Saltar al conteníu principal

Gobiernu del Principáu d'Asturies

Asturies, muncho más cerca

banda de sede
 

Tas en

Asturias.es Sede Electrónica Servicios y Trámites Mediu Ambiente Denuncies en materia de residuos

2003137-Denuncies en materia de residuos

Tramita al traviés d'Internet

Consiste en

Denunciar les infraiciones derivaes d’incumplir les obligaciones afitaes na Llei 10/1998, de 21 d’abril, de Residuos.

Imprimir

Requisitos

1.

Ser mayor de 18 años.

Imprimir

Precises

  1. Aportación de documentación en que se fundamente la denuncia alministrativa.

Interésate saber

  1. INFRAICIONES LEVES

    • L’exerciciu d’una actividá descrita nesta Llei ensin que se ficiera, nel so casu, el rexistru alministrativu que correspuenda.
    • L’atrasu nel suministru de la documentación que se tenga qu’apurrir a l’Alministración acordies colo establecío pola normativa aplicable o poles estipulaciones conteníes nes autorizaciones.
    • La comisión de dalguna de les infraiciones indicaes nel apartáu 3 cuando, pola so escasa cuantía o entidá, nun merezan la calificación de graves.
    • Cualquier infraición de lo establecío nesta Llei o nes estipulaciones conteníes nes autorizaciones, cuando nun tea tipificada como mui grave o grave.
  2. INFRAICIONES GRAVES

    • L’exerciciu d’una actividá descrita na presente Llei ensin l’autorización preceutiva o con ella caducada o suspendida; l’incumplimientu de les obligaciones impuestes nes autorizaciones, asina como l’actuación en forma contraria a lo establecío nesta Llei, cuando l’actividá nun tea suxeta a autorización específica, ensin que se produxera un dañu o estrozu grave pal mediu ambiente o ensin que se punxera en peligru grave la salú de les persones.
    • L’abandonu, eliminación o vertíu incontroláu de cualquier triba de residuos non peligrosos ensin que se produxera un dañu o estrozu grave pal mediu ambiente o se punxera en peligru grave la salú de les persones.
    • L’incumplimientu de la obligación d’apurrir documentación o’l fechu d’anubrir o falsiar datos esixíos pola normativa aplicable o poles estipulaciones conteníes na autorización, asina como l’incumplimientu de la obligación de custodia y caltenencia de la mentada documentación.
    • La falta de constitución de fiances o garantíes, o de la so renovación, cuando seyan obligatories.
    • L’incumplimientu polos axentes económicos señalaos nos artículos 7.1 y 11.1 de les obligaciones derivaes de los pautos voluntarios o convenios de collaboración soscritos.
    • La entrada nel territoriu nacional de residuos d’otru Estáu miembru de la Comunidá Europea o d’un país terceru, asina como la salida de residuos hacia los mentaos llugares, ensin enllenar la notificación o ensin algamar los permisos y autorizaciones esixíos pola llexislación comunitaria o los trataos o convenios internacionales de los qu’España seya parte.
    • Nel casu de compra intercomunitaria y d’importaciones de terceros países de residuos, l’incumplimientu de la obligación de notificar la realización de la so valorización o eliminación, nel plazu máximu de cientu ochenta díes tres la receición de los mesmos, acordies colo establecío nos artículos 5.6, 6.6, 19.9 y 22.1 del Reglamentu 259/93/CEE.
    • El poner torgues a l’actividá inspeutora o de control de les Alministraciones públiques.
    • La falta d’etiquetes o les etiquetes incorreutes o parciales de los envases que contengan residuos peligrosos.

     

  3.  

    • L’amiestu de les estremaes categoríes de residuos peligrosos ente sí o d’éstos colos que nun tengan tala consideración, siempre que de resultes d’ello nun se produxera un dañu o estrozu grave pal mediu ambiente o se punxera en peligru grave la salú de les persones.
    • La entrega, venta o cesión de residuos non peligrosos a persones físiques o xurídiques distintes de les señalaes nesta Llei, asina como l’aceptación de los mesmos en condiciones distintes de les qu’apaezan nes correspondientes autorizaciones o nes normes establecíes nesta Llei.
    • Cometer dalguna de les infraiciones indicaes nel apartáu 2 cuando, pola so escasa cuantía o entidá, nun merezan la calificación de mui graves. La ellaboración o usu de productos respeuto a los que se tomara dalguna de les midíes enumeraes nel párrafu a) del artículu 7.1 y, nel so casu, nel artículu 8 d’esta Llei, incumpliendo les obligaciones indicaes nos mentaos preceutos y na so normativa de desendolque, cuando de resultes nun s’alterie gravemente la proteición del mediu ambiente, la salú ya hixene públiques o la seguridá de los consumidores.
    • Nun ellaborar los planes empresariales de prevención o d’amenorgamientu de residuos o nun atender los requerimientos fechos poles Comunidaes Autónomes pa que se camuden o completen con calter previu a la so aprobación, cuando asina s’afitara acordies col artículu 7.1 y, nel so casu , col artículu 8 d’esta Llei y na so normativa de desendolque.
  4. INFRAICIONES MUI GRAVES

    • L’exerciciu d’una actividá descrita na presente Llei ensin l’autorización preceutiva o con ella caducada o suspendida; l’incumplimientu de les obligaciones impuestes nes autorizaciones, asina como l’actuación en forma contraria a lo establecío nesta Llei, cuando l’actividá nun tea suxeta a autorización específica, siempre que se produxera un dañu o estrozu grave pal mediu ambiente o se punxera en peligru grave la salú de les persones o cuando l’actividá tenga batura n’espacios protexíos.
    • L’abandonu, eliminación o vertíu incontroláu de residuos peligrosos.
    • L’abandonu, eliminación o vertíu incontroláu de cualquier otra triba de residuos, siempre que se produxera un dañu o estrozu grave pal mediu ambiente o se punxera en peligru grave la salú de les persones.
    • L’incumplimientu de les obligaciones derivaes de les midíes provisionales.
    • Anubrir o alteriar con malicia datos apurríos a los espedientes alministrativos pal llogru d’autorizaciones, permisos o llicencies rellacionaes col exerciciu de les actividaes regulaes nesta Llei.
    • La ellaboración, importación o compra intracomunitaria de productos con sustancies o preparaos torgaos pola peligrosidá de los residuos que xeneren.
    • La non realización de les operaciones de llimpieza y recuperación cuando un suelu tea declaráu como contamináu, tres el correspondiente requerimientu de la Comunidá Autónoma o l’incumplimientu, nel so casu, de les obligaciones derivaes de pautos voluntarios o convenios de collaboración.
  5.  

    • L’amiestu de les estremaes categoríes de residuos peligrosos ente sí o d’éstos colos que nun tengan tala consideración, siempre que como consecuencia d’ello se produxera un dañu o estrozu grave pal mediu ambiente o se punxera en peligru grave la salú de les persones.
    • La entrega, venta o cesión de residuos peligrosos a persones físiques o xurídiques distintes de les señalaes nesta Llei, asina como l’aceptación de los mesmos en condiciones distintes de les qu’apaezan nes correspondientes autorizaciones o nes normes establecíes nesta Llei.
    • La omisión, nel casu de residuos peligrosos, de los necesarios planes de seguridá y previsión d’accidentes, asina como de los planes d’emerxencia interior y esterior de les instalaciones.
    • La ellaboración de productos o l’usu d’envases polos axentes económicos a que se refier el párrafu a) del artículu 7.1 respeuto de los que se tomara dalguna de les midíes enumeraes nel mesmu y, nel so casu, nel artículu 8 d’esta Llei, incumpliendo les obligaciones indicaes nos mentaos preceutos y na so normativa de desendolque, cuando de resultes s’alterie gravemente la proteición del mediu ambiente, la salú ya hixene públiques o la seguridá de los consumidores.
    • La puesta nel mercáu de productos respeuto de los que se tomara dalguna de les midíes enumeraes nos párrafos b) y c) del artículu 7.1 y, nel so casu, nel artículu 8 d’esta Llei, d’una forma distinta a lo establecío nos mentaos preceutos y na so normativa de desendolque.

Plazu de solicitú

En plazo Tol añu

Cómo solicitalu

Pasu  1:
Fai’l trámite dende equí.

Respondémoste por aciu de

1.  Notificación por corréu certificáu con acuse de recibuSegún lo establecío na Llei 30/1992, de 26 de payares, de Réxime Xurídicu de les Alministraciones Públiques y del Procedimientu Alministrativu Común.

La to solicitú va ser tramitada al traviés de

Servicio de Control Ambiental

La to solicitú va ser resuelta por

CONSEJERÍA DE INFRAESTRUCTURAS, MEDIO AMBIENTE Y CAMBIO CLIMÁTICO

Códigu 2003137

Otres formes de tramitación

Como firmar tus solicitudes

 

Compruebe aquí los requisitos para la firma

 

Verifique aquí que su equipo tiene la configuración técnica necesario para la firma en la tramitación de este servicio.

 

De nun tar rexistráu has facelo, too sonventayes. Pues consultar les tos esperiencies y facer los tos trámites dende la web.

Tienes duldes...
012 | Contacta con nós

Información sobre el documento

© Copyright 2006. Gobiernu del Principau d'Asturies