Saltar al conteníu principal

Gobiernu del Principáu d'Asturies

Asturies, muncho más cerca

banda de sede
 

Tas en

Asturias.es Sede Electrónica Servicios y Trámites Pesca Denuncies en materia de pesca marítima y acuicultura

2003127-Denuncies en materia de pesca marítima y acuicultura

Tramita al traviés d'Internet

Consiste en

Denunciar les infraiciones derivaes d’incumplir les obligaciones afitaes na Llei 2/1993, de 29 d’ochobre, de Pesca Marítima n’agua interior y aprovechamientu de recursos marinos.

Imprimir

Requisitos

1.

Ser mayor de 18 años.

Imprimir

Precises

  1. Modelu de solicitú.

Interésate saber

  1. Infraiciones leves

    • L’exerciciu de l’actividá pesquera o estractiva ensin llevar consigo la llicencia que correspuenda acompañada de documentu acreitativu de la so identidá.
    • L’exerciciu de l’actividá deportiva nun teniendo la llicencia que correspuenda.
    • Nun guardar les distancies establecíes na práutica de l’actividá pesquera.
    • L’usu, polos pescadores non profesionales, de más apareyos de pesca de los reglamentariamente autorizaos.
    • Prindar o sacar especies en pesu individual o conxuntu mayor del autorizáu hasta’l tope que s’estableza pa la so consideración como falta grave, o nun dar al escesu’l destín establecíu. 
    • Prauticar la pesca submarina ensin la boya baliza de señalización.
  2. Infraiciones graves

    • L’exerciciu de l’actividá profesional, pesquera o estractiva, nun teniendo la llicencia que correspuenda. o Facilitar l’usu de la llicencia personal a terceros. 
    • Tener mayor potencia de motores que la máxima autorizada na embarcación que s’use pa exercer l’actividá.
    • Emplegar artes, apareyos u otros medios non autorizaos reglamentariamente, asina como la tenencia a bordu d’apareyos o artes torgaos o con mayes antirreglamentaries.
    • Usar o tener a bordu artes o apareyos estremaos d’aquellos pa los que ta censada la embarcación, nun siendo relevante qu’aquellos seyan reglamentarios.
    • La tenencia a bordu d’una determinada arte nes zones nes que tea torgáu l’usu de la mesma.
    • La tenencia polos pescadores deportivos d’artes, apareyos u otros medios cuando’l so usu nun-yos tea autorizáu reglamentariamente.
    • L’usu d’equipos de bucéu autónomo o semiautónomo y d’elementos non autorizaos na práutica de la pesca submarina o’l marisquéu, o la so simple tenencia a bordu na embarcación pela actividá.
    • Prinde de moluscos, crustáceos y equinodermos per aciu de bucéu. o Impidir o poner pilancos a l’actividá pesquera o estractiva.
    • Facer l’actividá pesquera o estractiva n’époques y zones vedaes o torgaes.
    • Facer l’actividá pesquera o estractiva en zones restrinxíes, cuando nun se respeten los topes establecíos pa les mesmes.
    • Facer prindes cuando’l pesu pase del autorizáu reglamentariamente. Nel casu de los pescadores deportivos nun se contabiliza l’escesu de la pieza mayor.
    • El prinde, conservación a bordu, usu como cebu, tresbordu, desembarcu, almacenamientu y tresporte, asina como la tenencia, cesión a terceros, esposición a la venta y venta d’exemplares perbaxo de les talles mínimes establecíes, siempre que nun procedan d’establecimientos de cultivos marinos, teniendo que tar nesti casu documentada apode la so comercialización. Tamién se salva’l cebu vivo pa la pesca de túnidos, siempre y cuando se cumpla la normativa aplicable vixente.
    • El prinde, conservación a bordu, usu como cebu, tresbordu y desembarcu, almacenamientu y tresporte, asina como la cesión a terceros, esposición a la venta y venta d’exemplares de femes con güévares d’especies autóctones de crustáceos, nun siendo que tuvieran autorizaos espreso los sos prindes por dalgún de los planes esperimentales previstos nel art. 7.
    • El prinde, conservación a bordu, usu como cebu, tresbordu y desembarcu d’especies suxetes a veda pel periodu de vixencia de la mesma.
    • La tenencia, cesión a terceros, esposición a la venta, venta, almacenamientu y tresporte de les especies suxetes a veda, pel periodu de vixencia de la mesma, a nun ser que s’acreíte documentalmente que la so procedencia ye d’establecimientos d’estabulación d’especies marines vives o de cultivos marinos.
    • La venta o cambéu de los productos algamaos cola actividá estractiva cuando’l tresmitente nun tenga la llicencia profesional de pesca.
    • La comercialización fuera de rula o sitiu autorizáu de los prindes o productos sacaos y el so desembarcu en sitios non autorizaos.
    • La tenencia, almacenamientu y tresporte d’especies marines ensin tar en posesión de la documentación que correspuenda qu’acreíte l’orixe, destín y pesu de les mesmes.
    • El cambéu d’especies o cultivos n’establecimientos de cultivos marinos o d’estabulación d’especies marines vives, ensin l’autorización afayadiza.
    • L’incumplimientu de les normes de control de la producción y venta de los establecimientos de cultivos marinos o d’estabulación d’especies marines vives.
    • La desobediencia o resistencia a l’autoridá o a los sos delegaos.
    • En xeneral, cualquier otra conducta que direuta o indireutamente vulnere lo establecío na Llei 2/1993, de 29 d’ochobre, de pesca marítima n’agua interior y aprovechamientu de recursos marinos, o nos reglamentos y otres normes que s’aprueben pa la so aplicación, nun siendo que nel espediente sancionador quede acreitada la poca importancia y repercusión de l’aición a sancionar, nesi casu aplícase a ésta’l réxime de les infraiciones leves.
  3. Infraiciones mui graves

    • La instalación d’establecimientos de cultivos marinos o d’estabulación d’especies marines vives ensin contar cola concesión o autorización afayadiza.
    • L’emplegu d’esplosivos, sustancies venenoses, corrosives o contaminantes o la so simple tenencia na actividá pesquera o estractiva.
    • L’usu d’artes o métodos d’arrastre.
    • La introducción d’especies n’agua de la Comunidá Autónoma del Principáu d’Asturies ensin cumplir los requisitos que se determinen reglamentariamente .
    • L’estrozu o destrucción del entornu marín nel exerciciu de l’actividá pesquera o estractiva, cuando suponga daños graves pa la flora o la fauna.
    •  Les previstes específicamente na presente Llei, asina como na llexislación supletoria vixente, como infraiciones mui graves.

     

Plazu de solicitú

En plazo Tol añu

Cómo solicitalu

Pasu  1:
Iniciar solicitú

Respondémoste por aciu de

1.  Notificación por corréu certificáu con acuse de recibu

La to solicitú va ser tramitada al traviés de

Servicio de Estructuras Pesqueras

La to solicitú va ser resuelta por

CONSEJERÍA DE DESARROLLO RURAL Y RECURSOS NATURALES

Códigu 2003127

Otres formes de tramitación

Como firmar tus solicitudes

 

Compruebe aquí los requisitos para la firma

 

Verifique aquí que su equipo tiene la configuración técnica necesario para la firma en la tramitación de este servicio.

 

De nun tar rexistráu has facelo, too sonventayes. Pues consultar les tos esperiencies y facer los tos trámites dende la web.

Tienes duldes...
012 | Contacta con nós

Información sobre el documento

© Copyright 2006. Gobiernu del Principau d'Asturies