Saltar al conteníu principal

Gobiernu del Principáu d'Asturies

Asturies, muncho más cerca

banda de sede
 

Tas en

Asturias.es Sede Electrónica Servicios y Trámites Agricultura y montes Denuncies en materia de fueos forestales

200367-Denuncies en materia de fueos forestales

Tramita al traviés d'Internet

Consiste en

Denunciar infraiciones en materia de fueos forestales derivaes d’incumplir les obligaciones afitaes na Llei del Principáu d’Asturies 3/2004, de 23 de payares, de Montes y Ordenación Forestal.

Imprimir

Requisitos

1.Ser mayor de 18 años.

Imprimir

Precises

  1. Modelo de denuncia.

Interésate saber

  1. Son infraiciones leves:

    • La variación non autorizada d’usu o cultivu del monte, asina como la plantación d’especies non autorizaes qu’afeuten a una superficie menor de 10 hectárees siempre que nun se produza la roza del terrén.
    • La poda, la corta, desenraizamientu o venta de madera quemao procedente de fueu forestal fechos ensin autorización o fuera de periodu hábil, asina como la inutilización d’especies forestales, arbórees o arbustives, feches en propiedá de particulares, cuando’l volume de los productos forestales aprovechaos seya menor de 500 m3 tratándose d’especies de crecimientu rápidu y nel casu d’especies de crecimientu lentu’l volume de productos afeutaos seya menor de 100 m3. En monte incluyío nel Catálogu de Montes d’Utilidá Pública, les conductes a les que se refier l’apartáu anterior, cuando afeuten a productos forestales con un volume que seya menor de 100 m3, con independencia de que se trate d’especies de crecimientu rápidu o lentu.
    • Les podes, cortes, desenraizamientos, venta de madera quemao procedente de fueu forestal o inutilización d’especies forestales protexíes, cuando’l númberu de les afeutaes seya menor de 10 unidaes tratándose d’especies de porte arboreu o de 40 unidaes de porte arbustivu.
    • La poda d’especies forestales, l’esbroce u otres xeres silvícoles incluyíes nel Catálogu de Montes d’Utilidá Pública, fechos ensin autorización o escontra los Planes Añales d’Aprovechamientu.
    • Los aprovechamientos ensin autorización en monte incluyío nel Catálogu de Montes d’Utilidá Pública u oxetu de conveniu de piedra, zahorra, grava, arena, turba u otros productos asemeyaos qu’afeuten a un volume de los mesmos que nun pase de 100 m3, asina como l‘aprovechamientu de lleña que nun pase de 100 m3 o estéreos.
    • Cualquier incumplimientu de les condiciones señalaes nes autorizaciones d’aprovechamientu non descrites nos artículos de la Llei del Principáu d’Asturies 3/2004, de 23 de payares, de Montes y Ordenación Forestal, asina como los aprovechamientos forestales fechos por persones que nun axunten los requisitos llegales.
    • L’ausencia de comunicación o la neglixencia de los propietarios en denunciar a la Conseyería competente en materia forestal la esistencia de pestes o enfermedaes qu’afeuten al monte.
    •  La quema con infraición de la so normativa reguladora, o ensin autorización de la Conseyería competente en materia forestal, na faza de 100 m llendera col perímetru del monte.
    • L’incumplimientu de les obligaciones d’información a l’Alministración per parte de los particulares.
  2. Poles mesmes, tienen la consideración de faltes leves, siempre que nun se produxera una alteración negativa del suelu nin s’ocasione una perda de la calidá del mesmu, les aiciones u omisiones siguientes:

    • La inhibición per parte de los obligaos na execución de les aiciones o inversiones previstes na Llei del Principáu d’Asturies 3/2004, de 23 de payares, de Montes y Ordenación Forestal.
    • El cercu, rompimientu de los zarros establecíos pol titular del espaciu y cualquier otra forma d’ocupación temporal o permanente de monte incluyío nel Catálogu de Montes d’Utilidá Pública, ensin contar con autorización.
    • L’incumplimientu del deber de repoblar o restaurar el monte que fuera oxetu de fueu dientro de los plazos al efeutu establecíos, asina como la so adscripción a fines o actividaes estremaes a les que tuviera con anterioridá a la producción del fueu.
  3. Son infraiciones graves:

    • La variación non autorizada d’usu o cultivu de monte, asina como la plantación d’especies non autorizaes qu’afeuten a más de 10 hectárees y con independencia de la superficie afeutada cuando se rocen los terrenos.
    • L’usu de pesticíes non permitíos o l’aplicación estensiva o inapropiada de los permitíos nel monte cuando la superficie afeutada seya menor de 5 hectárees.
    • L’usu de monte de manera que cause la degradación del suelu o de la capa vexetal, cuando l’usu afeute a una superficie menor de 10 hectárees.
    •  La poda, corta, desenraizamientu o venta de madera quemao procedente de fueu forestal fechos ensin autorización o fuera del periodu hábil, asina como la inutilización d’especies forestales, arbórees o arbustives, feches en propiedaes particulares y cuando’l volume de los productos forestales o arbórees o cuando’l volume de los productos forestales afeutaos seya igual o mayor de 500 m3 n’especies de crecimientu rápidu y 100 m3 n’especies de crecimientu lentu, y nun pase de 1500 m3 n’especies de crecimientu rápidu y de 500 m3 n’especies de crecimientu lentu. En monte incluyío nel Catálogu de Montes d’Utilidá Pública, les conductes a les que se refier l’apartáu anterior, cuando afeuten a productos forestales con un volume que seya igual o mayor de 100 m3 y nun pase de 500 m3, con independencia de que se trate d’especies de crecimientu rápidu o lentu.
    • Les podes, cortes, desenraizamientos, venta de madera quemao procedente de fueu forestal o inutilización d’especies forestales protexíes, cuando’l númberu de les afeutaes seya menor de 100 unidaes y mayor de 10, tratándose d’especies de porte arboreu. Nel casu d’especies de porte arbustivu, cuando afeute a un númberu menor de 400 unidaes y mayor de 40.
    • Los aprovechamientos ensin autorización en monte incluyío nel Catálogu de Montes d’Utilidá Pública u oxetu de conveniu de piedra, zahorra, grava, arena, turba u otros productos asemeyaos qu’afeuten a un volume mayor de 100 m3 y que nun pase de 5000 m3, asina como l‘aprovechamientu de lleña que pase de 100 m3 o estéreos.
    • El pastoríu o permanencia de ganáu ensin saniamientu, o ensin identificar, nel monte cualquiera que seya la so titularidá o naturaleza.
    • Los pilancos a l’actividá inspeutora, d’investigación y de control de la Conseyería competente en materia forestal, asina como la resistencia a la so autoridá.
    • La quema fecha con infraición de la so normativa reguladora, o ensin autorización de la Conseyería competente en materia forestal, dientro del terrén de monte que nun tenga arboláu.
    • L’alteración de finxos, señales, moyones que valgan pa llendar el monte público cuando nun s’impida la determinación sobre’l terrén de les llendes establecíes llegalmente.
  4. Ye tamién infraición grave cualquier alteración negativa o qu’ocasione la perda de calidá del suelu, cuando la so recuperación nun pase d’un periodu de diez años, ocasionaes y, n’especial, les aiciones u omisiones siguientes:

    • La inhibición per parte de los obligaos na execución de les aiciones o inversiones previstes na Llei del Principáu d’Asturies 3/2004, de 23 de payares, de Montes y Ordenación Forestal.
    • L’incumplimientu de les disposiciones dictaes pa la prevención o estinción de fueos forestales, asina como de llucha escontra la erosión, les pestes y les enfermedaes forestales.
    • El cercu, rompimientu de zarros establecíos pol titular del monte y cualquier otra forma d’ocupación temporal o permanente non autorizada.
    • L’incumplimientu del deber de repoblar o restaurar el monte que fuera oxetu de fueu dientro de los plazos al efeutu establecíos, asina como la so adscripción a fines o actividaes estremaes a les que tuviera con anterioridá a la producción del fueu.
    • L’incumplimientu de les condiciones específiques establecíes nos aprovechamientos.
    • La realización ensin autorización de vertíos sólidos o líquidos, asina como l’abandonu de material y residuos nel monte.
    • El pastoríu o permanencia de reses nel monte ensin autorización cuando tal requisitu fuera preceutivu o fechu en zones o époques acotaes o escontra los Planes d’Aprovechamientu o de les ordenances.
    • L’usu de monte de dominiu públicu ensin la concesión o autorización que correspuende p’aquellos usos que la rican.
    • L’emplegu de fueu en monte y árees llenderes nes condiciones, époques, sitios o p’actividaes non autorizaes.
    • La forestación o reforestación con materiales de reproducción torgaos espreso.
    • Facer aprovechamientos forestales ensin autorización alministrativa o, nel so casu, notificación del titular y, en xeneral, facer cualquier actividá non autorizada o notificada, cuando talos requisitos seyan obligatorios.
    • Facer víes de saca, pistes, caminos o cualquier otra obra cuando nun tea prevista nos correspondientes Proyeutos d’Ordenación o Planes dasocráticos de montes o, nel so casu, PORF, o ensin tar autorizada espreso pol muérganu forestal de la Comunidá Autónoma.
    • El tránsitu o la permanencia en caminos o zones forestales onde esista torga espresa en tal sentíu.
    • L’incumplimientu de les obligaciones d’información a l’Alministración per parte de los particulares.
    • L’incumplimientu, total o parcial, d’otres obligaciones o torgues establecíes na Llei del Principáu d’Asturies 3/2004, de 23 de payares, de Montes y Ordenación Forestal.
  5. Son infraiciones mui graves:

    • La variación non autorizada d’usu o cultivu del monte o la roza del mesmu, asina como la plantación d’especies non autorizaes cuando se vieran afeutaos terrenos poblaos d’especies protexíes
    • L’usu de pesticíes non permitíos y l’aplicación escesiva o inapropiada de los almitíos cuando la superficie afeutada seya igual o mayor de 5 hectárees.
    • L’usu de monte en forma tan intensiva o inconveniente que cause o acelere la degradación del suelu o de la capa vexetal, cuando l’usu afeute a una superficie mayor de 10 hectárees.
    • La poda, corta, desenraizamientu o venta de madera quemao procedente de fueu forestal, feches ensin autorización o fuera de la época hábil, asina como la inutilización d’especies forestales arbórees o arbustives, feches en terrenos de propiedá de particulares y cuando la cuantía de lo aprovechao seya igual o mayor de 1500 m3 n’especies de crecimientu rápidu o de 500 m3 nel casu de les de de crecimientu lentu. Nel supuestu de que se trate de monte incluyío nel Catálogu de Montes d’Utilidá Pública, les conductes a les que se refier el párrafu anterior tienen la consideración d’infraiciones mui graves cuando la cuantía de lo aprovechao seya igual o mayor de 500 m3, con independencia de que se trate d’especies de crecimientu rápidu o lentu.
    • Les podes, cortes, desenraizamientos, venta de madera quemao procedente de fueu forestal o inutilización d’especies forestales protexíes cuando’l númberu de les afeutaes seya mayor de 100 unidaes d’especies de porte arboreu o de 400 de porte arbustivu.
    • Los aprovechamientos, ensin autorización, en monte incluyío nel Catálogu de Montes d’Utilidá Pública o que fuera oxetu de conveniu de piedra, zahorra, grava, arena, turba u otros productos asemeyaos mayores de 2500 m3.
    • La quema fecha con infraición de la so normativa reguladora, o ensin autorización de la Conseyería competente en materia forestal, dientro del perímetru del monte arbolao.
    • L’alteración de finxos, señales, moyones que valgan pa llendar el monte público cuando nun s’impida la determinación sobre’l terrén de les llendes llegalmente establecíes.

Plazu de solicitú

En plazo Tol añu

Cómo solicitalu

Pasu  1:
Fai’l trámite dende equí.

Respondémoste por aciu de

1.  Notificación por corréu certificáu con acuse de recibu

La to solicitú va ser tramitada al traviés de

Servicio de Montes

La to solicitú va ser resuelta por

CONSEJERÍA DE DESARROLLO RURAL, AGROGANADERÍA Y PESCA

Códigu 200367

Otres formes de tramitación

Como firmar tus solicitudes

 

Compruebe aquí los requisitos para la firma

 

Verifique aquí que su equipo tiene la configuración técnica necesario para la firma en la tramitación de este servicio.

 

De nun tar rexistráu has facelo, too sonventayes. Pues consultar les tos esperiencies y facer los tos trámites dende la web.

Tienes duldes...
012 | Contacta con nós

Información sobre el documento

© Copyright 2006. Gobiernu del Principau d'Asturies