Saltar al conteníu principal

Gobiernu del Principáu d'Asturies

Asturies, muncho más cerca

banda de sede
 

Tas en

Asturias.es Sede Electrónica Servicios y Trámites Salú Denuncies en materia de servicios sociales

2003161-Denuncies en materia de servicios sociales

Tramita al traviés d'Internet

Consiste en

Denunciar les infraiciones derivaes d’incumplir les obligaciones afitaes na Llei del Principáu d’Asturies 1/2003, de 24 de febreru, de Servicios Sociales.

Imprimir

Requisitos

1.

Ser mayor de 18 años.

Imprimir

Precises

  1. Modelu de denuncia.

Interésate saber

  1. Infraiciones leves

    Les aiciones u omisiones siguientes:

    • El cambéu de titularidá de los servicios ensin autorización alministrativa.
    • Caltener los llocales, instalaciones, moblame o equipu con deficiencies nel so estáu, funcionamientu, llimpieza o hixene ensin que se derive d’ello riesgu pa la integridá física o la salú de los usuarios.
    • Dar una asistencia non afayadiza a les persones usuaries, siempre que nun-yos cause perxuicios de calter grave.
    • Toles que constituyan un incumplimientu de les obligaciones o vulneración de les torgues establecíes pola normativa reguladora de les condiciones materiales y funcionales mínimes qu’han cumplir les entidaes, centros o servicios que dean servicios sociales y que nun tean tipificaes espreso na Llei 1/2003, de 24 de febreru, de Servicios Sociales d’Asturies como graves o mui graves, siempre que l’aición u omisión nun ponga en peligru la seguridá o salú de los usuarios.
    • Les cometíes por imprudencia siempre que l’alteración o riesgu pa la salú o seguridá de los usuarios fuera d’escasa entidá.

    Tamién constitúin infraiciones leves los incumplimientos de los deberes inherentes a la condición de persones usuaries de centros o servicios públicos consistentes en:

    • Facer alitar o participar en discutinios o espelliques violentes en perxuiciu de la convivencia.
    • Faltar levemente a la consideración debida a la direición, personal del centru, restu d’usuarios o visitantes.
    • Incumplir les normes que sobre’l réxime de permanencia o continuidá nel centru o serviciu prevea’l Reglamentu de réxime interior que correspuenda sobre permanencia nel centru.
    • Usar de forma non afayadiza les instalaciones, medios y servicios o perturbar les actividaes del mesmu alteriando les normes de convivencia y respetu mutuu.
    • Incumplir les obligaciones recoyíes nel Reglamentu de réxime interior que pola so naturaleza y gravedá nun seyan tipificaes como graves o mui graves.
  2. Infraiciones graves

    Les aiciones u omisiones siguientes:

    • L’apertura y funcionamientu d’un centru o serviciu ensin tener l’autorización alministrativa afayadiza.
    • Facer cambeos sustanciales na estructura física de los edificios o nes sos dependencies, cuando aquélles puedan afeutar a la caltenencia o supresión de l’autorización alministrativa.
    • Caltener los llocales, instalaciones, moblame o equipu con deficiencies nel so estáu, funcionamientu, llimpieza o hixene derivándose d’ello riesgu pa la integridá física o la salú de los usuarios.
    • Dar una asistencia non afayadiza a les persones usuaries con riesgu pa la integridá física o la salú de los usuarios.
    • Poner pilancos al llabor inspeutor de mou que se retrase’l cumplimientu de les obligaciones d’información, comunicación o compaecencia.
    • L’incumplimientu de los requerimientos específicos que formulen les autoridaes, siempre que se produzan per primer vegada.
    • L’alteración engañosa de los aspeutos sustantivos pa conceder l’autorización de los centros o servicios.
    • Poner pilancos o impidir a les persones usuaries de los servicios el disfrute de los derechos reconocíos pola normativa vixente.
    • Falsiar los documentos y datos riquíos pola Alministración. o Incumplir el deber de secretu profesional y confidencialidá no tocante a los datos personales y sanitarios de los usuarios.

    Tamién constitúin infraiciones graves los incumplimientos de los deberes inherentes a la condición de persones usuaries de centros o servicios públicos consistentes en:

    • La reincidencia nes faltes leves.
    • Faltar gravemente a la consideración debida a la direición, personal del centru, restu d’usuarios o visitantes.
    • Ocasionar daños graves nos bienes del centru o perxuicios bultables al desendolque normal de los servicios o a la convivencia del centru.
    • Incumplimientu grave de les normes que sobre’l réxime de permanencia o continuidá nel centru o serviciu prevea’l Reglamentu de réxime interior que correspuenda.
    • Incumplimientu grave de les obligaciones recoyíes, nel so casu, nel Reglamentu de réxime interior que pola so naturaleza y gravedá nun tean tipificaes como mui graves.
  3. Infraiciones mui graves

    Les aiciones u omisiones siguientes:

    • L’apertura y funcionamientu d’un centru o serviciu nun teniendo l’autorización afayadiza con perxuiciu pa la integridá física o la salú de los usuarios.
    • Caltener los llocales, instalaciones, moblame o equipu con deficiencies nel so estáu, funcionamientu, llimpieza o hixene derivándose d’ello perxuiciu pa la integridá física o la salú de los usuarios.
    • Dar una asistencia non afayadiza a les persones usuaries causándo-yos con ello un perxuiciu grave.
    • Poner pilancos al llabor inspeutor por impidir l’accesu al centru o serviciu, resistencia repetida, coaición, amenaces, violencia o cualquier otra forma de presión exercida sobre los inspeutores.
    • Nun salvaguardar el derechu a la intimidá de les persones usuaries.
    • Proporcionar a los usuarios un tratu degradante qu’afeute a la so dignidá.
    • Dar servicios sociales tratando d’ocultar o amazcarar la so naturaleza verdadera al envís d’evitar l’aplicación de la llexislación vixente na materia.

    Tamién constitúin infraiciones mui graves los incumplimientos de los deberes inherentes a la condición de persones usuaries de centros o servicios públicos consistentes en:

    • La reincidencia nes faltes graves.
    • Agresión física o malos tratos hacia la direición, personal del centru, restu d’usuarios o visitantes.
    • Robar bienes del centru, del personal o del restu de residentes o visitantes.
    • Ocasionar daños o perxuicios mui graves nos bienes, instalaciones o nel desendolque normal de los servicios o na convivencia del centru.

Plazu de solicitú

En plazo Tol añu

Cómo solicitalu

Pasu  1:
Fai’l trámite dende equí.

Respondémoste por aciu de

1.  Notificación por corréu certificáu con acuse de recibu

La to solicitú va ser tramitada al traviés de

Servicio de Inspección y Acreditación de Centros

La to solicitú va ser resuelta por

CONSEJERÍA DE SERVICIOS Y DERECHOS SOCIALES

Códigu 2003161

Otres formes de tramitación

Como firmar tus solicitudes

 

Compruebe aquí los requisitos para la firma

 

Verifique aquí que su equipo tiene la configuración técnica necesario para la firma en la tramitación de este servicio.

 

De nun tar rexistráu has facelo, too sonventayes. Pues consultar les tos esperiencies y facer los tos trámites dende la web.

Tienes duldes...
012 | Contacta con nós

Información sobre el documento

© Copyright 2006. Gobiernu del Principau d'Asturies