Denunciar infraiciones en materia de conciertos educativos derivaes d’incumplir les obligaciones afitaes na Llei Orgánica 2/2006, de 3 de mayu, d’Educación.

1. Modelu de denuncia.

2. Certificau Dixital o DNI electrónicu

1. Son causa d’incumplimientu leve del conciertu per parte del titular del centru les siguientes:

   • a. Recibir cantidaes por actividaes escolares complementaries o estraescolares o por servicios escolares que nun fueran autorizaos pola Alministración educativa o pol Conseyu Escolar del centru, acordies colo que s’estableciera en cada casu.
   • b. Frayar les normes sobre participación previstes nel presente títulu.
   • c. Proceder a despidos del profesoráu cuando aquellos fueran declaraos improcedentes por sentencia de la xurisdicción competente.
   • d. Frayar la obligación de facilitar a l’Alministración los datos precisos pal pagu delegáu de los salarios.
   • e. Frayar el principiu de voluntariedá y non discriminación de les actividaes complementaries, estraescolares y servicios complementarios.
   • f. Cualquier otru que se derive de la violación de les obligaciones establecíes nel presente títulu, o nes normes reglamentaries a les que fai referencia los apartaos 3 y 4 del artículu 116 de la Llei Orgánica d’Educación o de cualquier otru pautu que figure nel documentu de conciertu que’l centru soscribiera.

2. Son causa d’incumplimientu grave del conciertu per parte del titular del centru les siguientes:

   • a. Les causes enumeraes nel apartáu anterior cuando del espediente alministrativu instruyíu al efeutu, y nel so casu de sentencia de la xurisdicción competente, resulte que l’incumplimientu tuvo batura por ánimu d’arriquecimientu, con intencionalidá evidente, con perturbación manifiesta pa dar el serviciu de la enseñanza o de forma repetida o reincidente.
   • b. Dar les enseñances oxetu del conciertu contraviniendo’l principiu de gratuidá.
   • c. Frayar les normes sobre almisión d’alumnos.
   • d. Separase del procedimientu de seleición y despidu del profesoráu establecíu nos artículos precedentes.
   • e. Lesionar los derechos reconocíos nos artículos 16 y 20 de la Constitución, cuando asina se determine por sentencia de la xurisdicción competente.
   • f. Incumplir los acuerdos de la Comisión de Conciliación.
   • g. Cualquier otru definíu como incumplimientu grave nel presente títulu o nes normes reglamentaries a les que faen referencia los apartaos 3 y 4 del artículu 116 de la Llei Orgánica d’Educación.
   • Sicasí, cuando del espediente alministrativu instruyíu al efeutu resulte que l’incumplimientu tuvo batura ensin ánimu d’arriquecimientu, ensin intencionalidá evidente y ensin perturbación al dar la enseñanza y que nun esiste repetición nin reincidencia nel incumplimientu, ésti va ser calificáu de leve. La repetición d’incumplimientos a los que se refieren los apartaos anteriores va constatase pola Alministración educativa competente acordies colos criterios siguientes: a. Cuando se trate de la repetición de los incumplimientos cometíos con anterioridá, basta con qu’esta situación se manifieste per aciu d’informe de la inspeición educativa que correspuenda.
   • b. Cuando se trate d’un incumplimientu nuevu de tipificación distinta al cometíu con anterioridá, ye precisa la instrucción del espediente alministrativu que correspuenda.

Códigu:  200354