Saltar al conteníu principal

Gobiernu del Principáu d'Asturies

Asturies, muncho más cerca

banda de sede
 

Tas en

Asturias.es Sede Electrónica Servicios y Trámites Agricultura y montes Denuncies en materia de pesticíes fitosanitarios y ganaderos

2003131-Denuncies en materia de pesticíes fitosanitarios y ganaderos

Tramita al traviés d'Internet

Consiste en

Denunciar les infraiciones derivaes d’incumplir les obligaciones afitaes nel Real Decretu 1945/1983, de 22 de xunu, pol que se regulen les Infraiciones y Sanciones en materia de defensa del consumidor y de la producción agroalimentaria.

Imprimir

Requisitos

1.

Ser mayor de 18 años.

Imprimir

Precises

  1. Modelu de denuncia.

Interésate saber

  1. SON INFRAICIONES SANITARIES

    • L’incumplimientu de los requisitos, condiciones, obligaciones o torgues de naturaleza sanitaria determinaos na normativa a la que se refier l’artículu 1.
    • Les aiciones u omisiones que produzan riesgos o daños efeutivos pa la salú de los consumidores o usuarios, yá seya en forma consciente o deliberada, yá por abandonu de la dilixencia y precauciones esixibles na actividá, serviciu o instalación de que se trate.
    • Incumplir o frayar los requerimientos previos que formulen concretamente les autoridaes sanitaries pa situaciones específiques, al envís d’evitar contaminaciones o circunstancies nocives d’otra triba que puedan resultar gravemente perxudiciales pa la salú público.

     

    Infraiciones leves

    Les que nun tengan que se calificar como graves o mui graves.

    Infraiciones graves

    • Les que reciban espreso la mentada calificación na normativa especial aplicable a cada casu.
    • La promoción o venta pa usu alimentariu o l’usu o tenencia d’aditivos o sustancies estrañes cuando’l so usu nun tea autorizáu pola normativa vixente na ellaboración del productu alimenticiu o alimentariu de que se trate, cuando nun produzan riesgos graves y direutos pa la salú de los consumidores.
    • La ellaboración, distribución, suministru o venta de preparaos alimenticios cuando na so presentación s’induza a confusión al consumidor sobre les sos verdaderes carauterístiques sanitaries o nutricionales.
    • Y, en xeneral, l’incumplimientu de los requisitos, condiciones, obligaciones o torgues establecíos o la falta de dilixencia o precauciones esixibles cuando pola so duración u otros fechos y circunstancies concurrentes impliquen un despreciu manifiestu pol riesgu eventualmente creáu pa la salú de los consumidores.

     

    Infraiciones mui graves

    • Les que reciban espreso la mentada calificación na normativa especial aplicable a cada casu.
    • La preparación, distribución, suministru o venta d’alimentos que contengan xérmenes, sustancies químiques o radioactives, toxines o parásitos capaces de producir o tresmitir enfermedaes al home o que pasen los topes o tolerancies reglamentariamente establecíes na materia.
    • La promoción o venta pa usu alimentariu o l’usu o tenencia d’aditivos o sustancies estrañes cuando’l so usu nun tea autorizáu pola normativa vixente na ellaboración del productu alimenticiu o alimentariu de que se trate y produza riesgos graves y direutos pa la salú de los consumidores.
    • L’esviación pa consumu humano de productos non aptos pa ello o empobinaos específicamente a otros usos.
    • Y, en xeneral, l’incumplimientu de los requisitos, condiciones, obligaciones o torgues establecíos o la falta de dilixencia o precauciones esixibles cuando produzan riesgu grave y direutu pa la salú de los consumidores.
  2. INFRAICIONES EN MATERIA DE PROTEICIÓN AL CONSUMIDOR

    1. Infraiciones por alteración, adulteración o fraude en bienes y servicios susceptibles de consumu

    • La ellaboración, distribución, suministru o venta de bienes a los que s’amestara o quitara cualquier sustancia o elementu p’alteriar la so composición, estructura, pesu o volume con fines fraudulentos, pa correxir defeutos al traviés de procesos o procedimientos que nun tean espreso y reglamentariamente autorizaos o p’anubrir la calidá inferior o alteración de los productos usaos.
    • La ellaboración, distribución, suministru o venta de bienes cuando la so composición o calidá nun s’axuste a les disposiciones vixentes o nun s’asemeye a la declarada y anotada nel Rexistru que correspuenda.
    • El fraude en cuantes al orixe, calidá, composición, cantidá, pesu o midida de cualquier triba de bienes o servicios empobinaos al públicu o la so presentación al traviés de determinaos envases, etiquetes, rótulos, zarros, precintos o cualquier otra información o publicidá qu’induza a engañu o confusión o amazcare la naturaleza verdadera del productu o serviciu.
    • El fraude na presentación de toa triba de servicios, de forma que s’incumplan les condiciones de calidá, cantidá, intensidá o naturaleza de los mesmos, con arreglu a la categoría con qu’éstos s’ofrezan.
    • El fraude na garantía y nel arreglu o reparación de bienes de consumu duraderu por incumplimientu de les normes téuniques que regulen les materies o por insuficiencia de l’asistencia téunica en rellación cola ofrecida al consumidor nel momentu de la compra de talos bienes.
  3. 2. Son Infraiciones en materia de transaiciones comerciales, condiciones téuniques de venta y en materia de precios

    • La venta al públicu de bienes o’l dar servicios a precios mayores de los máximos llegalmente establecíos o con incumplimientu de les disposiciones o normes vixentes en materia de precios y márxenes comerciales.
    • Esconder al consumidor o usuariu parte del preciu al traviés de formes de pagu o serviciu non manifiestes o per aciu de rebaxes na calidá o cantidá reales no tocante a los servicios conveníos aparentemente .
    • La imposición de condiciones que supongan una torga pa vender a precios inferiores a los mínimos señalaos pol productor, fabricante o distribuidor de productos singularizaos por una marca rexistrada.
    • Facer transaiciones nes que s’imponga inxustificadamente al consumidor o usuariu la condición espresa o tácita de comprar una cantidá mínima o productos non solicitaos, o la de da-y o dar él un serviciu non pidíu o non ofrecíu.
    • La intervención de cualquier persona, firma o empresa en forma que suponga l’apaición d’un nuevu escalón intermediu dientro del procesu habitual de distribución, siempre qu’orixine o dea batura a un aumentu non autorizáu de los precios o márxenes máximos fixaos.
    • L’acaparamientu o detraición inxustificada al mercáu de materies o productos empobinaos direuta o indireutamente al suministru o venta al públicu en perxuiciu direutu ya inmediatu pal consumidor o usuariu.
    •  La negativa inxustificada a satisfacer les demandes del consumidor o usuariu y d’espendedores o repartidores, producíes de bona fe o conforme al usu establecíu, cuando la so satisfaición tea dientro de les disponibilidaes del vendedor o dador habitual, asina como cualquier forma de discriminación no tocante a les demandes referíes .
    •  La non estensión de la factura que correspuenda pola venta de bienes o ufierta de servicios nos casos en que seya preceutivo o cuando lo solicite’l consumidor o usuariu.

     

  4. 3. Son infraiciones en materia de normalización, documentación y condiciones de venta o suministru

    • L’incumplimientu de les disposiciones relatives a normalización o tipificación de bienes o servicios que se produzan, comercialicen o esistan nel mercáu.
    • L’incumplimientu de les disposiciones sobre instalación o requisitos pa l’apertura d’establecimientos comerciales o de servicios y pal exerciciu de les estremaes actividaes mercantiles, seya la que seya la so naturaleza, incluyíes les hoteleres y turístiques.
    • L’incumplimientu de les disposiciones alministratives sobre torga d’ellaborar y/o comercializar determinaos productos y la comercialización o repartu d’aquéllos que precisen autorización alministrativa y, n’especial, la so inscripción nel Rexistru Xeneral Sanitariu, ensin disponer de la mesma.
    • L’incumplimientu de les disposiciones que regulen el marcáu, etiquetáu y envasáu de productos, asina como la publicidá sobre bienes y servicios y los sos precios.
    • L’incumplimientu de les disposiciones sobre usu de marques, troqueles y contramarques.
    • L’incumplimientu de les normes relatives a documentación, información, llibros o rexistros establecíos obligatoriamente pal réxime y funcionamientu afayadizos de la empresa, instalación o serviciu y como garantía pa la proteición del consumidor o usuariu.
    • L’incumplimientu de les disposiciones u ordenances sobre condiciones de venta na vía pública, peles cases, ambulante, per corréu o per entregues socesives o de cualquier otra forma de toa triba de bienes o servicios. o L’incumplimientu de les disposiciones sobre seguridá en cuantes afeuten o puedan suponer un riesgu pal usuariu o consumidor.
  5. INFRAICIONES EN MATERIA DE DEFENSA DE LA CALIDÁ DE LA PRODUCCIÓN AGROALIMENTARIA

    1. Son infraiciones antirreglamentaries

    •  La non presentación del certificáu acreitativu de la inscripción oficial de la empresa, industria, almacén, materia o productu nel Ministeriu d’Agricultura, Pesca y Alimentación, cuando a ello se tea obligáu o la non exhibición del mesmu nel llocal que correspuenda na forma en que tuviera establecío.
    • El repartu de propaganda ensin autorización previa del Ministeriu d’Agricultura, Pesca y Alimentación, cuando ésta seya preceutiva o cuando nun s’axuste a los requisitos oficiales establecíos. 
    • L’incumplimientu nel unviu dientro de los plazos marcaos de los partes d’esistencia y movimientos de productos o materies o la presentación de partes defeutuosos, cuando éstos seyan obligatorios.
    • La falta de talonarios matrices de factures de venta, llibros de movimientos o cuantos documentos obliguen a llevar les disposiciones vixentes.
    • L’alteración relativa al cambéu de titularidá y l’arrendamientu de les industries agraries y alimentaries que nun fuera comunicáu al muérganu alministrativu que correspuenda, según les normes en vixencia.
    • La paralización de les actividaes de les industries agraries y alimentaries ensin comunicalo al muérganu alministrativu que correspuenda con arreglu a la llexislación vixente.
    • L’incumplimientu de les instrucciones que sobre la so actividá y competencia emanen del Ministeriu d’Agricultura, Pesca y Alimentación, siempre que se trate d’infraiciones namás formales non columbraes nos apartaos siguientes.
  6. 2. Son infraiciones por clandestinidá

    • La tenencia n’esplotaciones agraries ya industries ellaboradores o en llocales anexos de sustancies non autorizaes pola llexislación específica pa la producción o ellaboración de los productos.
    • La ellaboración, distribución o venta de productos, materies o elementos pal o del sector agroalimentariu ensin que’l titular responsable o’l llocal poseya l’autorización preceutiva cuando llegalmente fuera esixible’l mentáu requisitu.
    • La falta d’inscripción de los mentaos productos, materies o elementos na forma que pa caún d’ellos s’estableciera.
    • La tenencia o venta de productos a granel ensin tar autorizaos pa ello o la circunstancia de nun tener los envases los requisitos esixíos poles disposiciones que correspuendan.
    • La falta d’etiquetes o rotulación indeleble, que fueran preceutives, o’l nun s’axustar les mesmes a la forma o condiciones establecíes pa los mentaos productos.
    • La non estensión de factures, comerciales, la omisión nes mesmes o la estensión deficiente de dalgún de los datos esixíos pola llexislación vixente.
    • El suministrar, ensin axustase a la realidá, tolos datos que seyan llegalmente esixibles.
    • La posesión de maquinaria o preseos ensin la inscripción preceutiva de la mesma nos rexistros llegalmente establecíos, asina como nun la dar de baxa nos mentaos rexistros cuando por cualquier causa dexe d’usase d’una manera permanente.
    • La plantación o cultivu non autorizáu d’especies o variedaes de plantes que tean suxetes a normatives específiques o la multiplicación, ensin l’autorización del Obtentor, de variedaes rexistraes. o La instalación o cambéu nos casos d’ampliación, reducción, perfeicionamientu y treslláu de les industries agraries y alimentaries con incumplimientu de les disposiciones vixentes en materia de regulación de les mentaes industries. o L’exerciciu d’actividaes nes industries agraries y alimentaries ensin tar inscrites nel Rexistru que correspuenda o cuando aquelles actividaes nun tean previstes na mentada inscripción, o ésta seya anulada.
    • La tresferencia de les autorizaciones pa la instalación o cambéu d’industries agraries y alimentaries non lliberalizaes ensin permisu espresu de la Direición Xeneral d’Industries Agraries y Alimentaries en tanto nun se monte la industria y ultime’l cambéu, asina como l’incumplimientu de les cláusules de l’autorización o requisitos esixibles, y l’incumplimientu de los plazos previstos na mentada autorización o, nel so casu, nes prórrogues concedíes pa facer les instalaciones o los cambeos autorizaos.
    • En xeneral, toa actuación que con ánimu d’arriquecimientu tienda a evitar la efeutividá de les normes y midíes de vixilancia o intervención establecíes nes materies a les que se refier esti artículu.
  7. 3. Son infraiciones por fraude:

    • La ellaboración de medios de producción, productos agrarios y alimentarios, al traviés de tratamientos o procesos que nun tean autorizaos pola llexislación vixente, asina como l’amestar o quitar sustancies o elementos que camuden la so composición con fines fraudulentos.
    • Les defraudaciones na naturaleza, composición, calidá, riqueza, pesu, escesu d’humedá o cualquier otra diferencia qu’esistiera ente les carauterístiques reales de la materia o elementos de que se trate y les ofrecíes pol productor, fabricante o vendedor, asina como tou actu voluntariu de naturaleza asemeyada que suponga frayar o incumplir lo dispuesto na llexislación vixente.
    • L’usar nes etiquetes, envases o propaganda, nomes, indicaciones de procedencia, triba de productu o indicaciones falses que nun correspuendan al productu o induzan a confusión nel usu. o La falsificación de productos y la venta de los productos falsificaos.
    • Apurrir datos falsos que puedan llevar a cualquier muérganu del Ministeriu d’Agricultura, Pesca y Alimentación a conceder ayudes, subvenciones o beneficios de cualquier triba, ensin que se cumplan los requisitos o s’axunten les condiciones establecíes previamente a partir del momentu en que se conceda la subvención o beneficiu.
  8. OTRES INFRAICIONES

    • La negativa o resistencia a suministrar datos o facilitar la información riquida poles autoridaes competentes o los sos axentes, n’orde al cumplimientu de les funciones d’información, vixilancia, investigación, inspeición, tramitación y execución nes materies a les que se refier el Real Decretu 1945/1983, asina como al suministru d’información inexauta o documentación falsa.
    • La resistencia, coaición, amenaza, represalia o cualquier otra forma de presión a los funcionarios encargaos de les funciones a les que se refier el Real Decretu 1945/1983 o escontra les empreses, particulares u organizaciones de consumidores qu’emprimaran o quieran emprimar cualquier triba d’aición llegal, denuncia o participación en procedimientos yá entamaos; asina como la tentativa d’exercitar talos actos.
    • La manipulación, treslláu o disposición en cualquier forma de mercancía intervenida cautelarmente polos funcionarios competentes

     

  9. Les infraiciones en materia de transaiciones comerciales, condiciones téuniques de venta y en materia de precios, les de normalización, documentación y condiciones de venta o suministru y les calificaes como otres infraiciones son leves:

    • Cuando l’aplicación, variación o señalamientu de precios o márxenes comerciales que pasen de los topes o incrementos aprobaos polos Muérganos alministrativos seya d’entidá escasa y s’aprecie simple neglixencia.
    • Cuando se trate de simples irregularidaes nel cumplimientu de les reglamentaciones relatives al mercáu, ensin trescendencia direuta pa los consumidores o usuarios.
    • Cuando se corrixan los defeutos en plazu señaláu pola autoridá competente, si l’incumplimientu afeuta a la normativa sobre l’exerciciu d’actividaes comerciales.
    • En tolos demás casos en que nun proceda la so calificación como graves o mui graves.
  10. Les infraiciones por alteración, adulteración o fraude en bienes y servicios susceptibles de consumu y les infraiciones por fraude son graves valorando les circunstancies siguientes:

    • Que, en too o en parte, seyan concurrentes con infraiciones sanitaries graves o éstes valieran pa facilitar o anubrir aquélles.
    • Que se dean nel orixe de la so producción o distribución, de forma consciente y deliberada o por falta de los controles y precauciones esixibles na actividá, serviciu o instalación de que se trate.

     

    Les infraiciones en materia de transaiciones comerciales, condiciones téuniques de venta y en materia de precios, les de normalización, documentación y condiciones de venta o suministru y les calificaes como otres infraiciones son graves no tocante a:

    • La situación del predominiu del infractor nun sector del mercáu.
    • La cuantía del beneficiu algamáu como consecuencia direuta o indireuta de la infraición.
    • La gravedá de l’alteración social que produza l’actuación infractora.
    • La xeneralización nun sector determináu d’una mesma triba d’infraición.
    • La negativa repetida a facilitar información o collaborar colos servicios de control ya inspeición.
    • La reincidencia n’infraiciones leves, nos tres meses últimos.
  11. Les infraiciones por alteración, adulteración o fraude en bienes y servicios susceptibles de consumu y les infraiciones por fraude son mui graves no tocante a les circunstancies siguientes:

    • Les que, en too o en parte, seyan concurrentes con infraiciones sanitaries mui graves o éstes valieran pa facilitar o anubrir aquélles.
    • Les que supongan la estensión de l’alteración, adulteración o fraude a facer por terceros a quien se facilita la sustancia, medios o procedimientos pa facelos, anubrilos o amazcaralos.
    • La reincidencia n’infraicicones graves, nos últimos cinco años, que nun seyan a la so vegada consecuencia de reincidencia n’infraiciones leves.
    •  Les infraiciones en materia de transaiciones comerciales, condiciones téuniques de venta y en materia de precios, les de normalización, documentación y condiciones de venta o suministru y les calificaes como otres infraiciones son mui graves no tocante a les circunstancies siguientes:
    •  La creación d’una situación de desabastecimientu nun sector o zona de mercáu nacional determinada pola infraición.
    • L’aplicación de precios o márxenes comerciales en cuantía mui superior a los topes autorizaos.
    • La concurrencia na mayoría de los bienes y servicios ofrecíos por una empresa de precios que pasen talos topes anque consideraos individualmente nun resulten escesivos.
    • La negativa absoluta a facilitar información o collaborar colos servicios de control ya inspeición.
    • La reincidencia n’infraiciones graves nos últimos cinco años que nun seyan a la so vegada consecuencia de reincidencia n’infraiciones

Plazu de solicitú

En plazo Tol añu

Cómo solicitalu

Pasu  1:
Iniciar solicitú

Respondémoste por aciu de

1.  Notificación por corréu certificáu con acuse de recibu

La to solicitú va ser tramitada al traviés de

Servicio de Desarrollo Agroalimentario

La to solicitú va ser resuelta por

CONSEJERÍA DE DESARROLLO RURAL, AGROGANADERÍA Y PESCA

Códigu 2003131

Otres formes de tramitación

Como firmar tus solicitudes

 

Compruebe aquí los requisitos para la firma

 

Verifique aquí que su equipo tiene la configuración técnica necesario para la firma en la tramitación de este servicio.

 

De nun tar rexistráu has facelo, too sonventayes. Pues consultar les tos esperiencies y facer los tos trámites dende la web.

Tienes duldes...
012 | Contacta con nós

Información sobre el documento

© Copyright 2006. Gobiernu del Principau d'Asturies