Saltar al conteníu principal

Gobiernu del Principáu d'Asturies

Asturies, muncho más cerca

banda de sede
 

Tas en

Asturias.es Sede Electrónica Subvenciones a conceyos y ...

20023163-Subvenciones a conceyos y mancomunidaes titulares d’escueles de música o danza y escueles de música tradicional asturiana

Tramita al traviés d'Internet

Consiste en

Obtener ayudes económiques destinaes a los conceyos y mancomunidaes del Principáu d’Asturies que seyan titulares d’escueles de música o danza y escueles de música tradicional asturiana (enseñances ensin reglar), cola mira d’ameyorar l’accesu de la ciudadanía asturiano a la formación musical, aumentando la igualdá d’oportunidaes d’accesu a esa formación, independientemente del llugar de residencia.

Imprimir

Requisitos

  1. Ser conceyu o mancomunidá de conceyos del Principáu d’Asturies.

  2. Ser titular d’escuela de música o danza o d’escuela de música tradicional asturiana.

  3. Les escueles municipales han cumplir estos requisitos:

    • Cuntar, polo menos, con 2 profesores.
    • Ufierta obligada, como asignatura, de “Llinguaxe musical".
    • Cuntar, polo menos, con 2 modalidaes instrumentales nel so plan d’estudios de les qu’apaecen rellacionaes n’anexu I de la resolución de 3 de mayu del 2019, pola que se convoquen estes subvenciones.
    • Tener organizada como parte de la ufierta de la escuela, polo menos, una actividá de grupu de les rellacionaes n’anexu I de la resolución de 3 de mayu del 2019, pola que se convoquen estes subvenciones.

Imprimir

Precises

  1. Certificación d’acreitación del cumplimientu d’obligaciones a efectos de xustificación de la subvención (según modelu normalizáu).

  2. Xustificación de los criterios de valoración (según modelu normalizáu).

  3. Certificación acreitativa de les cuentes xustificatives de l’actividá de la escuela, firmada pol secretariu de la entidá.

  4. Si t'opones a que'l Principáu d'Asturies pida información n'otres Alministraciones Públiques o estos documentos nun se presentaron enantes en cualquier Alministración, necesites amás:
  5. Certificación xustificativa de tar al corriente nel cumplimientu de les obligaciones cola Seguridá Social.

  6. Certificación xustificativa de tar al corriente nel cumplimientu de les obligaciones tributaries cola Facienda del Principáu.

  7. Certificación xustificativa de tar al corriente nel cumplimientu de les obligaciones tributaries, espedida pola Axencia Estatal d’Alministración Tributaria.

  8. Certificáu de nun ser deudor de la Facienda del Principáu d’Asturies por deudes vencíes, liquidaes y esixibles.

Interésate saber

  1. CONCEPTOS SUBVENCIONABLES

    Los gastos subvencionables han tar incluyíos en dalgún d’estos apartaos:

    • Gastos derivaos de remuneraciones a profesoráu y/o monitores (homes y muyeres).
    • Gastos d’equipamientos instrumentales (instrumentos musicales, los sos accesorios o adaptaciones).
    • Gastos derivaos de la realización de les actividaes escolares y complementaries del centru o intercentros.
    • Gastos derivaos de la organización de conciertos o festivales musicales y convocatories de concursos de composición interpretativa, danza, etc.

    L’importe máximu de la subvención que pue recibir un conceyu o mancomunidá pal exerciciu actual va ser de 12.000 €.

  2. CANTIDÁ

    L’aportación máxima a cada actuación nun va poder superar estos porcentaxes:

    • Hasta un 90 % del presupuestu de les entidaes locales o supramunicipales con una población inferior a 5.000 habitantes.
    • Hasta un 80 % del presupuestu de les entidaes locales o supramunicipales con una población ente 5.000 y 20.000 habitantes.
    • Hasta un 70 % del presupuestu de les entidaes locales o supramunicipales con una población ente 20.001 y 50.000 habitantes.
    • Hasta un 50 % del presupuestu de les entidaes locales o supramunicipales con una población superior a 50.000 habitantes.

    La población de derechu a considerar en cada entidá local o supramunicipal va ser la correspondiente a les últimes cifres de población oficiales aprobaes por real decretu y publicaes pol Institutu Nacional d’Estadística, vixentes na fecha de publicación de la convocatoria correspondiente.

  3. CRITERIOS DE VALORACIÓN

    • Especialidaes ufiertaes nel plan d’estudios: 1 puntu por cada especialidá de les incluyíes n’anexu I de la convocatoria. Puntuación máxima: 20 puntos.
    • Númberu de profesores: 2 puntos por cada profesor o profesora con xornada completa; 1 puntu por cada profesor o profesora con media xornada (va considerase xornada completa aquella con 20 hores o más selmanales). Puntuación máxima: 20 puntos.
    • Númberu d’alumnos matriculaos:
      • Hasta 50 alumnos: 10 puntos.
      • De 51 a 150 alumnos: 20 puntos.
      • De 151 a 250 alumnos: 30 puntos.
      • Más de 250 alumnos: 40 puntos.
    • Actividaes formatives y artístiques promovíes y desenvueltes pola propia escuela nel cursu académicu que remata nel mes de setiembre del añu en que se convoca esta subvención (puntuación máxima: 5 puntos). Nesti apartáu esclúyense cursos y actividaes llectives impartíes pol centru, amás d’audiciones del alumnáu. Distribución de la puntuación:
      • 0,5 puntos por caúna de les actividaes, tipu de conciertu o actuación.
      • 1,5 puntos por ciclos de conciertos, selmanes culturales y asemeyaos.
    • Agrupaciones artístiques de la escuela de calter permanente: 1 puntu por caúna de les incluyíes n’anexu I de la convocatoria. Puntuación máxima: 5 puntos.
    • Ser escuela de creación nueva: 10 puntos.
  4. XUSTIFICACIÓN

    La xustificación de la realización del gastu subvencionáu ha axuntase a la solicitú de convocatoria, presentando esta documentación relativo al cursu académicu anterior a la publicación de la convocatoria:

    • Certificación del secretariu de la entidá, de los requisitos establecíos na base 3.1 de les bases reguladores (anexu II de la convocatoria disponible nesta páxina).
    • Certificación de tar al corriente de les sos obligaciones tributaries y cola Seguridá Social y nun ser deudor de l’Alministración del Principáu d’Asturies por deudes vencíes, liquidaes y esixibles (sustituyible por certificación del rexistru alministrativu d’entidaes locales).
    • Declaración de nun tar incursa nes prohibiciones previstes pa tener la condición de beneficiaria a que se refier l’artículu 13 de la Llei Xeneral de Subvenciones (incluyida nel formulariu de solicitú).
    • Certificación del secretariu de la entidá, acreitativa de la cuenta de xestión de la escuela (onde se fai constar de manera resumida’l gastu total del centru, estremáu en categoríes xenerales, como puen ser, a títulu orientativu: personal, caltenimientu, suministros, actividaes, arreglos y conservación d’edificiu, etc.).
    • Copia de les nómines y cotización de profesoráu abonaos.
    • Certificación acreitativa del resume de gastos imputables a estos conceptos:
      • Instrumentos musicales, los sos accesorios o adaptaciones.
      • Actividaes escolares y complementaries del centru o intercentros.
      • Organización de conciertos o festivales musicales, convocatories de concursos de composición, interpretación, danza, etc.

Plazu de solicitú

Plazo Por AbrirDende :

01/09/2019   

Hasta:

30/09/2019

Cómo solicitalu

Pasu  1:
Iniciar solicitú

Respondémoste por aciu de

1.  BOPA

Recursos

1.Recursu potestativu de reposición o contencioso-alministrativu

La to solicitú va ser tramitada al traviés de

Servicio de Formación Profesional y Enseñanzas Profesionales

La to solicitú va ser resuelta por

CONSEJERÍA DE EDUCACIÓN

Códigu 20023163

Otres formes de tramitación

Como firmar tus solicitudes

 

Compruebe aquí los requisitos para la firma

 

Verifique aquí que su equipo tiene la configuración técnica necesario para la firma en la tramitación de este servicio.

 

De nun tar rexistráu has facelo, too sonventayes. Pues consultar les tos esperiencies y facer los tos trámites dende la web.

Tienes duldes...
012 | Contacta con nós

Información sobre el documento

© Copyright 2006. Gobiernu del Principau d'Asturies