Saltar al conteníu principal

Gobiernu del Principáu d'Asturies

Asturies, muncho más cerca

banda de sede
 

Tas en

Asturias.es Sede Electrónica Servicios y Trámites Agricultura y montes Denuncies en materia de semiente y plantes de viveru

2003271-Denuncies en materia de semiente y plantes de viveru

Tramita al traviés d'Internet

Consiste en

Denunciar les infraiciones derivaes d’incumplir les obligaciones afitaes na Llei 30/2006, de 26 de xunetu, de semiente y plantes de viveru y de recursos fitoxenéticos.

Imprimir

Requisitos

1.Ser mayor de 18 años.

Interésate saber

  1.  Infraiciones leves

    • L’incumplimientu de la obligación de presentar a l’autoridá competente, nos plazos establecíos reglamentariamente, la información, documentos o material que se consideren precisos pal control de la caltenencia de la variedá o’l material necesariu pa la renovación de les muestres oficiales pa la coleición de referencia.
    • La falta xeneralizada d’anotaciones d’entraes y salíes d’almacén, conservación d’albaranes y factures o la venta de dalguna partida de semiente o plantes de viveru ensin la factura que correspuenda.
    • Exercer l’actividá de comerciante ensin comunicar l’exerciciu de la so actividá pa la so inscripción nel rexistru que correspuenda.
    • L’incumplimientu de la obligación de desendolcar l’autocontrol de la so actividá a que se refier l’artículu 42 de la Llei 30/2006.
  2.  Infraiciones graves

    • Esconder datos que seyan relevantes pa consiguir l’autorización ya inscripción de la variedá nel Rexistru de variedaes comerciales.
    • El depósitu nun mesmu almacén, ensin autorización, d’elementos de reproducción y multiplicación xunto a otros que nun tengan esi calter, tanto si tán a granel, envasaos en sacos o de cualquier otra manera.
    • La falta d’indicación, o la so inexautitú, nes etiquetes de los envases de semiente y plantes de viveru, de los datos que tienen qu’apaecer nelles, asina como na publicidá, siempre qu’ello nun venga referío al intentu d’inducir a error al usuariu en cuantes a la variedá, categoría del material o estáu sanitariu, asina como l’incumplimientu de la obligación d’usar la denominación asignada a la variedá.
    • L’incumplimientu de los plazos establecíos pal unviu de los datos y documentos que figuren nos planes de siguimientu de variedaes alteriaes xenéticamente, asina como l’unviu de datos que nun s’axusten a la realidá, cuando nun pueda ser considerao falta mui grave.
    • L’incumplimientu de los requisitos de calidá de la semiente y plantes de viveru nel procesu productivu o comercial, cuando nun constituya falta mui grave.
    • Esconder información y poner pilancos al llabor inspeutor de les autoridaes competentes.
    • L’incumplimientu en materia de coesistencia de cultivos de variedaes alteriaes xenéticamente, convencionales y ecolóxiques, y de les midíes señalaes llegalmente pal cultivu de la especie de que se trate, cuando’l mentáu incumplimientu nun produza una alteración de la naturaleza de los productos algamaos acordies con cada triba de cultivu.
    • L’alteración del precintáu d’un envase o del so conteníu.
    • L’incumplimientu en materia de variedaes alteriaes xenéticamente de los requisitos de trazabilidá y etiquetáu esixibles a les mesmes.
  3.  Infraiciones mui graves

    • Esconder la perda de les condiciones de distinción, homoxeneidá y estabilidá d’una variedá vexetal o la falsedá en documentos o datos que seyan relevantes pa la so inscripción.
    • Esconder la condición de variedá alteriada xenéticamente.
    • La falsedá de los datos de la etiqueta y na publicidá que vengan referíos a la denominación varietal, a la categoría del material o al so estáu sanitariu.
    • El cambéu de los datos esixíos nos planes de siguimientu de variedaes alteriaes xenéticamente o l’incumplimientu de los plazos establecíos pal unviu de los datos y documentos, siempre que d’ello pueda venir un peligru pa la salú humano, la sanidá animal o’l mediu ambiente.
    • L’incumplimientu de los requisitos de calidá de la semiente y plantes de viveru nel procesu productivu o comercial, cuando algamen el 50 por cien de los porcentaxes mínimos esixíos o cuando pasen el doblu de les tolerancies máximes autorizaes, según los casos.
    • La producción y el comerciu de semiente y plantes de viveru ensin sometese al control oficial establecíu nel artículu 39 de la Llei 30/2006.
    • La producción y el comerciu de semiente y plantes de viveru de variedaes non inscrites nel Rexistru de variedaes comerciales o nos catálogos comunes de variedaes de la Unión Europea, cuando esti requisitu seya obligatoriu.
    • Impidir el llabor inspeutor.
    • Frayar les midíes provisionales sobre mercancíes o almacenes.
    • L’incumplimientu en materia de coesistencia de cultivos de variedaes alteriaes xenéticamente, convencionales y ecolóxiques y de les midíes señalaes llegalmente pal cultivu de la especie de que se trate, cuando’l mentáu incumplimientu produza una alteración de la naturaleza de los productos algamaos acordies con cada triba de cultivu.
    • La importación y esportación de variedaes alteriaes xenéticamente ensin contar cola autorización que correspuenda del país de destín, acordies coles normes comunitaries o internacionales en vixencia.
    • Exercer l’actividá de productor de semiente y plantes de viveru pa la comercialización ensin l’autorización apropiada.

Plazu de solicitú

En plazo Tol añu

Cómo solicitalu

Pasu  1:
Fai’l trámite dende equí.

Respondémoste por aciu de

1.  Notificación por corréu certificáu con acuse de recibu

La to solicitú va ser tramitada al traviés de

Servicio de Desarrollo Agroalimentario

La to solicitú va ser resuelta por

CONSEJERÍA DE DESARROLLO RURAL Y RECURSOS NATURALES

Códigu 2003271

Otres formes de tramitación

Como firmar tus solicitudes

 

Compruebe aquí los requisitos para la firma

 

Verifique aquí que su equipo tiene la configuración técnica necesario para la firma en la tramitación de este servicio.

 

De nun tar rexistráu has facelo, too sonventayes. Pues consultar les tos esperiencies y facer los tos trámites dende la web.

Tienes duldes...
012 | Contacta con nós

Información sobre el documento

© Copyright 2006. Gobiernu del Principau d'Asturies