Saltar al conteníu principal

Gobiernu del Principáu d'Asturies

Asturies, muncho más cerca

banda de sede
 

Tas en

Asturias.es Sede Electrónica Autorización pa servicios de prevención de riesgos llaborales

20021416-Autorización pa servicios de prevención de riesgos llaborales

Tramita al traviés d'Internet

Consiste en

Algamar l’acreitación que posibilita a entidaes especializaes a actuar como servicios de prevención de riesgos llaborales ayenos, previa aprobación del proyeutu pola autoridá sanitaria no que cinca a los requisitos de calter sanitariu. Si les instalaciones principales tán asitiaes na Comunidá Autónoma del Principáu d’Asturies, l’autoridá llaboral asturiana va ser competente pa resolver esta solicitú.

Imprimir

Requisitos

  1. Disponer de la organización, les instalaciones, el personal y los equipos necesarios pal desempeñu de la so actividá.

  2. Constituyir una garantía que cubra la so responsabilidá eventual.

  3. Nun caltener coles empreses concertaes venceyos comerciales, financieros o de cualquier otru tipu distintos a los propios de la so actuación como serviciu de prevención que puedan afeutar a la so independencia ya influyir nel resultáu de les sos actividaes.

  4. Asumir direutamente’l desendolcu de les funciones de sofitu a la empresa que concertaran referíes al diseñu, establecimientu y aplicación d’un plan de prevención de riesgos llaborales, la evaluación de los factores de riesgu, la planificación de l’actividá preventiva y vixilancia de la so eficacia, la información y formación a los trabayadores, la ufierta de los primeros auxilios y planes d’emerxencia y la vixilancia de la salú.

Imprimir

Precises

  1. Códigu de cuenta de cotización a la Seguridá Social.

  2. Aspeutos de l’actividá preventiva que quier facese.

  3. Ámbitu territorial nel que quieren desendolcase les actividaes preventives.

  4. Sector o subsector d’actividá productiva según CNAE-2009.

  5. Previsión sobre’l númberu d’empreses y volume de trabayadores especificando la so distribución territorial.

  6. Previsión de dotación de personal especificando númberu de persones con capacidá pa desendolcar les funciones preventives.

  7. Medios materiales: descripción de llocales ya instalaciones, asitiamientu, medios instrumentales, aparatos y equipos.

  8. Memoria de les actividaes que rican conocimentos especiales o instalaciones de gran complexidá si quieren subcontratase de manera continua.

  9. Compromisu de tener soscrita una póliza de seguru o garantía financiera asemeyada que cubra la so responsabilidá, por una cuantía mínima que s’actualiza añalmente acordies col IPC.

  10. Compromisu de nun concertar la so actividá con empreses coles que tuvieran venceyos comerciales, financieros o de cualquier otru tipu que puedan afeutar a la so independencia ya influyir nel resultáu de les sos actividaes.

Interésate saber

1.

RECEICIÓN DEL SERVICIU

  • L’autoridá llaboral, recibida la solicitú, va remitir copia a l’autoridá sanitaria a los fines previstos nel apartáu 5 del artículu 31 de la Llei 31/1995, de Prevención de Riesgos Llaborales. Al empar, va solicitar informe de la Inspeición de Trabayu y Seguridá Social y del Institutu Asturianu de Prevención de Riesgos Llaborales. En casu de que l’ámbitu territorial d’actividá sobrepase al del Principáu d’Asturies, l’autoridá llaboral va solicitar informe preceutivu a toles comunidaes autónomes nes que s’indicara que quier facese l’actividá.
  • L’autoridá llaboral, a la vista de la decisión de l’autoridá sanitaria y de los informes emitíos, va dictar resolución nel plazu de 3 meses contaos dende la entrada de la solicitú nel rexistru del muérganu alministrativu competente pa resolver, y en 6 meses si l’ámbitu territorial d’actuación sobrepasa al del Principáu d’Asturies.
  • Trescurríu’l plazu de resolución ensin notificase resolución espresa, la solicitú va poder entendese desestimada por silenciu alministrativu. Escontra la resolución espresa o supuesta pue interponese recursu alministrativu.
  • Los requisitos téunicos y condiciones mínimes esixíes pa desendolcar l’actividá sanitaria de los servicios de prevención tán establecíos nel Real Decretu 843/2011, pol que s’establecen los criterios básicos sobre la organización de recursos pa desendolcar l’actividá sanitaria de los servicios de prevención.
  • El serviciu de prevención ayenu que solicita l’acreitación ha contar, nel ámbitu territorial d’actuación nel que quiera ufiertar los sos servicios, colos recursos humanos ya instrumentales mínimos que s’establecen nos Anexos I y II de la Orde TIN/2504/2010, pola que se desendolca’l Real Decretu 39/1997 pol que s’aprueba’l Reglamentu de los Servicios de Prevención no tocante a l’acreitación d’estes entidaes.
  • Les entidaes especializaes van tener que caltener, en tou momentu, los requisitos necesarios p’actuar como servicios de prevención establecíos na normativa, teniendo que comunicar a l’autoridá llaboral competente cualquier variación qu’afeute a los mentaos requisitos de funcionamientu. Si como resultáu de les comprobaciones feches, l’autoridá llaboral que concedió l’acreitación comprueba l’incumplimientu de los requisitos, va poder revocar l’acreitación concedida.

Plazu de solicitú

En plazo Tol añu

Cómo solicitalu

Pasu  1:
Iniciar solicitú

Respondémoste por aciu de

1.  Notificación por corréu certificáu con acuse de recibu

Recursos

1.Recursu potestativu de reposición o contencioso-alministrativu

La to solicitú va ser tramitada al traviés de

Servicio de Ordenación Laboral

La to solicitú va ser resuelta por

CONSEJERÍA DE EMPLEO, INDUSTRIA Y TURISMO

Códigu 20021416

Otres formes de tramitación

Como firmar tus solicitudes

 

Compruebe aquí los requisitos para la firma

 

Verifique aquí que su equipo tiene la configuración técnica necesario para la firma en la tramitación de este servicio.

 

De nun tar rexistráu has facelo, too sonventayes. Pues consultar les tos esperiencies y facer los tos trámites dende la web.

Tienes duldes...
012 | Contacta con nós

Información sobre el documento

© Copyright 2006. Gobiernu del Principau d'Asturies