Algamar una autorización al traviés de la que se permite a determinaes instalaciones incluyíes nel ámbitu d’aplicación de la Llei 1/2005, de 9 de marzu, con cambeos per aciu de la Llei 13/2010, de 5 de xunetu, al traviés de la que se regula’l réxime del comerciu de derechos d’emisión de gases d’efeutu ivernaderu la emisión de gases d’efeutu ivernaderu, baxo determinaos niveles de siguimientu de les mentaes emisiones.

1. Identificación y acreitación de ser titular de la instalación a los efeutos de lo previsto na Llei 1/2005, de 9 de marzu, con cambeos per aciu de la Llei 13/2010, de 5 de xunetu.
2. Una propuesta de plan de siguimientu, que cumpla los requisitos esixíos per aciu de la normativa comunitaria, nacional y autonómica vixentes en cada momentu.
3. Certificau Dixital o DNI electrónicu

1.  SOLICITÚ

   El titular de la instalación ha empobinar la solicitú d’autorización al Serviciu de Xestión Ambiental , de la Conseyería de de Fomentu, Ordenación del Territoriu y Mediu Ambiente del Gobiernu del Principáu d’Asturies.

   La solicitú d’autorización tien que s’acompañar de documentación cola información siguiente:

   a. Identificación y señes de la instalación.

   b. Identificación y acreitación de ser titular de la instalación a los efeutos de lo previsto na Llei 1/2005, de 9 de marzu, con cambeos per aciu de la Llei 13/2010, de 5 de xunetu.

   c. Descripción de la instalación pa la que se solicita autorización, asina como de les sos actividaes, incluyendo la teunoloxía usada.

   d. Les materies primes y auxiliares emplegaes cuando’l so usu pueda producir emisiones de gases incluyíos nel Anexu I de la Llei 1/2005, de 9 de marzu, con cambeos per aciu de la Llei 13/2010, de 5 de xunetu.

   e. Les fontes d’emisión de gases enumeraos nel Anexu I esistentes na instalación.

   f.  Una propuesta de plan de siguimientu, que cumpla los requisitos esixíos per aciu de la normativa comunitaria y nacional vixentes en cada momentu.

2.  PLAN DE SIGUIMIENTU

   Acordies cola la Resolución de 1 de setiembre de 2009, de la Conseyería de Mediu Ambiente, Ordenación del Territoriu ya Infraestructures, per aciu de la que s’aprueba la Instrucción Téunica pa la ellaboración de Planes de Siguimientu d’emisiones de gases d’efeutu ivernaderu nel Principáu d’Asturies, el plan de siguimientu ha incluyir dellos conteníos, que se menten espreso nel apartáu 4.3 del anexu I de la Decisión 2007/589/CE, de 18 de xunetu de 2007.

3. RESOLUCIÓN

   L’autorización d’emisión de gases d’efeutu ivernaderu concédese siempre que’l muérganu autonómicu competente considere acreitáu que’l titular ye capaz de garantizar el siguimientu y notificación de les emisiones a xeitu colo dispuesto nos párrafos d), e) y e bis) del artículu 4.2 de la Llei 1/2005, de 9 de marzu, con cambeos per aciu de la Llei 13/2010, de 5 de xunetu. En pasando’l plazu de tres meses ensin notificar resolución espresa, l’interesáu pue entender desestimada la so solicitú por silenciu alministrativu. Sicasí, la instalación pue siguir funcionando de manera provisional, siempre qu’estableciera un sistema de siguimientu d’emisiones acordies colo dispuesto nesta Llei hasta cuando’l muérganu competente resuelva de forma espresa.

4. VIXENCIA Y RENOVACIÓN DE L’AUTORIZACIÓN

   El muérganu autonómicu competente va revisar, lo menos cada cinco años, l’autorización d’emisión de gases d’efeutu ivernaderu y va introducir los cambeos oportunos.

   L’autorización d’emisión de gases d’efeutu ivernaderu queda estinguida nos supuestos de:

   a) Piesllu de la instalación.

   b) Falta de puesta en funcionamientu de la instalación, trescurríos tres meses dende la fecha d’entamu d’actividá prevista na autorización, nun siendo causa xustificada declarada pol muérganu competente pa conceder l’autorización.

   c) Nos supuestos de sanción, a xeitu colo previsto nel artículu 30.a) de la Llei 1/2005, de 9 de marzu, con cambeos per aciu de la Llei 13/2010, de 5 de xunetu.

   d) Suspensión de l’actividá de la instalación per un plazu mayor d’un añu.

5. CAMBÉU DE L’AUTORIZACIÓN

   El titular ha informar al muérganu competente de cualquier proyeutu de cambéu nel calter, el funcionamientu, el tamañu de la instalación, o de los que supongan ampliación o merma significativa de la so capacidá, asina como de tou cambéu qu’afeute a la identidá o a les señes del titular. Nel so casu, a la vista de la información unviada, el muérganu autonómicu competente va facer cambeos d’oficiu na autorización d’emisión de gases d’efeutu ivernaderu nel plazu máximu de tres meses.

   Poles mesmes, el Serviciu de Xestión Ambiental pue facer cambeos d’oficiu na autorización d’emisión de gases d’efeutu ivernaderu:

   - Con calter previu al entamu d’un nuevu periodu de comerciu de derechos d’emisión de gases d’efeutu ivernaderu.

   - De resultes de l’aprobación de nueva normativa sobre’l siguimientu y la notificación de gases d’efeutu ivernaderu.

   - Ante la determinación de métodos más afayadizos pal cálculu correutu de les emisiones de gases d’efeutu ivernaderu d’una instalación determinada.

Códigu:  20061915