Saltar al conteníu principal

Gobiernu del Principáu d'Asturies

Asturies, muncho más cerca

banda de sede
 

Tas en

Asturias.es Sede Electrónica Entamu d’actividá pa empreses de turismu activu

20023183-Entamu d’actividá pa empreses de turismu activu

Tramita Presencialmente

Consiste en

Entamar l’actividá d’empreses dedicaes al turismu activu.

Imprimir

Requisitos

  1. Disponer d’un local que cuente con llicencia municipal d’apertura.
  2. Contar con un seguru de responsabilidá civil, con una cuantía mínima de cobertura de 300.507 €.
  3. Contar con un seguru d’asistencia o accidentes, con una cuantía mínima de cobertura de 30.050 €.
  4. Los equipos y material de que dispongan tienen que tar homologaos polos organismos competentes.
  5. Contar con un númberu suficiente de monitores o guíes a la fin d’asesorar o acompañar a los usuarios con quien contraten. Esti requisitu nun ye esixible a les empreses que se dediquen namas al alquiler de material.
  6. Cuando se necesiten monitores o guíes, estos tienen que disponer del títulu de técnicu deportivu o técnicu deportivu superior na modalidá de que se trate, según establez el Real Decretu 1913 /1997, de 19 d’avientu, o de los otorgaos pola Universidá o al través de la Formación Profesional reglada que tengan rellación cola materia. Los qu’acreíten una formación específica deportiva distinta a la titulación académica tiene que contar con una formación práctica de, a lo menos, 350 hores.

Imprimir

Precises

  1. Solicitú en modelu normalizáu.
  2. Si se trata de persona xurídica, copies de la escritura de constitución y estatutos, nos que conste, nel so casu, la so inscripción nel rexistru mercantil, y del CIF.
  3. Memoria y rellación de les actividaes que quier ofrecer directamente nel mercáu.
  4. Rellación del personal técnicu dependiente de la empresa, asina como copia de la documentación qu’acreíte la posesión per parte de los mesmos de les titulaciones y la formación práctica riquíes. Esti documentu nun ye esixible a les empreses que se dediquen namas al alquiler del material necesariu pa la práctica d’actividaes de turismu activu.
  5. Copia de la llicencia municipal d’apertura del establecimientu.
  6. Copia de la póliza de seguros d’asistencia o accidente, y recibu qu’acreíte’l pagu de la prima, con una cuantía mínima de cobertura de 30.050 €, pudiendo pactase una franquicia que nun supere los 150 €. Añalmente tien que se presentar copia del recibu vixente.
  7. Copia del títulu qu’acreíte la disponibilidá del local pela parte del solicitante.
  8. Copia de la póliza de responsabilidá civil y recibu qu’acreíte’l pagu de la prima, que cubra de forma suficiente los posibles riesgos imputables a la empresa, nuna cuantía mínima de cobertura de 300.507 €, sin que nel so casu la franquicia seya superior a 602 €. Añalmente tien que se presentar copia del recibu vixente.
  9. Protocolu d’actuación nel casu d’accidentes. Esti documentu nun va ser esixible a les empreses que se dediquen namas al alquiler del material necesariu pa la práctica d’actividaes de turismu activu.
  10. En función de la naturaleza de l’actividá de que se trate, riquen amás los preceptivos informes o autorizaciones de les Alministraciones Públiques implicaes.
  11. Si t'opones a que'l Principáu d'Asturies pida información n'otres Alministraciones Públiques o estos documentos nun se presentaron enantes en cualquier Alministración, necesites amás:
  12. Documentu Nacional d’Identidá o Documentu acreitativu de la identidá o Tarxeta d’identidá de la persona estranxera que vive nel territoriu español.

Interésate saber

  1. EMPRESES DE TURISMU ACTIVU

    • Aquelles empobinaes a proporcionar, por aciu de preciu, de forma habitual y profesional , actividaes turístiques de recréu, deportives y d’aventura que se practiquen valiéndose básicamente de los recursos qu’ofrez la propia naturaleza nel mediu que se desendolquen.
    • Les actividaes ufiertaes por estes empreses impliquen una participación activa per parte del usuariu, siéndo inherente una cierta dificultá, o riquiendo a lo menos ciertu grau de destreza pa la so práctica, (ver anexu I del Decretu 92/2002, de 11 de xunetu (BOPA 173, de 26 de xunetu de 2002)).
  2. CLASES D’EMPRESES

    • Les qu’organicen y participen nes actividaes qu’ufierten, pudiendo alquilar o non el material pa la so realización.
    • Les que namas alquilen el material necesariu pa la práctica d’estes actividaes.
  3. REGISTRO

    Presentada correctamente la declaración responsable previo al inicio de actividad, las empresas de turismo activo se inscribirán de oficio en el Registro de Empresas y Actividades Turísticas.

  4. MODIFICACIONES

    Cualquiera modificación relativa a la titularidá o a cualesquier de los requisitos o característiques acordies coles que s’otorgó l’autorización, tien de ser comunicada, acompañada de la documentación acreitativa del cambéu, a los efectos,nel so casu, de la so autorización.

  5. EXERCICIU Y CESE D’ACTIVIDAES

    Los titulares de les empreses de turismu activu tienen la obligación de comunicar los periodos añales pelos que desendolquen les sos actividaes asina como’l cese de les mesmes, al envís, nesti últimu casu, de dexar sin efectu l’autorización correspondiente y cancelar la so inscripción rexistral.

Plazu de solicitú

En plazo Tol añu

Cómo solicitalu

Pasu  1:
Baxa la solicitú.
Pasu  2:
Cumpliméntala.
Pasu  3:
Preséntala nel sitiu indicáu.

Respondémoste por aciu de

1.  Notificación por corréu certificáu con acuse de recibu

Recursos

1.Recursu potestativu de reposición o contencioso-alministrativu

La to solicitú va ser tramitada al traviés de

Servicio de Gestión y Calidad Turística

La to solicitú va ser resuelta por

CONSEJERÍA DE EMPLEO, INDUSTRIA Y TURISMO

Códigu 20023183

Otres formes de tramitación

De nun tar rexistráu has facelo, too sonventayes. Pues consultar les tos esperiencies y facer los tos trámites dende la web.

Tienes duldes...
012 | Contacta con nós

Información sobre el documento

© Copyright 2006. Gobiernu del Principau d'Asturies