Saltar al conteníu principal

Gobiernu del Principáu d'Asturies

Asturies, muncho más cerca

banda de sede
 

Tas en

Asturias.es Sede Electrónica Servicios y Trámites Emplegu Autorización p’auditoríes de prevención de riesgos llaborales

20021425-Autorización p’auditoríes de prevención de riesgos llaborales

Tramita al traviés d'Internet

Consiste en

Algamar autorización pa desendolcar actividaes d’auditoría del sistema de prevención de riesgos llaborales de les empreses per parte de persones o entidaes especializaes. Si les instalaciones principales tán asitiaes na Comunidá Autónoma del Principáu d’Asturies, l’autoridá llaboral asturiana va ser competente pa resolver esta solicitú.

Imprimir

Requisitos

  1. Tener capacidá, con conocimientu bastante y medios afayadizos, pa poder facer les actividaes que constituyan los oxetivos de l’auditoría, que son:

    • Comprobar cómo se fizo la evaluación inicial y periódica de los riesgos, analizar los sos resultaos y comprobalos, nel casu de dulda.
    • Comprobar que la triba y planificación de les actividaes preventives s’axusta a lo dispuesto na normativa xeneral, asina como a la normativa de riesgos específicos que seya d’aplicación, teniendo en cuenta los resultaos de la evaluación.
    • Analizar l’axuste ente los procedimientos y medios riquíos pa facer les actividaes preventives y los recursos de que dispón l’empresariu, propios o concertaos, teniendo en cuenta, amás, el mou en que tán organizaos o coordinaos, nel so casu.
    • Valorar la integración de la prevención nel sistema xeneral de xestión de la empresa y valorar la eficacia del sistema de prevención.
  2. Nel casu de ser persona física, ser un téunicu de nivel superior en cualquiera de les cuatro especialidaes o disciplines preventives (medicina del trabayu, seguridá nel trabayu, hixene industrial y ergonomía y sicosocioloxía aplicada) y contar con una formación o esperiencia probada en xestión y realización d’auditoríes y en téuniques auditores o, nel casu de les entidaes especializaes, contar con, lo menos, un téunicu qu’axunte estos requisitos.

  3. Los llocales, instalaciones, aparatos y equipos mínimos esixíos van ser suficientes y afayadizos pa desendolcar les actividaes mentaes enantes. A estos efeutos la entidá especializada ha disponer de los recursos materiales precisos pa facer la comprobación de los resultaos de la evaluación de los riesgos.

Imprimir

Precises

  1. Códigu de cuenta de cotización a la Seguridá Social.

  2. Ámbitu territorial y d’actividá profesional nel que quier desendolcar l’actividá.

  3. Previsiones de dotación de personal pal desempeñu de l’actividá preventiva, especificando’l so ámbitu territorial d’ufierta de servicios.

  4. Descripción de los llocales ya instalaciones, especificando asitiamientu, medios instrumentales, aparatos y equipos.

  5. Contratos o pautos que va afitar, nel so casu, con otres entidaes pa facer actividaes que rican conocimientos especiales o instalaciones de gran complexidá.

  6. Compromisu de nun concertar la so actividá con empreses coles que tuvieran venceyos comerciales, financieros o de cualquier otra triba estremaos de la propia como auditoría.

  7. Compromisu de nun caltener venceyos comerciales, financieros o de cualquier otra triba con nenguna entidá especializada p’actuar como serviciu de prevención.

Interésate saber

  1. RECEICIÓN DEL SERVICIU

    • L’autoridá llaboral, en recibiendo la solicitú, va solicitar los informes qu’estime oportunos, y va dictar resolución nel plazu de 3 meses contaos dende la fecha d’entrada de la solicitú nel rexistru del muérganu alministrativu competente pa resolver.
    • Trescurríu’l plazu de resolución ensin notificación espresa, la solicitú va poder entendese desestimada por silenciu alministrativu. Escontra la resolución espresa o supuesta pue interponese recursu alministrativu.
  2. INCOMPATIBILIDAES

    • L’autorización pa facer actividaes d’auditoría ye incompatible col exerciciu d’actividaes de coordinación d’actividaes preventives y cola acreitación como serviciu de prevención ayenu.
    • Entiéndese como instalación principal, nel casu de dulda, aquella que cuente con mayor númberu de trabayadores dedicaos a actividaes preventives, nun considerando ente los mesmos los que se dediquen a xeres alministratives.

Plazu de solicitú

En plazo Tol añu

Cómo solicitalu

Pasu  1:
Fai’l trámite dende equí.

Respondémoste por aciu de

1.  Notificación por corréu certificáu con acuse de recibu

Recursos

1.Recursu potestativu de reposición o contencioso-alministrativu

La to solicitú va ser tramitada al traviés de

Servicio de Ordenación Laboral

La to solicitú va ser resuelta por

CONSEJERÍA DE EMPLEO, INDUSTRIA Y TURISMO

Códigu 20021425

Otres formes de tramitación

Como firmar tus solicitudes

 

Compruebe aquí los requisitos para la firma

 

Verifique aquí que su equipo tiene la configuración técnica necesario para la firma en la tramitación de este servicio.

 

De nun tar rexistráu has facelo, too sonventayes. Pues consultar les tos esperiencies y facer los tos trámites dende la web.

Tienes duldes...
012 | Contacta con nós

Información sobre el documento

© Copyright 2006. Gobiernu del Principau d'Asturies