Saltar al conteníu principal

Gobiernu del Principáu d'Asturies

Asturies, muncho más cerca

banda de sede
 

Tas en

Asturias.es Sede Electrónica Servicios y Trámites Pesca Denuncies en materia de pesca n’agua continental

2003126-Denuncies en materia de pesca n’agua continental

Tramita al traviés d'Internet

Consiste en

Denunciar les infraiciones derivaes d’incumplir les obligaciones afitaes na Llei 6/2002, de 18 de xunu, sobre proteición de los ecosistemes acuáticos y de regulación de la pesca n’agua continental.

Imprimir

Requisitos

1.Ser mayor de 18 años.

Interésate saber

  1.  Infraiciones leves

    • Pescar siendo titular d’una llicencia y nun llevar consigo’l mentáu documentu, o aínda llevándolu, nun tar en posesión d’otru acreitativu de la identidá del pescador.
    • Pescar nun cotu cuando, siendo titular del permisu que correspuenda, nun se lleve nel actu de la pesca’l mentáu documentu.
    • Pescar con más cañes de les permitíes o auxiliase con preseos pa la estraición distintos de los autorizaos.
    • Pescar cangrexos emplegando más rateles o llamparines de los autorizaos.
    • Pescar usando enguaos o apareyos non permitíos.
    • Pescar, dientro de les époques señalaes na normativa añal, peles hores y díes nes que tea torgao facelo.
    • Capturar peces o cangrexos a mano.
    • Remover l’agua con ánimu d’espantar a los peces o facilitar la so captura.
    • Emplegar pa la pesca embarcaciones que nun tengan l’autorización que correspuenda.
    • Nun restituyir d’inmediato a l’agua los exemplares de les especies oxetu de pesca tipu I de tamañu menor o mayor del reglamentariu.
    • Nun restituyir d’inmediato a l’agua los exemplares de les especies oxetu de pesca tipu I que nun foran capturaos pola mordedura del cebu o gulisma.
    • Nun entregar al personal d’inspeición y vixilancia los exemplares de les especies oxetu de pesca tipu II.
    • El tresporte d’especies acuícoles de tamañu menor o mayor del llegalmente establecíu.
    • Facer actividaes o usos recreativos nes zones de réxime especial, ensin autorización.
    • Tener na vera, ribera u oriella del ríu artes o preseos d’usu non permitíu cuando nun se xustifique la so aplicación a menesteres estremaos de la pesca.
    • Estorbar el pasu de los pescadores pela servidume establecida pol artículu 6 a) del Testu Refundíu de la Llei d’Agua aprobáu por razón del Real Decretu Llexislativu 1/2001, de 20 de xunetu.
    • Nun guardar les distancies establecíes ente pescadores o artes na práutica de l’actividá pesquera.
    • Nes zones llibres, dexar trescurrir más de media hora ensin ceder el so puestu o pozu a un pescador de salmón que lo riquiera, nun siendo que nel trescursu del mentáu plazu se trabara un exemplar.
    • Los demás incumplimientos de les disposiciones de los títulos II y III de la Llei del Principáu d’Asturies 6/2002, de 18 de xunetu, sobre proteición de los ecosistemes acuáticos y de Regulación de la Pesca n’agua continental que nun tean consideraos como infraiciones graves o mui graves.
  2.  Infraiciones graves

    • Pescar ensin llicencia en vixencia o solicitala cuando permedie inhabilitación p’algamala o fora retirada per resolución firme.
    • Pescar en zona baxo réxime de cotu ensin ser titular del permisu reglamentariu.
    • Pescar onde tea torgao facelo.
    • Pescar usando métodos, preseos o artes estremaos de los señalaos como permitíos pol artículu 26 de la Llei del Principáu d’Asturies 6/2002, nun siendo que se trate de cebos o apareyos non permitíos.
    • Pescar cuando permedie resolución firme d’inhabilitación pal exerciciu de la pesca.
    • Pescar fuera de les époques señalaes na normativa añal.
    • Pasar el númberu máximu de captures permitíes.
    • Nun restituyir d’inmediato a l’agua les captures d’exemplares de les especies oxetu de pesca tipu I procedentes de les zones llibres ensin muerte o de los cotos ensin muerte.
    • Cebar l’agua.
    • Repoblar l’agua continental o introducir nella güévares o exemplares d’especies autóctones.
    • Facer les actividaes descrites nes lletres a), b), c) y d) del artículu 13 de la Llei del Principáu d’Asturies 6/2002, ensin autorización o con incumplimientu de les midíes establecíes pa la proteición del ecosistema acuáticu.
    • Camudar, ensin autorización del muérganu competente, la condición natural del agua nos términos descritos nel artículu 10 de la Llei del Principáu d’Asturies 6/2002.
    • Facer obres o instalaciones nes preses que supongan una mayor captación d’agua, cuando nun permedie autorización del muérganu competente pa ello.
    • Estorbar el funcionamientu d’escales o pasos de pexes.
    • Nun caltener en bon estáu de funcionamientu les compuertes de rexa a la entrada o salida de los calces o canales de derivación, o l’ausencia de les mentaes rexes.
    • El tener, tresportar y almacenar exemplares de les especies a que se refier l’artículu 21.1 de la Llei del Principáu d’Asturies 6/2002 ensin la documentación qu’acreíte’l so orixe o destín.
    • La comercialización d’exemplares d’especies piscícoles, nun siendo cuando procedan de centros d’acuicultura nos términos establecíos nel artículu 20 de la Llei del Principáu d’Asturies 6/2002.
    • Causar dañu a los centros ictioxénicos o ictiolóxicos, aparatos d’incubación artificial u otros asemeyaos, cuando tean enderechaos a la fauna autóctono.
    • Destruyir, dañar, valtar o camudar de sitiu los carteles indicadores colocaos nos ríos y mases d’agua pol muérganu competente en materia de pesca fluvial.
    • Negase a mostrar el conteníu de los cestos, morrales, prendes o recipientes, asina como los apareyos emplegaos pa la pesca, cuando permedie requerimientu per parte d’axentes de l’autoridá.
    • Poner pilancos nel llabor inspeutor de los axentes de l’autoridá, cuando actúen nel exerciciu de les sos funciones, n’embarcaciones, vehículos, molinos, fábriques, rules, llocales, obres ya instalaciones a que se refier l’artículu 46.3 de la Llei del Principáu d’Asturies 6/2002 y otres dependencies que nun constituyan vivienda.
  3.  Infraiciones mui graves

    • La captura d’especies de la fauna piscícola faciendo usu d’enerxía llétrico, productos tóxicos o desoxixenantes, naturales o artificiales, y esplosivos o sustancies qu’al contautu col agua fagan esplosión.
    • La construcción d’escales o pasos de pexes o la caltenencia del so funcionamientu ensin axustase a les condiciones establecíes.
    • Nun respetar el caudal mínimu ecolóxicu, nun siendo con autorización del muérganu competente pa ello.
    • Camudar bultablemente’l volume d’agua de los embalses, canales, calces de derivación, asina como la circulante pel fondu de los ríos ensin l’autorización que correspuenda o con incumplimientu de les condiciones fixaes pa ello.
    • Poner pilancos a los axentes de l’autoridá, cuando actúen nel exerciciu de les sos funciones, n’embarcaciones, vehículos, molinos, fábriques, rules, llocales, obres ya instalaciones a que se refier l’artículu 46.3 de la Llei del Principáu d’Asturies 6/2002 y otres dependencies que nun constituyan vivienda.
    • Instalar o treslladar, ensin previa autorización del muérganu competente, estaciones de captura, aparatos d’incubación artificial, capturaderos u otros asemeyaos.
    • Repoblar l’agua continental o introducir nella güévares o exemplares d’especies autóctones.
    • Nun restituyir d’inmediato al agua los exemplares d’especies catalogaes como amenazaes.

Plazu de solicitú

En plazo Tol añu

Cómo solicitalu

Pasu  1:
Iniciar solicitú

Respondémoste por aciu de

1.  Notificación por corréu certificáu con acuse de recibu

La to solicitú va ser tramitada al traviés de

Servicio de Ordenación Pesquera

La to solicitú va ser resuelta por

CONSEJERÍA DE DESARROLLO RURAL, AGROGANADERÍA Y PESCA

Códigu 2003126

Otres formes de tramitación

Como firmar tus solicitudes

 

Compruebe aquí los requisitos para la firma

 

Verifique aquí que su equipo tiene la configuración técnica necesario para la firma en la tramitación de este servicio.

 

De nun tar rexistráu has facelo, too sonventayes. Pues consultar les tos esperiencies y facer los tos trámites dende la web.

Tienes duldes...
012 | Contacta con nós

Información sobre el documento

© Copyright 2006. Gobiernu del Principau d'Asturies