Saltar al conteníu principal

Gobiernu del Principáu d'Asturies

Asturies, muncho más cerca

banda de sede
 

Tas en

Asturias.es Sede Electrónica Rexistru d’Empreses d’Inserción

200950863-Rexistru d’Empreses d’Inserción

Tramita al traviés d'Internet

Consiste en

Algamar la calificación ya inscripción d’una empresa nel Rexistru d’Empreses d’Inserción sociollaboral.

Imprimir

Requisitos

  1. Les Empreses d’Inserción definíes nel artículu 4 de la Llei 44/2007, de 13 d’avientu, pa la regulación del réxime de les empreses d’inserción, (BOE nº 299, de 14 d’avientu de 2007), que cumplan los requisitos que la mesma establez y que tengan el so centru de trabayu nel Principáu d’Asturies (ver otros datos d’interés).

    Los requisitos mínimos de les mentaes empreses son los siguientes:

    • Tar promovíes y participaes por una o delles entidaes promotores a que se refier l’artículos 6 de la Llei 44/2007, de 13 d’avientu. Esta participación tien que ser a lo menos d’un 51% del capital social pa les sociedaes mercantiles. Nel casu de Sociedaes Cooperatives y Sociedaes Llaborales, participación tala tien qu’afitase nos topes máximos recoyíos nes diferentes llexislaciones que-yos seya d’aplicación a los socios collaboradores o asociaos.
    • Alcontrase inscrites nel Rexistru correspondiente a la so forma xurídica, asina como nel Rexistru Alministrativu d’Empreses d’Inserción de la Comunidá Autónoma.
    • Caltener un cómputu añal, dende la so calificación, un porcentaxe de trabayadores en procesu d’inserción, cualquiera que seya la modalidá de contratación, d’a lo menos el 30% pelos primeros trés años d’actividá y d’a lo menos el 50% del total de la plantía a partir del cuartu añu, nun pudiendo ser el númberu d’aquéllos inferior a dos.
    • Nun facer actividaes económiques distintes a les del so oxetu social.
    • Aplicar, a lo menos, el 80% de los resultaos o escedentes disponibles algamaos en cada exerciciu a l‘ameyora o ampliación de les sos estructures productives y d’inserción.
    • Presentar añalmente un Balance Social de l’actividá de la empresa qu’incluya la memoria económica y social, el grau d’inserción nel mercáu llaboral ordinariu y la composición de la plantía, la información sobre les tarees d’inserción feches y les previsiones pal exerciciu próximu.
    • Contar colos medios necesarios pa cumplir colos compromisos derivaos de los itinerarios d’inserción sociollaboral.
  2. Los trabayadores contrataos nes empreses d’inserción han ser persones en situación d’esclusión social desemplegaes ya inscrites nos Servicios Públicos d’Empléu, con especiales dificultaes pa la so integración nel mercáu de trabayu, que tean incluyíos en dalgún d’estos colectivos:

    • Perceptores de Rentes Mínimes d’Inserción, o cualquiera otra prestación d’igual o asemeyada naturaleza, según la denominación adoptada en cada Comunidá Autónoma, asina como los miembros de la unidá de convivencia beneficiarios d’elles.
    • Persones que nun puean acceder a les prestaciones a les que se fai referencia nel párrafu anterior, por dalguna de les causes siguientes:

    Falta del periodu esixíu de residencia o empadronamientu, o pa la constitución de la Unidá Perceptora.

    Agotar el periodu máximu de percepción llegalmente establecíu.

    • Xóvenes mayores de 18 años y menores de 30, procedentes d’Instituciones de Protección de Menores.
    • Persones con problemes de drogodependencia u otros trestornos adictivos que tean en procesu de rehabilitación o reinserción social.
    • Internos de centros penitenciarios con situación penitenciaria que-yos dexe acceder a un empléu y con una rellación llaboral que nun tea incluyida nel ámbitu d’aplicación de la rellación llaboral especial regulada nel artículu 1 del Real Decretu 782/2001, de 6 de xunetu, asina como lliberaos condicionales y ex-reclusos.
    • Menores internos incluyíos nel ámbitu d’aplicación de la Llei Orgánica 5/200, de 12 de xineru, Reguladora de la Responsabilidá Penal de los Menores, con una situación que-yos dexe acceder a un empléu y que la so rellación llaboral nun tea incluyida nel ámbitu d’aplicación de la rellación llaboral especial a que se refier l’artículu 53.4 del Reglamentu de la citada Llei, aprobáu pol Real Decretu 1774/2004, de 30 de xunetu, asina como los que tean en situación de llibertá vixilada y los ex-internos.
    • Persones procedentes de centros d’agospéu alternativu autorizaos poles Comunidaes Autónomes y les ciudaes de Ceuta y Melilla.
    • Persones procedentes de servicios de prevención ya inserción social autorizaos poles Comunidaes Autónomes y les ciudaes de Ceuta y Melilla.

     

    La situación d’esclusión de les persones pertenecientes a los colectivos a los que se fai referencia, tien que ser acreitada polos Servicios Sociales Públicos competentes.

Imprimir

Precises

  1. Solicitú en modelu normalizáu.
  2. Nel casu d’AUTORIZACIÓN PROVISIONAL,amás:

    • Acreitación del representante de la empresa.
    • Escritura de constitución inscrita nel Rexistru correspondiente a la so forma xurídica.
    • Documentación acreitativa de la distribución del capital social ente la/es entidá/es promotora/es.
    • Memoria d’antecedentes y estudiu de viabilidá económica, técnica y financiera del proyectu empresarial, detallando los aspectos de producción y comercialización, asina como’l plan d’inversiones y la valoración sobre les estremaes fontes de financiación.
    • Autorizaciones de los organismos competentes necesaries pa l’apertura y funcionamientu de la empresa.
    • Rellación nominal de trabayadores en procesu d’inserción contrataos que tienen que suponer, como mínimo’l 30% de la plantía total de la empresa, nun pudiendo ser inferior a dos.
    • Contratos llaborales soscritos colos trabayadores en procesos d’inserción, les sos altes en seguridá social y l’acreitación de la so situación d’esclusión social espidida polos Servicios Sociales Públicos competentes.
    • Itinerarios d’inserción sociollaboral aceptaos polos trabayadores en situación d’esclusión social contrataos.
    • Medios necesarios colos que cuenta la empresa pa cumplir colos compromisos derivaos de los itinerarios d’inserción sociollaboral.
    • Compromisu espresu de proporcionar a los trabayadores, como parte de los sos itinerarios d’inserción, servicios, prestaciones, acciones d’orientación, tutoría y procesos personalizaos y asistíos de trabayu remuneráu, formación nel puestu de trabayu, habituación llaboral y social.
  3. Autorización DEFINITIVA, amás: Nel plazu non superior a un añu dende la so calificación provisional:

     

    • Acreitación de caltener en cómputu añal, dende la so calificación, un porcentaxe de trabayadores en procesu d’inserción, cualquiera que seya la modalidá de contratación, d’a lo menos el 30% del total de la plantía nel primer añu d’actividá, nun pudiendo ser el númberu inferior a dos.
    • Acreitación d’aplicar, a lo menos el 80% de los resultaos o escedentes disponibles algamaos nel exerciciu a l’ameyora o ampliación de les sos estructures productives y d’inserción.
    • Presentación del balance social de l’actividá de la empresa qu’incluya la memoria económica y social, el grau d’inserción nel mercáu llaboral ordinariu y la composición de la plantía asina como la información sobre les tarees d’inserción feches y les previsiones pal exerciciu próximu.
  4. Otra documentación obligatoria a presentar poles empreses d’inserción una y bona inscrites (ver otros datos d’interés).

Interésate saber

  1. PLAZU PA LA PRESENTACIÓN DE DOCUMENTACIÓN OBLIGATORIA PA LES EMPRESES UNA Y BONA INSCRITES:

    • Plazu abiertu tou l’añu: pa les modificaciones estatuaries qu’afecten a la so calificación, una y bona inscrites nos Rexistros competentes a la so forma xurídica.
    • Nos trés meses anteriores al entamu de cada añu: Plan d’actividaes y presupuestu añal.
    • Nos trés meses siguientes al pieslle de cada exerciciu económicu: cuentes añales, informe de xestión y balance social de l’actividá de la empresa qu’incluya la memoria económica y social, el grau d’inserción nel mercáu llaboral ordinariu y la composición de la plantía asina como la información sobre les tarees feches.
    • Añalmente han presentase:

    Acreitación de caltener en cómputu añal, dende la so calificación, un porcentaxe de trabayadores en procesu d’inserción, cualquiera que seya la modalidá de contratación, d’a lo menos el 30 por cientu pelos trés primeros años d’actividá y d’a lo menos el 50 por cientu del total de la plantía a partir del cuartu añu, nun pudiendo ser el númberu inferior a dos.

    Documentación qu’acreíte l’aplicación, a lo menos, del ochenta por cientu de los resultaos o escedentes disponibles algamaos en cada exerciciu a l’ameyora o ampliación de les sos estructures productives y d’inserción.

  2. EMPRESES D’INSERCIÓN

    Tien la consideración d’empresa d’inserción la sociedá mercantil o sociedá cooperativa llegalmente constituyida que, apode calificada polos organismos autonómicos competentes na materia, faiga cualesquier actividá económica de producción de bienes y servicios, con oxetu social que tenga como fin la integración y formación sociollaboral de persones en situación d’esclusión social como tránsitu al empléu ordinariu.

    A estos efectos, han proporcionar a los trabayadores procedentes de situaciones columbraes nel artículu 2 de la Llei 44/2007 de 13 d’avientu, como parte de los sos itinerarios d’inserción, procesos personalizaos y asistíos de trabayu remuneráu, formación nel puestu de trabayu, habituación llaboral y social.

    Asina mesmo, estes empreses tienen que tener servicios d’intervención o acompañamientu pa la inserción sociollaboral que faciliten la so posterior incorporación al mercáu de trabayu ordinariu.

  3. ENTIDAES PROMOTORES

    Tienen consideración tala les entidaes sin ánimu de llucru, incluyíes les de derechu públicu, les Asociaciones sin fines llucrativos y les Fundaciones, con oxetu social que columbre la inserción social de persones especialmente desfavorecíes, que promuevan la constitución d’empreses d’inserción, nes que van participar nos términos recoyíos na lletra a) del artículu 5 de la Llei 44/2007, de 13 d’avientu.

Plazu de solicitú

En plazo Tol añu  

• Pa l’Autorización PROVISIONAL como empresa d’inserción sociollaboral.

• Pa l’Autorización DEFINITIVA como empresa d’inserción sociollaboral: nel plazu non superior a un añu dende la so calificación provisional

Cómo solicitalu

Pasu  1:
Iniciar solicitú

Respondémoste por aciu de

1.  Notificación por corréu certificáu con acuse de recibu

Recursos

1.Recursu potestativu de reposición o contencioso-alministrativu

La to solicitú va ser tramitada al traviés de

Servicio de Relaciones Laborales

La to solicitú va ser resuelta por

CONSEJERÍA DE EMPLEO, INDUSTRIA Y TURISMO

Códigu 200950863

Otres formes de tramitación

Como firmar tus solicitudes

 

Compruebe aquí los requisitos para la firma

 

Verifique aquí que su equipo tiene la configuración técnica necesario para la firma en la tramitación de este servicio.

 

De nun tar rexistráu has facelo, too sonventayes. Pues consultar les tos esperiencies y facer los tos trámites dende la web.

Tienes duldes...
012 | Contacta con nós

Información sobre el documento

© Copyright 2006. Gobiernu del Principau d'Asturies