Saltar al contenido principal

Gobierno del Principado de Asturias

Asturias, mucho más cerca

banda de sede
 

Estás en

Asturias.es Sede Electrónica BOPA y Legislación Resultados Buscador BOPA

Consulta de una disposición

Disposición anterior | Disposición siguiente


Boletín Nº 249 del lunes 30 de diciembre de 2019

OTRAS DISPOSICIONES

CONSEYERÍA DE CULTURA, POLÍTICA LLINGÜÍSTICA Y TURISMU

Resolución de 20 d’avientu de 2019, de la Conseyería de Cultura, Política Llingüística y Turismu, pola que se conceden y denieguen subvenciones pa la promoción del llibru n’asturianu y en gallego-asturianu, en réxime de concurrencia competitiva.

Tramitáu l’espediente correspondiente de convocatoria de subvenciones pa la promoción del llibru n’asturianu y en gallego-asturianu, en réxime de concurrencia competitiva, resulten estos

Antecedentes de fechu

Primero.—Por Resolución de la Conseyería d’Educación y Cultura de 26 de mayu de 2016 (BOPA de 13 de xunu de 2016) aprobáronse les bases reguladores de subvenciones pa la promoción del llibru n’asturianu y en gallego-asturianu.

Segundo.—Por Resolución de 22 de febreru de 2018 de la Conseyería d’Educación y Cultura (BOPA de 5 de marzu de 2018) apruébase’l plan estratéxicu de subvenciones pa los exercicios 2018 y 2019, que nel so anexu I incluye la llinia de subvenciones pa la promoción del llibru n’asturianu y gallego-asturianu.

Tercero.—Por Resolución de 8 de mayu de 2019, de la Conseyería d’Educación y Cultura (publicación del estractu de la Resolución BOPA de 28 de mayu de 2019), convocáronse les subvenciones pa la promoción del llibru n’asturianu y gallego-asturianu, en réxime de concurrencia competitiva.

Cuarto.—Tramitaos los espedientes d’alcuerdu colo dispuesto na base XI de la Resolución de la Conseyería d’Educación y Cultura de 13 de mayu de 2016, la Comisión de Valoración (designada por Resolución de fecha 24 d’ochobre de 2019) na so reunión del día 4 d’avientu de 2019 emite informe de la evaluación y valoración de les solicitúes presentaes, llevantándose l’acta correspondiente.

Quinto.—La Dirección Xeneral de Política Llingüística, a la vista del acta onde se recueye l’informe-evaluación de la Comisión sobre los espedientes, formula esta propuesta de resolución definitiva de concesión de subvenciones.

Sesto.—Existe creitu afayadizo y abondo na aplicación presupuestaria 18.04.422R.472.018 del presupuestu de gastos vixente y aprobóse’l correspondiente espediente de gastu pa la financiación del gastu de la convocatoria (N.u d’espte. del documentu contable A 1800009941).

Séptimo.—Los beneficiarios, en cumplimientu de lo previsto na Llei 38/2003, de 17 de payares, Xeneral de Subvenciones, acreitaron tar al corriente nel cumplimientu de les sos obligaciones tributaries y frente a la Seguridá Social, y cumplir los demás requisitos y obligaciones recoyíes nes bases reguladores y na convocatoria correspondiente.

Octavo.—D’alcuerdu colo dispuesto na Resolución de 16 de mayu del 2005, de la Conseyería d’Economía y Alministración Pública, pola que s’establez el sistema d’información contable de l’Alministración del Principáu d’Asturies y el so sector públicu, y apruébense les normes sobre los procedimientos de xestión, tramitación y réxime de contabilidá na execución del presupuestu de gastos, la Intervención Delegada emitió’l correspondiente informe fiscal favorable.

Noveno.—Por Resolución del 29 de payares de 2019, de la Conseyería de Cultura, Política Llingüística y Turismu, amplíase’l plazu de resolución de la convocatoria de subvenciones pa la promoción del llibru n’asturianu y gallego-asturianu, en réxime de concurrencia competitiva (BOPA 13-12-2019).

A los fechos son-y d’aplicación estos

Fundamentos de derechu

Primero.—L’artículu 38, apartáu i), de la Llei 6/1984, de 5 de xunetu, del Presidente y del Conseyu de Gobiernu, l’artículu 21, párrafu 4 de la Llei 2/1995, de 13 de marzu, sobre Réxime Xurídicu de l’Alministración del Principáu d’Asturies, y l’artículu 5 del Decretu 6/2015, del 28 de xunetu, del Presidente del Principáu, de reestructuración de les Conseyeríes qu’integren l’Alministración de la Comunidá Autónoma, tocante a la determinación de les competencies y facultaes de la Ilmu. Sra. Conseyera de Cultura, Política Llingüística y Turismu p’adoptar esta resolución, y n’especial, lo previsto nel artículu 3 del Decretu 71/92, del 29 d’ochobre, pol que se regula’l réxime xeneral de concesión de subvenciones, que señala que los titulares de les Conseyeríes son los órganos competentes pa otorgar les subvenciones y ayudes dientro del ámbitu de la so competencia, previa consignación presupuestaria pa esti fin.

Segundo.—La competencia pa disponer el gastu correspuende al titular de la Conseyería de Cultura, Política Llingüística y Turismu d’acordies colo dispuesto nos artículos 8 y 41 de la Llei de Réxime Económicu y Presupuestariu del Principáu d’Asturies, testu refundíu aprobáu por Decretu Llexislativu 2/1998, del 25 de xunu y l’artículu 7.1 de la Llei del Principáu d’Asturies 14/2018, de 28 d’avientu, de Presupuestos Xenerales pal 2019.

Tercero.—Ye-y d’aplicación lo dispuesto nos artículos 24 a 27 de la Llei 38/2003, de 17 de payares, Xeneral de Subvenciones, mesmo que lo establecío nel Decretu 71/1992, del 29 d’ochobre, sobre réxime xeneral de concesión de subvenciones, modificáu parcialmente pol Decretu 14/2000, de 10 de febreru, no que se refier a la forma de concesión de subvenciones; amás de lo previsto nes bases reguladores aprobaes por Resolución de fecha 26 de mayu de 2016.

Cuarto.—Amás, son d’aplicación l’artículu 30 de la Llei 38/2003 y los artículos 11 y 12 del Decretu 71/1992, del 29 d’ochobre, sobre réxime xeneral de concesión de subvenciones, modificáu parcialmente pol Decretu 14/2000, de 10 de febreru, tocante a la xustificación y pagu de les subvenciones; amás de lo previsto na Instrucción del Conseyeru d’Economía sobre documentos presentaos pal pagu de subvenciones concedíes pola Alministración del Principáu d’Asturies, publicada por Resolución del 22 d’avientu de 1997, de la Conseyería d’Economía.

Vistos los preceptos llegales mentaos y demás d’aplicación xeneral, na so virtú

RESUELVO

Primero.—Disponer el gastu y conceder subvenciones, por un importe global de 75.043,83 euros (setenta y cinco mil cuarenta y tres euros con ochenta y tres céntimos), con cargu a l’aplicación presupuestaria 18.04.422R.472.018, de los Presupuestos Xenerales del Principáu d’Asturies pal exerciciu 2019, a los beneficiarios, y pa los proyectos, rellacionados de siguío:

Ver anuncio en PDF para consultar la tabla

Segundo.—Denegar subvenciones a los peticionarios que se rellacionen de siguío poles razones y causes que s’indiquen:

Ver anuncio en PDF para consultar la tabla

Tercero.—Inadmitir les solicitúes que se rellacionen de siguío poles razones que s’indiquen:

Ver anuncio en PDF para consultar la tabla

Cuarto.—Tener por desistíos de la so solicitú a los peticionarios siguientes y nos proyectos que se rellacionen:

Ver anuncio en PDF para consultar la tabla

Quinto.—Quien obtuvieren la subvención van tener la obligación de xustificar na forma y plazos previstos nesta resolución de concesión y na convocatoria, el cumplimientu de la finalidá que motivó la so concesión, amás de l’aplicación de los fondos recibíos y d’alcuerdu, en tou casu, colo previsto n’artículu 30 de la Llei 38/2003, de 17 de payares, Xeneral de Subvenciones.

Los beneficiarios van tener la obligación de xustificar la totalidá de los gastos del presupuestu aprobáu, non solo la parte correspondiente a l’ayuda recibida.

La xustificación de les subvenciones va realizase pol sistema de cuenta xustificativa, que va tener el conteníu establecíu na base XIV de la Resolución de 26 de mayu del 2016 (BOPA de 13 de xunu de 2016), alvirtiéndose que namás se va considerar gastu xustificable’l satisfechu (pagu) efectivamente a la fecha tope de xustificación. La llista clasificada de gastos y inversiones de l’actividá ha presentase según modelu anexu II de la convocatoria (Resolución de 8 de mayu de 2019, que’l so estractu publicóse en BOPA de fecha 28 de mayu de 2019).

El plazu máximu pa la xustificación de les ayudes concedíes va ser de 10 meses cuntaos de magar la fecha de publicación de la resolución de concesión en BOPA.

Sesto.—Estes subvenciones van pagase automáticamente a la firma de la resolución de la concesión pola Ilmu. conseyera de Cultura, Política Llingüística y Turismu. Esto ye, van ser pagaes con calter antemanáu a la xustificación del cumplimientu de la finalidá pa la que se concedió la subvención, ensin que seya esixible la presentación de garantía, d’alcuerdu colo dispuesto n’artículu 12 del Decretu 71/1992, de 29 d’ochobre, que regula’l Reglamentu Xeneral de Concesión de Subvenciones, nos términos de les Resoluciones de la Conseyería de Facienda de fecha 19 de marzu y 30 de xunetu del 2001 de modificación de la Resolución de fecha 11 de febreru del 2000, poles que se regula’l Réxime de Garantíes pal Abonu Antemanáu de Subvenciones.

De toles maneres, el pagu antemanáu de la subvención nun quita de la obligación d’acreitar en plazu’l cumplimientu de les condiciones establecíes na resolución de concesión.

Séptimo.—La concesión d’estes subvenciones va ser compatible cola percepción d’otres subvenciones, ayudes, ingresos o recursos pa la mesma finalidá, procedentes de cualquier Alministración o entes públicos, o fondos procedentes de la Unión Europea o d’organismos internacionales. Sicasí, en casu nengún la cantidá, aisladamente o en concurrencia con otres subvenciones, va poder superar el costu total del proyectu.

Octavo.—Los beneficiarios comprométense, amás, a citar espresamente que l’actividá atópase subvencionada pola Conseyería de Cultura, Política Llingüística y Turismu en cuanta publicidá y difusión s’efectúe de l’actividá a la que se destina la subvención.

Noveno.—Ordenar la publicación d’esta Resolución en Boletín Oficial del Principáu d’Asturies.

Contra esta resolución, qu’acaba la vía administrativa, puede interponese recursu contencioso-alministrativu ante la Sala de lo Contencioso-Alministrativo del Tribunal Superior de Xusticia del Principáu d’Asturies, nel plazu de dos meses de magar el día siguiente al de la so notificación, ensin perxuiciu de cualquier otru recursu que-yos paeza procedente interponer en defensa de los sos intereses.

Oviedo/Uviéu, a 20 d’avientu de 2019.—La Conseyera de Cultura, Política Llingüística y Turismu, Berta Piñán Suárez.—Cód. 2019-13673.

Disposición anterior | Disposición siguiente

Información sobre el documento

© Copyright 2006. Gobierno del Principado de Asturias