Saltar al conteníu principal

Gobiernu del Principáu d'Asturies

Asturies, muncho más cerca

banda de sede
 

Tas en

Asturias.es Sede Electrónica Servicios y Trámites Economía y finances Finances y Seguros Denuncies en materia de mutualidaes de previsión social

2003101-Denuncies en materia de mutualidaes de previsión social

Tramita al traviés d'Internet

Consiste en

Denunciar les infraiciones derivaes d’incumplir les obligaciones establecíes nel Real Decretu Llexislativu 6/2004, de 29 d’ochobre, pol que s’aprueba’l Testu Refundíu de la Llei d’Ordenación y Supervisión de los Seguros Privaos.

Imprimir

Requisitos

1.Ser mayor de 18 años.

Interésate saber

  1. PA MÁS INFORMACIÓN

    mutualidades@asturias.org

  2. INFRAICIONES LEVES

    a) El defeutu nel cálculu o la insuficiencia de les inversiones pa cobertura de les provisiones téuniques en cuantía inferior al 5 por 100. 

    b) L’incumplimientu pola entidá aseguradora de les normes imperatives conteníes nos artículos 3, 5, 8, 10, 12, 15, 18, 19, 20, 22, 76, 88, 94, 95, 96, 97 y 99 de la Llei 50/1980, de 8 d’ochobre, de Contratu de Seguru, de nun atender nel plazu d’un mes el requerimientu qu’a tal efeutu-y formule la Direición Xeneral de Seguros y Fondos de Pensiones cuando entendiera fundaes les quexes y reclamaciones a les qu’alude la normativa sobre proteición de clientes de servicios financieros. 

    c) En xeneral, los incumplimientos de preceutos d’obligada observancia pa les entidaes aseguradores incluyíos en normes d’Ordenación y Supervisión de los Seguros Privaos con rangu de llei siempre que nun constituyan infraición grave o mui grave conforme a lo dispuesto nos dos apartaos anteriores. 

    d) L’incumplimientu del deber de presentar la ufierta motivada o dar la respuesta motivada a la que faen referencia los artículos 7 y 22.3 del Testu Refundíu de la Llei sobre Responsabilidá Civil y Seguru na Circulación de Vehículos a Motor, aprobáu pel Decretu Llexislativu 8/2004, de 29 d’ochobre.

     

  3. INFRAICIONES GRAVES

    a) L’exerciciu namás ocasional o aisláu d’actividaes ayenes al so oxetu esclusivu llegalmente determináu.

    b) La realización namás ocasional o aislada d’actos u operaciones torgaos por normes d’ordenación y supervisión con rangu de llei o con incumplimientu de los requisitos establecíos nelles.

    c) El defeutu, nes entidaes aseguradores o nos grupos afitables o conglomeraos financieros a que pertenezan, nel marxe de solvencia en cuantía inferior al cinco por cientu del importe que correspuenda.

    d) El defeutu nel cálculu o la insuficiencia de les inversiones pa cobertura de les provisiones téuniques en cuantía superior al cinco por cientu, pero inferior al 10 por 100.

    e) L’incumplimientu de les normes vixentes sobre contabilización d’operaciones, formulación de balances y cuentes de perdes y ganancies, siempre que nun constituya infraición mui grave con arreglu al párrafu e) del artículu 40.3 (infraiciones mui graves) del Real Decretu Llexislativu 6/2004, de 29 d’ochobre, asina como les relatives a la ellaboración de los estaos financieros d’obligada comunicación a la Direición Xeneral de Seguros y Fondos de Pensiones.

    f) L’ausencia de notificaciones ya informaciones preceutives a la Direición Xeneral de Seguros y Fondos de Pensiones, asina como l’incumplimientu de la puesta a disposición de la documentación esixida por normes d’ordenación y supervisión con rangu de llei, siempre que nun constituya infraición mui grave.

  4.  g) La desatención del requerimientu o torga acordaos pola Alministración con arreglu al apartáu 5 del artículu 25 del Real Decretu Llexislativu 6/2004, de 29 d’ochobre.

    h) L’incumplimientu pola entidá aseguradora de les normes imperatives conteníes nos artículos 3, 5, 8, 10, 12, 15, 18, 19, 20, 22, 76, 88, 94, 95, 96, 97 y 99 de la Llei 50/1980, de 8 d’ochobre, de Contratu de Seguru, cuando tala conducta tenga un calter repetitivu. A estos efeutos, entiéndese que la conducta tien calter repetitivu cuando pelos dos años anteriores a la so comisión se desatendieran 10 o más requerimientos a los que fai referencia’l párrafu b) del artículu 40.5 (infraiciones leves) del Real Decretu Llexislativu 6/2004, de 29 d’ochobre.

    i) Nun facilitar a la Direición Xeneral de Seguros y Fondos de Pensiones la documentación ya información necesaries, nos plazos y forma determinaos reglamentariamente, pa permitir la llevanza actualizada de los rexistros alministrativos regulaos nel artículu 74.

    j) Nos supuestos d’entidaes aseguradores en liquidación, l’incumplimientu polos liquidadores de les obligaciones que-yos impón l’artículu 28.3, asina como l’incumplimientu inxustificáu por quien desempeñaron cargos d’alministración o direición nos cinco años anteriores a la fecha de disolución, de la so obligación de collaborar colos liquidadores nos actos de liquidación que se rellacionen con operaciones del periodu en qu’aquéllos desempeñaron talos cargos.

  5. k) L’incumplimientu namás ocasional o aisláu de los acuerdos o resoluciones que vienen de la Direición Xeneral de Seguros y Fondos de Pensiones.

    l) La falta de remisión a la Direición Xeneral de Seguros y Fondos de Pensiones de cuantos datos o documentos tenga que-y suministrar la entidá aseguradora, cuando al traviés de la so presentación periódica, cuando per aciu de l’atención de requerimientos individualizaos que-y dirixa la mentada Direición Xeneral de Seguros y Fondos de Pensiones nel exerciciu de les sos funciones, asina como la falta de veracidá naquéllos, nun siendo qu’ello suponga la comisión d’una infraición mui grave. A los efeutos d’esti párrafu, va entendese qu’hai falta de remisión cuando nun se produza dientro del plazu fixáu nes normes reguladores de la presentación periódica o del plazu concedíu al efeutu al formular el requerimientu individualizáu.

    m) La escusa, negativa o resistencia a l’actuación inspeutora, cuando nun constituya infraición mui grave.

    n) Nun recaudar na forma y plazu procedentes, facelo indebidamente de manera insuficiente y, en xeneral, incumplir les sos obligaciones de recaudación obligatoria de los recargos llegalmente esixibles a favor del Consorciu de Compensación de Seguros.

    ñ) L’incumplimientu del deber de veracidá informativa debida a los sos socios, a los aseguraos o al públicu en xeneral, cuando nun se dean les circunstancies a les qu’alude’l párrafu ñ) del artículu 40.3 (infraiciones mui graves) del Real Decretu Llexislativu 6/2004, de 29 d’ochobre, asina como la realización de cualquier actu u operaciones con incumplimientu de les normes reguladores de la publicidá y deber d’información de les entidaes aseguradores.

  6. o) La realización d’actos fraudulentos o negocios simulaos o l’usu de persones físiques o xurídiques interpuestes cola fin de consiguir un resultáu contrariu a les normes d’ordenación y supervisión con rangu de llei, siempre que conducta tala nun tea incluyida nel párrafu o) del artículu.40.3 (infraiciones mui graves) Real Decretu Llexislativu 6/2004, de 29 d’ochobre.

    p) Les infraiciones leves, cuando nos dos años anteriores a la so comisión s’impuxera a la entidá aseguradora una sanción firme por cualquier infraición leve.

    q) Presentar la entidá aseguradora, el grupu afitable d’entidaes aseguradores o’l conglomeráu financieru nel que s’integren deficiencies na organización alministrativa y contable, o nos procedimientos de control internu, incluyíos los relativos a la xestión de riesgos, una y bona trescurriera’l plazu concedíu al efeutu pa la so correición poles autoridaes competentes, y siempre qu’ello nun constituya infraición mui grave conforme a lo previsto nel artículu 40.3 del Real Decretu Llexislativu 6/2004, de 29 d’ochobre.

    r) L’incumplimientu de les normes vixentes en materia de concentración y tope de riesgos.

  7. s) L’incumplimientu de la obligación de suministrar al muérganu competente la información a la que fai referencia la llexislación reguladora del rexistru de contratos de seguros de cobertura de muerte.

    t) L’incumplimientu del deber de presentar la ufierta motivada o dar la respuesta motivada a la que faen referencia los artículos 7 y 22.3 del Testu Refundíu de la Llei sobre Responsabilidá Civil y Seguru na Circulación de Vehículos a Motor, aprobáu pel Real Decretu Llexislativu 8/2004, de 29 d’ochobre, cuando tala conducta tenga calter reincidente.

    u) La falta de remisión de la información a la que fai referencia l’artículu 2.2 del Testu Refundíu de la Llei sobre Responsabilidá Civil y Seguru na Circulación de Vehículos a Motor, aprobáu pel Real Decretu Llexislativu 8/2004, de 29 d’ochobre, y les sos normes de desendolque, asina como la falta de veracidá de la información remitida cuando nello se dificulte’l control del efeutivu cumplimientu de la obligación d’aseguramientu o la identificación de la entidá aseguradora que tien qu’asumir los daños y perxuicios ocasionaos nun accidente de circulación.

        

  8. INFRAICIONES MUI GRAVES

    a) L’exerciciu d’actividaes ayenes al so oxetu esclusivu llegalmente determináu, nun siendo que tenga un calter namás ocasional o aisláu. 

    b) La realización d’actos u operaciones torgaos por normes d’ordenación y supervisión con rangu de llei o con incumplimientu de los requisitos establecíos néstes, nun siendo que tenga un calter namás ocasional o aisláu. 

    c) El defeutu, nes entidaes aseguradores o nos grupos afitables o conglomeraos financieros a que pertenezan, nel marxe de solvencia en cuantía inferior al cinco por cientu del importe que correspuenda y cualquier insuficiencia nel fondu de garantía. 

    d) El defeutu nel cálculu o la insuficiencia de les inversiones pa cobertura de les provisiones téuniques en cuantía inferior al 10 por 100. 

    e) El nun tener la contabilidá esixida llegalmente o llevala con anomalíes sustanciales qu’impidan o dificulten bultablemente conocer la situación económica, patrimonial y financiera de la entidá o del grupu afitable o conglomeráu financieru a que perteneza, asina como l’incumplimientu de la obligación de someter les sos cuentes añales a auditoría de cuentes conforme a la llexislación vixente.

  9. f) El llogru o incrementu de participación significativa nuna entidá aseguradora incumpliendo lo dispuesto nel artículu 22 del Real Decretu Llexislativu 6/2004, de 29 d’ochobre, pol que s’aprueba’l testu refundíu de la Llei d’ordenación y supervisión de los seguros privaos. 

    g) Poner en peligru la xestión sana y prudente d’una entidá aseguradora per aciu de la influyencia exercida pol titular d’una participación significativa, según lo previsto nel artículu 22.6 del Real Decretu Llexislativu 6/2004, de 29 d’ochobre, pol que s’aprueba’l testu refundíu de la Llei d’ordenación y supervisión de los seguros privaos. 

    h) La realización de práutiques abusives, estremaes de les tipificaes como infraiciones alministratives na Llei 16/1989, de 17 de xunetu, de Defensa de la Competencia, que perxudiquen el derechu de los aseguraos, beneficiarios, terceros perxudicaos o d’otres entidaes aseguradores. 

    i) La cesión de cartera, la tresformación, fusión y escisión d’entidaes aseguradores ensin la preceutiva autorización o, cuando fuera dada, ensin axustase a ella.

    j) L’incumplimientu de les midíes de control especial tomaes pola Direición Xeneral de Seguros y Fondos de Pensiones conforme al artículu 39 del Real Decretu Llexislativu 6/2004, de 29 d’ochobre, pol que s’aprueba’l testu refundíu de la Llei d’ordenación y supervisión de los seguros privaos.

  10. k) L’incumplimientu repetíu de los acuerdos o resoluciones que vienen de la Direición Xeneral de Seguros y Fondos de Pensiones. 

    l) La falta de remisión a la Direición Xeneral de Seguros y Fondos de Pensiones de cuantos datos o documentos tenga que-y suministrar la entidá aseguradora, cuando al traviés de la so presentación periódica, cuando per aciu de l’atención de requerimientos individualizaos que-y dirixa la mentada Direición Xeneral de Seguros y Fondos de Pensiones nel exerciciu de les sos funciones, asina como la falta de veracidá naquéllos, cuando con ello se dificulte l’apreciación de la solvencia de la entidá aseguradora o del grupu afitable o conglomeráu financieru a que perteneza. A los efeutos d’esti párrafu va entendese qu’hai falta de remisión cuando nun se produza dientro del plazu concedíu al efeutu pola Direición Xeneral de Seguros y Fondos de Pensiones  al recordar per escrito la obligación de presentación periódica o repetir el requerimientu individualizáu. 

    m) La escusa, negativa o resistencia a l’actuación inspeutora, siempre que medie requerimientu espresu y per escrito al respeutive. 

    n) Retener indebidamente, ensin ingresalos dientro de plazu, los recargos recaudaos a favor del Consorciu de Compensación de Seguros. 

    ñ) L’incumplimientu del deber de veracidá informativa debida a los sos socios, a los aseguraos y al públicu en xeneral, siempre que, pol númberu d’afeutaos o pola importancia de la información, tal incumplimientu pueda estimase como especialmente relevante.

  11. o) La realización d’actos fraudulentos o de negocios simulaos o l’usu de persones físiques o xurídiques interpuestes cola fin de consiguir un resultáu talu que’l so llogru direutu implicaría la comisión de, pelo menos, una infraición grave.

    p) Les infraiciones graves, cuando nos cinco años anteriores a la so comisión fuera impuesta a la entidá aseguradora sanción firme por infraición grave tipificada nel mesmu párrafu del apartáu 4 del artículu 40 del Real Decretu Llexislativu 6/2004, de 29 d’ochobre, pol que s’aprueba’l testu refundíu de la Llei d’Ordenación y Supervisión de los Seguros Privaos.

    q) Presentar la entidá aseguradora, el grupu afitable d’entidaes aseguradores o’l conglomeráu financieru nel que s’integren deficiencies na organización alministrativa y contable o nos procedimientos de control internu, incluyíos los relativos a la xestión de riesgos, cuando tales deficiencies pongan en peligru la solvencia o viabilidá de la entidá aseguradora o la del grupu afitable o conglomeráu financieru a que perteneza.

    r) L’incumplimientu de la obligación de suministrar al muérganu competente la información a la que fai referencia la llexislación reguladora del rexistru de contratos de seguros de cobertura de muerte, cuando tala conducta tenga calter reincidente.

    s) La falta de remisión de la información a que fai referencia l’artículu 2.2 del Testu Refundíu de la Llei sobre Responsabilidá Civil y Seguru na Circulación de Vehículos a Motor, aprobáu pel Real Decretu Llexislativu 8/2004, de 29 d’ochobre, y les sos normes de desendolque, asina como la falta de veracidá de la información remitida cuando nello se dificulte’l control del efeutivu cumplimientu de la obligación d’aseguramientu o la identificación de la entidá aseguradora que tien qu’asumir los daños y perxuicios ocasionaos nun accidente de circulación, siempre que tales conductes tengan calter reincidente.

Plazu de solicitú

En plazo Tol añu

Cómo solicitalu

Pasu  1:
Fai’l trámite dende equí.

Respondémoste por aciu de

1.  Notificación por corréu certificáu con acuse de recibu

Recursos

  1. Recurso d’alzada si’l Director Xeneral punxo la sanción
  2. Recursu potestativu de reposición o contencioso-alministrativu si resolvió’l Conseyu de Gobierno

La to solicitú va ser tramitada al traviés de

Servicio de Supervisión Financiera y Seguros

La to solicitú va ser resuelta por

CONSEJERÍA DE HACIENDA

Códigu 2003101

Otres formes de tramitación

Como firmar tus solicitudes

 

Compruebe aquí los requisitos para la firma

 

Verifique aquí que su equipo tiene la configuración técnica necesario para la firma en la tramitación de este servicio.

 

De nun tar rexistráu has facelo, too sonventayes. Pues consultar les tos esperiencies y facer los tos trámites dende la web.

Tienes duldes...
012 | Contacta con nós

Información sobre el documento

© Copyright 2006. Gobiernu del Principau d'Asturies