Saltar al conteníu principal

Gobiernu del Principáu d'Asturies

Asturies, muncho más cerca

banda de sede
 

Tas en

Asturias.es Sede Electrónica Subvenciones a medios de ...

2002114-Subvenciones a medios de comunicación pa la normalización social del asturianu y del gallego-asturianu

Tramita al traviés d'Internet

Consiste en

Llograr ayudes económiques, en réxime de concurrencia competitiva, destinaes a empreses periodístiques, radiofóniques, televisives o d’Internet, poles inversiones realizaes na producción d’espacios onde s’utilice l’asturianu o’l gallego-asturianu, nel so ámbitu, bien de manera habitual n’informaciones xenerales, bien n’espacios periódicos y fixos, bien en programes estraordinarios d’interés especial, pero siempre que tal usu contribuya a la normalización y dignificación del usu social de la llingua y sían espacios configuraos como propios del mediu de comunicación y asumíos por él.

Imprimir

Requisitos

1.

Empreses privaes (persones físiques o xurídiques) que sían titulares d’un mediu de comunicación d’ámbitu asturianu y que tenga la so casa social, establecimientu o delegación comercial nel Principáu d’Asturies.

Imprimir

Precises

  1. Ficha d’acreedores. (Esti documentu ha presentase namás cuando se solicite la subvención per primer vez, o cuando se produxera dalgún cambéu que tenga de ser conseñáu na mesma

  2. Proyectu detalláu, teniendo como conteníu mínimu ya imprescindible’l siguiente:

    • Calendariu de realización y execución del proyectu.
    • Fueya añal d’audiencies o d’espardimientu (nel so defectu, certificáu de ventes, tarifes de publicidá, etc.).
    • Los proyectos de los medios de prensa escrita van dir acompañaos de testos de muestra que reflexen con claridá l’usu llingüísticu escoyíu y han indicar: númberu de páxines, llugar d’insertamientu, periodicidá, díes de publicación ya insertamientu, temática, estructura, tipu de maquetación, personal de redacción, collaboraciones y tola información que sía necesaria para la máxima concreción del proyectu en visu a la so valoración.
    • Los proyectos de les emisores de radio y televisión van poder dir acompañaos d’una maqueta de muestra y, de toles maneres, han indicar: planificación temporal, guión de los programes, duración de los espacios, díes y hores d’emisión, oxetivos del programa, temática, estructura de la programación, personal de redacción y collaboración, y tola información que sía necesaria para la máxima concreción del proyectu en visu a la so valoración.
    • Los proyectos d’Internet van acompañase d’una muestra escrita na que se concrete: el mapa web, la estructura de la páxina, una amuesa de testos que reflexen con claridá l’usu llingüísticu escoyíu, y cuanta información sía necesaria para la máxima concreción del proyectu en visu a la so valoración.
  3. Presupuestu equilibráu, qu’incluya les partíes que la integren, recoyendo los gastos ya ingresos de l’actividá pa la que se solicita ayuda, onde se recueya l’aportación económica de la persona o entidá solicitante para’l desarrollu de l’actividá; esta ha ser polo menos un 10 % del presupuestu total de l’actividá.

    Nel presupuestu va facese constar l’importe de l’ayuda económica solicitada pol peticionariu, que nun tendrá d’entepasar del 90% del presupuestu total del proyectu.

  4. Xustificación de la subvención:

    • Pa xustificar la subvención ha presentase, entre otra documentación, una relación clasificada de gastos ya inversiones de la actividá (mesmo que modelu normalizáu).
    • Copia del DNI (documentu nacional d’identidá).

    • Copia del últimu recibu d’ingresu de cuota del réxime especial de trabayadores autónomos.

    • Copia del NIF.

    • Copia de la escritura de constitución y los sos cambeos. (Sía que non, si la escritura yá foi dada enantes pola entidá solicitante en cualquier Administración, nun va tar obligada a apurrir esta documentación, siempre qu’indique en qué momentu y énte qué órganu alministrativu la presentó).

    • DNI de la persona qu’actúe como representante de la entidad.

  5. Si t'opones a que'l Principáu d'Asturies pida información n'otres Alministraciones Públiques o estos documentos nun se presentaron enantes en cualquier Alministración, necesites amás:
  6. Documentu actualizáu acreditativu de tar dada d’ alta nel epígrafe correspondiente del IAE (impuestu d’actividades económiques) ya informe de situación d’alta de la entidá solicitante nel Sistema de la Seguridá Social a la fecha de presentación de la solicitú.

  7. Certificación acreditativa de tar al corriente nel cumplimientu de les obligaciones cola Seguridá Social.

  8. Certificación acreditativa del cumplimientu d’obligaciones tributaries, espedida pola Axencia Estatal d’Administración Tributaria.

  9. Certificación acreditativa del cumplimientu d’obligaciones tributaries cola Facienda del Principáu.

  10. Documentu actualizáu acreitativu de tar dada d’alta nel epígrafe correspondiente del IAE (impuestu d’actividaes económiques) y informe de situación d’alta de la entidá solicitante nel Sistema de la Seguridá Social a la fecha de presentación de la solicitú.

  11. Documentación acreditativa de que la entidá del solicitante tien el so domiciliu social, establecimientu o delegación comercial nel Principáu d’Asturies.

  12. NIF (númberu d’identificación fiscal) del contribuyente.

Interésate saber

  1. CRITERIOS DE VALORACIÓN

    • Grau d’ellaboración, detalle y concreción del proyectu presentáu: hasta un máximu de 10 puntos.
    • Grau de tresversalidá na temática del proyectu: hasta un máximu de 20 puntos.
    • Adecuación a los oxetivos xenerales de normalización: hasta un máximu de 20 puntos.
    • Presencia del asturianu o gallego-asturianu na programación del mediu: hasta un máximu de 20 puntos, estremando ente prensa escrita, radio o televisión y páxina web.
    • nterés y calidá del proyectu: hasta un máximu de 15 puntos.
    • Grau de corrección llingüística na realización del proyectu: hasta un máximu de 15 puntos.
  2. GASTOS SUBVENCIONABLES

    Pa l’aprobación del presupuestu presentáu pola empresa van tenese en cuenta los siguientes criterios:

    • Considérense gastos subvencionables aquellos que de manera indubitada respuendan a la naturaleza de l’actividá subvencionada, resulten puramente necesarios y se realicen antes de la finalización del plazu de xustificación. En nengún casu’l costu d’alquisición de los gastos subvencionables va poder ser superiores al valor de mercáu.
    • Nun podrá incluyise como gasto subvencionable l’importe del IVA deducible cuando la empresa o entidá beneficiaria tea obligada a realizar declaración del mentáu impuestu. Nun podrá incluyise como gasto subvencionable la denominada ocupación o ocupación n’antena, valoráu al traviés de l’aplicación del costu de les tarifes publicitaries del mediu.
    • Nun van ser subvencionables los gastos xeneraos por equipamientu o inversión, mesmo que los aniciaos por dietes, mantención o atenciones protocolaries.
    • Nun van ser subvencionables los siguientes gastos corrientes: agua, lluz, asesoríes y asemeyaos.
    • Son subvencionables na so totalidá los denominaos gastos directos del proyectu, que correspuenden a los gastos del personal propio o esternu encargáu de la ellaboración y redacción de la información, llocución de los programes de radiu o televisión, traducción y corrección en llingua asturiana o gallego-asturianu.
    • Van ser subvencionables los denominaos gastos indirectos del proyectu, nun porcentaxe máximu del presupuestu aprobáu que se va determinar na correspondiente convocatoria, siempre que sían necesarios y xustificaos pal desenvolvimientu del mesmu, y van poder incluyir los siguientes conceuptos: arriendos, Internet, teléfonu, anchu de banda, maquetación, diseñu, fotografíes, ilustraciones, imprenta, dominiu, servidor y posicionamientu web, axencies de noticies, técnicos o técniques de soníu, programadores o programadores y otros análogos.

    Acordies colo anterior, los gastos directos ya indirectos van ser subvencionables namás nel porcentaxe d’imputación que correspuenda a la realización del proyectu.

  3. ESCLÚYENSE

    • Les entidaes o actividaes que, por razón del proyectu, puedan acoyese a otres ayudes d’esta o otres conseyeríes establecíes en convocatories específiques.
    • Los folletos internos de les instituciones, les publicaciones de partíos políticos, asociaciones culturales y les entidaes de titularidá pública o con participación pública.
    • Aquellos proyectos que pola so naturaleza o oxetu nun guarden relación directa con dalgún de los ámbitos d’actuación que tenga atribuyíu l’órganu instructor adscritu a la conseyería competente en materia de política llingüística.
    • Aquelles persones solicitantes nes qu’alleguen dalguna de les circunstancies espresaes nel artículu 13.2 de la Llei 38/2003, de 17 de payares, Xeneral de Subvenciones.
    • Proyectos nos que nun s’establezan gastos directos según lo dispuesto nes bases reguladores de la presente convocatoria.
  4. CUANTÍA

    • La cuantía máxima por proyectu va ser de 20.000€.
    • L’importe de la ayuda económica solicitada pol peticionariu nun ha pasar del 90% del presupuestu total del proyectu.
  5. PROYECTOS

    • Los proyectos subvencionables van ser los realizaos, amás de nel exerciciu de la correspondiente convocatoria hasta la fecha máxima de xustificación establecida na mesma, nos meses de payares y avientu del exerciciu darréu anterior.
    • Ensin perxuiciu de la posible presentación de diversos proyectos por cada solicitante, tan solo van poder ser oxetu de subvención un máximu de 3 de los proyectos presentaos. N’esi casu, van entendese automáticamente desestimaoslos proyectos presentaos por una mesma solicitante que llograren peor puntuación en relación a los sos proyectos meyor puntuaos.

Plazu de solicitú

En plazoDende :

14/05/2019   

Hasta:

10/06/2019

Cómo solicitalu

Pasu  1:
Iniciar solicitú

Respondémoste por aciu de

1.  BOPALa resolución del procedimientu va publicase nel Boletín Oficial del Principáu d’Asturies. La mentada publicación va surtir efectos propios de la notificación.

Recursos

1.Recursu potestativu de reposición o contencioso-alministrativu

La to solicitú va ser tramitada al traviés de

Servicio de Planificación Lingüística y Normalización

La to solicitú va ser resuelta por

CONSEJERÍA DE EDUCACIÓN Y CULTURA

Códigu 2002114

Otres formes de tramitación

Como firmar tus solicitudes

 

Compruebe aquí los requisitos para la firma

 

Verifique aquí que su equipo tiene la configuración técnica necesario para la firma en la tramitación de este servicio.

 

De nun tar rexistráu has facelo, too sonventayes. Pues consultar les tos esperiencies y facer los tos trámites dende la web.

Tienes duldes...
012 | Contacta con nós

Información sobre el documento

© Copyright 2006. Gobiernu del Principau d'Asturies