. Ser mayor d’edá o menor emancipáu acordies colo establecío na llexislación civil.

  4. Nun atopase incapacitáu pa obligase contractualmente.

  5. Nun ser titular, nengún de los miembros de la unidá de convivencia, del dominiu plenu o d’un derechu real d’usu o disfrute d’una vivienda, o nel so casu, acreitar la necesidá de vivienda.

  6. Cuntar los miembros de la unidá de convivencia con permisu de residencia cuando esti documentu resulte esixible.

  7. Nun renunciar ensin causa xustificada, nengún miembru de la unidá de convivencia, a una vivienda de titularidá del Principáu d’Asturies nos 5 años anteriores a la fecha de presentación de la solicitú.

  8. Qu’a nengún de los miembros de la unidá de convivencia-y denegaren la renovación d’un contratu d’arrendamientu d’una vivienda de titularidá del Principáu d’Asturies, nin diere pie a una resolución de contratu por incumplimientu de les condiciones contractuales, nin ocupare una vivienda pública de forma illegal nos 5 años anteriores a la fecha de presentación de la solicitú.

  9. Tolos miembros de la unidá de convivencia han tar al corriente del pagu de les deudes contrayíes poles cuotes d’arrendamientu y conceptos asimilables por contratos anteriores d’arrendamientu de viviendes de titularidá del Principáu d’Asturies.

  10. Atopase en dalguna d’estes situaciones:

    • Privación de vivienda por causa de fuercia mayor, esto ye, por socesos que nun pudieren prevese o que, previstos, foren inevitables.
    • Reordenación urbanística exercida nel territoriu del Principáu d’Asturies, qu’implique la valtadura de les edificaciones existentes, por causa d’una remodelación llevada alantre pola Alministración Pública o por un Ente Públicu.
    • Declaración de ruina qu’implique’l valtamientu y desapolinamientu inmediatu del inmueble afectáu.
    • Víctimes de violencia de xéneru.
    • Privación de vivienda por ser ésta oxetu d’execución hipotecaria, con fecha prevista de llanzamientu que suponga la perda efectiva de la vivienda.
    • Persones ensin casa qu’acreíten esa situación al traviés de los servicios sociales del conceyu respectivu.
    • Discapacidá sobrevenida bien acreitada, con llimitación funcional y siempre qu’haya barreres arquitectóniques que nun tean bones de subsanar.
    • Necesidá d’una atención social especial, atopándose dientro d’un programa específicu xestionáu pol conceyu o’l Principáu d’Asturies, p’acoyida temporal n’arriendu o empréstamu.

Imprimir

Precises

  1. Solicitú en modelu normalizáu.

    • Permisu de residencia temporal o permanente, d’alcuerdu colo previsto na llexislación sobre derechos y llibertaes de los estranxeros n’España.

    • Certificación del centru de trabayu.

    • Certificación acreitativa del treslláu llaboral, nel so casu.

    • Certificación acreitativa de la condición de persona emigrante retornada.

    • Certificación emitida pol organismu competente del estáu español o del país onde viviere la persona emigrante retornada qu’acreíte que dalgún miembru de la unidá de convivencia tuvo que colar del país de la que yera menor d’edá, por causes polítiques o por causes de trabayu.

    • En casu d’habitar una vivienda en réxime d’arriendu:

      • Contratu d’arriendu vixente y, nel so defectu, declaración responsable conxunta del titular de la vivienda y del miembru de la unidá de convivencia que seya inquilín, de vivir en réxime d’arriendu nuna vivienda perteneciente al conceyu onde s’alluguen les viviendes convocaes.
    • Declaración xurada, de tolos miembros de la unidá de convivencia, de nun ser titulares d’un derechu efectivu d’usu o disfrute sobre vivienda dalguna.

    • Nos casos d’indisponibilidá de vivienda por ser o tener sío oxetu de procesu d’execución hipotecaria, por tar en condiciones d’inhabitabilidá o ser asignada a una persona distinta de dalgún miembru de la unidá de convivencia, por causa de separación, divorciu, disolución de pareya de fechu, heriedu, legáu, donación o otres causes:

      • Resoluciones xudiciales, escritures públiques o certificaos emitíos pol órganu competente, qu’acreíten la causa d’indisponibilidá de la vivienda.
    • Resolución xudicial acreitativa de la existencia d’episodios de violencia de xéneru.

    • Orde de protección dictada a favor de la víctima.

    • Los miembros de la unidá de convivencia que nun tuvieren obligaos a presentar la declaración del Impuestu sobre la Renta de les Persones Físiques, van tener que presentar estos documentos:

      • Persones xubilaes y pensionistes:
        • Certificación espedida pola Seguridá Social o organismu pagador correspondiente, de les cantidaes percibíes nel periodu impositivu computable.
      • Persones trabayadores en situación de desempléu tres un periodu d’actividá llaboral:
        • Certificación espedida pol órganu competente de les prestaciones económiques percibíes nos últimos doce meses anteriores a la fecha de publicación de la convocatoria correspondiente.
      • Persones trabayadores por cuenta ayena:
        • Certificación del empleador de los ingresos percibíos, nel periodu impositivu computable.
      • Persones trabayadores por cuenta propia:
        • Documentación acreitativo de tolos ingresos y gastos derivaos de la so actividá económica nel periodu impositivu computable.
      • Persones que percibieren ingresos nel esterior:
        • Certificación del organismu competente o entidá bancaria acreitativa del valor n’euros d’esos ingresos.

Interésate saber

  1. DOCUMENTACIÓN QU’ACOMPAÑA A LA SOLICITÚ

    La solicitú ha presentase acompañada de los documentos qu’acreíten les circunstancies personales, sociales y económiques riquíes pa ser axudicatariu/a d’una vivienda, ensin que seya menester presentar documentación de los datos relativos a la identidá, residencia, ingresos, titularidá d’inmuebles, composición de la unidá de convivencia, que puen ser consultaos directamente pola Alministración.

  2. PERSONES NECESITAES DE VIVIENDA

    Van considerase tamién necesitaes de vivienda aquelles persones que, siendo propietaries de vivienda, acreíten documentalmente la non disponibilidá d’usu sobre ella por dalguna de les causes que se describen de siguío:

    • Que la vivienda seya o fore oxetu de procesu d’execución hipotecaria, siempre y cuando tea allugada nel Principáu d’Asturies y constituyere la so casa davezu y permanente.
    • Que se trate d’una vivienda allugada nel Principáu d’Asturies que seya la so casa davezu y permanente y nun cunte coles condiciones mínimes d’habitabilidá establecíes na correspondiente normativa o fore declarada n’estáu de ruina qu’implique’l valtamientu y desapolinamientu del inmueble afectáu. Nun se van considerar los defectos existentes qu’almitan soluciones constructives, teniendo que s’apurrir informe técnicu emitíu por órganu competente.
    • Que se trate d’una vivienda que fore axudicada xudicialmente como casa familiar al otru cónxugue tres un procesu de separación, divorciu o disolución de la pareya de fechu.
    • Que se trate d’una vivienda que constituya la casa d’una muyer víctima de violencia de xéneru.
    • Que se trate d’una vivienda en réxime de cotitularidá, axudicada xudicialmente, por heriedu, legáu, donación o otres causes y el derechu d’usu sobre ella correspuenda a una persona ensin incluyir na unidá de convivencia.
    • Privación de vivienda por causa de fuercia mayor, esto ye, por socesos que nun pudieren prevese, o que, previstos, foren inevitables, siempre y cuando tea allugada nel Principáu d’Asturies y seya la casa davezu y permanente.
    • Reordenación urbanística exercida nel territoriu del Principáu d’Asturies, qu’implique la valtadura de les edificaciones existentes, por causa d’una remodelación llevada alantre pola Alministración Pública o por un Ente Públicu.
    • Que se trate d’un casu de discapacidá sobrevenida bien acreitada, con llimitación funcional y siempre qu’haya barreres arquitectóniques que nun tean bones de subsanar, teniendo que s’apurrir informe técnicu emitíu por órganu competente.

Plazu de solicitú

En plazo Tol añu

Cómo solicitalu

Pasu  1:
Iniciar solicitú

Recursos

1.Recursu potestativu de reposición o contencioso-alministrativu

La to solicitú va ser tramitada al traviés de

Servicio de Promoción y Financiación de la Vivienda

La to solicitú va ser resuelta por

CONSEJERÍA DE DERECHOS SOCIALES Y BIENESTAR

Códigu 201300037

Otres formes de tramitación

Como firmar tus solicitudes

 

Compruebe aquí los requisitos para la firma

 

Verifique aquí que su equipo tiene la configuración técnica necesario para la firma en la tramitación de este servicio.

 

De nun tar rexistráu has facelo, too sonventayes. Pues consultar les tos esperiencies y facer los tos trámites dende la web.

Tienes duldes...
012 | Contacta con nós

Información sobre el documento

© Copyright 2006. Gobiernu del Principau d'Asturies