Saltar al conteníu principal

Gobiernu del Principáu d'Asturies

Asturies, muncho más cerca

banda de sede
 

Tas en

Asturias.es Sede Electrónica Agospiamientos de turismu rural: ...

2002493-Agospiamientos de turismu rural: principiu d’actividá y clasificación

Tramita al traviés d'Internet

Consiste en

Empecipiar l’actividá d’un agospiamientu de turismu rural (hotel rural, casa d’aldega o apartamentu rural) y proceder a la so clasificación.

Imprimir

Requisitos

  1. Cumplir los requisitos técnicos establecíos nel Decretu 143/2002, de 14 de payares, d’Agospiamientos de Turismu Rural pa cada modalidá.

  2. Tar allugáu n’asentamientos tradicionales de población de menos de 500 habitantes, o en suelu non urbanizable, con independencia de la so clasificación.

Imprimir

Precises

  1. Escritura de la constitución de la Sociedá y NIF (si’l titular ye una persona xurídica).

  2. Títulu qu’acreite la disponibilidá del establecimientu (escritura de propiedá, contratu d’arrendamientu o cualesquier títulu válidu en Derechu).

  3. Proyectu técnicu visáu, o planos de distribución interior de planta, a escala, nos que se va indicar el destín y superficie de cada dependencia.

  4. Llicencia municipal definitiva d’apertura (usu y funcionamientu).

  5. Llistáu de les unidaes d’agospiamientu, con indicación del númberu o nome que les identifique, superficies, capacidá en places y servicios de que tean dotaes (en modelu oficial, llistáu d’habitaciones o llistáu d’apartamentos, según correspuenda).

  6. Póliza del seguru de responsabilidá civil contratáu por una cuantía mínima de cobertoria de 150.250 ?, ensin que, nel so casu, la franquicia sía superior a 602 y el recibu acreitativu del pagu (nun valen seguros de domiciliu, tien que ser de comerciu, pa una actividá turística.)

  7. Informe del Conceyu onde diga que l’establecimientu s’alluga n’asentamientos tradicionales de población de menos de 500 habitantes o suelu non urbanizable.

  8. Dos semeyes onde se vean distintes fachaes esteriores del inmueble.

  9. Nes cases d’aldega individualices ye obligatorio residir na mesma vivienda y apurrir el certificáu d’empadronamientu. Nes cases d’aldega de 3 trisqueles hai que residir na mesma localidá y tienen que presentar tamién certificáu d’empadronamientu.

    • Documentu acreitativu de la esistencia y titularidá d’una esplotación agraria, ganadera o forestal, dientro de la cual tea integráu l’establecimientu.

    • Memoria de les xeres agrícoles, ganaderes o forestales de la esplotación, col so calendariu correspondiente, nes que pueda participar de manera activa’l veceru del agospiamientu.

  10. Si t'opones a que'l Principáu d'Asturies pida información n'otres Alministraciones Públiques o estos documentos nun se presentaron enantes en cualquier Alministración, necesites amás:
  11. Documentu Nacional d’Identidá o Documentu acreitativu de la identidá o Tarxeta d’identidá de la persona estranxera residente en territoriu español.

Interésate saber

  1. HOTELES RURALES

    Establecimientos allugaos n’inmuebles de valor arquitectónicu singular o que respuendan a l’arquitectura tradicional asturiana de la zona que, ufiertando agospiamientu, con o ensin servicios complementarios, ocupen la totalidá d’un edificiu, edificios o parte independizada de los mesmos, constituyendo les sos dependencies un bloque homoxéneu, con entraes, escaleres y ascensores d’usu esclusivu.

  2. CASES D’ALDEA

    Son viviendes autónomes y independientes, que les sos característiques sían les mesmes de l’arquitectura tradicional asturiana de la zona, nes que se proporcione, mediante preciu, el serviciu d’agospiamientu y, eventualmente, otros servicios complementarios.

  3. APARTAMENTOS RURALES

    Son los bloques o conxuntos d’unidá agospiamientu compuestes caúna d’espacios pa salón, cuartu o cuartos, cocina y cuartu de bañu, que se constituyen n’edificios o construcciones que respuendan a l’arquitectura tradicional asturiana de la zona, nos que se proporciona, mediante preciu, el serviciu d’agospiamientu, cuando se dexa l’usu y esfrute de los mesmos, con moblame, instalaciones, servicios y equipu en condiciones que dexen la so inmediata ocupación.

  4. AGROTURISMU

    Con independencia de la modalidá d’agospiamientu de turismu rural adoptada, la especialidá d’agroturismu va aplicase a los establecimientos que tean integraos n’esplotaciones agraries, ganaderes o forestales que, xunto al agospéu, ufierten servicios xeneraos pola mesma esplotación, faciendo posible la participación del cliente na realización de determinaes xeres propies de la esplotación.

  5. NUCLEU DE TURISMU RURAL

    Ye’l complexu d’ufierta turística que, amás d’emprestar el serviciu d’agospiamientu nuna o delles de les modalidaes de turismu rural, respuende a un proyectu unitariu de planificación, xestión y esplotación empresarial y allúgase n’árees xeográfiques homoxénees qu’axunten los requisitos señalaos n’artículu 37.2 de la Llei del Principáu d’Asturies 7/2001, de 22 de xunu, de Turismu. Amás del serviciu d’agospiamientu va ser imprescindible’l de restauración. Va tar constituyíu por edificaciones esistentes que respuendan a les esixencies de tipoloxía establecíes nel Decretu 143/2002, ensin que puedan ser de construcción nueva.

  6. REXISTRU

    Presentada de manera correcta la declaración responsable, l’Alministración turística autonómica va facilitar al titular del establecimientu’l llibru d’inspección, y les fueyes de reclamaciones, y va inscribir d’oficiu l’establecimientu nel Rexistru d’empreses y actividaes turístiques.

  7. CAMBEOS

    Tou cambéu del establecimientu qu’afecte a la so titularidá, o a les condiciones nes que s’inscribió y otorgó la clasificación inicial, tendrá de ser comunicáu primeramente a l’Alministración turística autonómica, acompañando la documentación acreitativa del cambéu a los efectos de la so anotación rexistral.

Plazu de solicitú

En plazo Tol añu

Cómo solicitalu

Pasu  1:
Iniciar solicitú

Respondémoste por aciu de

1.  Notificación por corréu certificáu con acuse de recibu

Recursos

1.Recursu potestativu de reposición o contencioso-alministrativu

La to solicitú va ser tramitada al traviés de

Servicio de Gestión y Calidad Turística

La to solicitú va ser resuelta por

CONSEJERÍA DE EMPLEO, INDUSTRIA Y TURISMO

Códigu 2002493

Otres formes de tramitación

Como firmar tus solicitudes

 

Compruebe aquí los requisitos para la firma

 

Verifique aquí que su equipo tiene la configuración técnica necesario para la firma en la tramitación de este servicio.

 

De nun tar rexistráu has facelo, too sonventayes. Pues consultar les tos esperiencies y facer los tos trámites dende la web.

Tienes duldes...
012 | Contacta con nós

Información sobre el documento

© Copyright 2006. Gobiernu del Principau d'Asturies