Saltar al contenido principal

Gobierno del Principado de Asturias

Asturias, mucho más cerca

banda de sede
 

Estás en

Asturias.es Sede Electrónica BOPA y Legislación Resultados Buscador BOPA

Consulta de una disposición

Disposición anterior | Disposición siguiente


Boletín Nº 300 del lunes 30 de diciembre de 2013

OTRAS DISPOSICIONES

CONSEYERÍA D’EDUCACIÓN, CULTURA Y DEPORTE

Resolución de 17 d’avientu de 2013, de la Conseyería d’Educación, Cultura y Deporte, pola que se concede’l Premiu «Xuan María Acebal» de Poesía en llingua asturiana, na so decimonovena edición.

Fechos

Primero.—Por Resolución d’esta Conseyería de fecha de 5 de marzu del 2009 (BOPA del 27 de marzu del 2009) aprobáronse les bases reguladores de los premios lliterarios n’asturianu y por Resolución de 9 d’abril del 2013 (BOPA del 23 d’abril del 2013) convocóse la decimonovena edición del Premiu «Xuan María Acebal» de Poesía en llingua asturiana con una dotación de 3.000 € (tres mil euros).

Segundo.—Con fecha de 20 de payares del 2013 el Xuráu, designáu por Resolución de fecha 8 d’ochobre del 2013, propón la concesión del Premiu «Xuan María Acebal», na so decimonovena edición a favor de la obra Superficie del silenciu, de Ricardo Candás Huerta, presentada col alcuñu “Oswaldo” acordies cola motivación que consta nel acta: “la solidez d’una obra unitaria que crea una atmósfera de sensaciones alredor de la memoria, el destín y el presente, estableciendo un diálogu ente la voz y el silenciu”.

Tercero.—La persona beneficiaria acreditó nun tar incursa nes prohibiciones p’algamar la condición de beneficiariu y de tar al corriente de les obligaciones tributaries y cola Seguridá Social, mesmo que nun ser deudor de la Facienda del Principáu d’Asturies por deudes vencíes, líquides y esixentes con anterioridá a dictase la propuesta de resolución de concesión del premiu, conforme a lo previsto nos artículos 13 y 14 e) de la Llei 38/2003, de 17 de payares, Xeneral de Subvenciones.

Cuarto.—La Intervención Delegada, en fecha 17 d’avientu del 2013, emitió’l correspondiente informe fiscal favorable.

A estos fechos aplíquensen-yos estos

Fundamentos de derechu

Primero.—L’artículu 3 del Decretu 71/92, de 29 d’ochobre, que regula’l réxime xeneral de subvenciones, en rellación col artículu 38 de la Llei 6/1984, de 5 de xunetu, del Presidente y del Conseyu de Gobiernu, l’artículu 5 del Decretu 4/2012, de 26 de mayu, de Reestructuración de les Conseyeríes qu’integren l’Alministración de la Comunidá Autónoma, no tocante a la determinación de les competencies y facultaes de la Ilma. Sra. Conseyera d’Educación, Cultura y Deporte p’adoptar la presente resolución, mesmo que l’artículu 10 de la Llei 2/1995, de 13 de marzu, sobre Réxime Xurídicu de l’Alministración del Principáu d’Asturies; too ello no tocante a la determinación de les competencies y facultaes p’adoptar la presente Resolución.

Segundo.—L’artículu 41 del Testu Refundíu del Réxime Económicu y Presupuestariu del Principáu d’Asturies, aprobáu por Decretu Llexislativu 2/1998, de 25 de xunu, respecto a la competencia que correspuende a los titulares de les Conseyeríes p’autorizar y disponer los gastos propios de los servicios del so cargu y de los qu’estableza la Llei de Presupuestos Xenerales de cada exerciciu o, nel so defectu, la del exerciciu anterior, hasta la cuantía ellí marcada.

Vistos los preceptos llegales citaos y demás de xeneral aplicación, pola presente elévase la siguiente

RESOLUCIÓN

Primero.—Conceder el Premiu «Xuan María Acebal» de Poesía en llingua asturiana, na so decimonovena edición y correspondiente al añu 2013, a D. Ricardo Candás Huerta, DNI 10.903.069B, pol trabayu tituláu Superficie del silenciu. El premiu tien una dotación de 3.000 € (tres mil euros) y ta suxetu a los impuestos y retenciones que marca la llei.

Segundo.—Disponer el gastu a favor de la persona premiada pol importe mentáu nel apartáu anterior, con cargu al conceptu 14.04.422R.482.062 de los Presupuestos Xenerales del Principáu d’Asturies pal 2013.

Tercero.—El pagu va facese acordies colo previsto na Base 7.ª de la Resolución de 5 de marzu del 2009, pola que s’aprueben les bases de los premios lliterarios en llingua asturiana.

Cuarto.—Ordenar la publicación d’esta Resolución nel Boletín Oficial del Principáu d’Asturies.

Quinto.—Esta Resolución pon fin a la vía alministrativa y va poder ser recurrida potestativamente en reposición, énte la Ilma. Sra. Conseyera d’Educación, Cultura y Deporte, nel plazu d’un mes contáu dende’l día siguiente al de la recepción de la so notificación; o ser directamente impugnada énte la Sala de lo Contencioso-Alministrativo del Tribunal Superior de Xusticia del Principáu d’Asturies, nel plazu de dos meses contaos dende la recepción de la so notificación, ensin perxuiciu nengún de que los interesaos puedan facer usu de cualesquier otru recursu que consideren na defensa de los sos intereses.

Oviedo, a 17 d’avientu del 2013.—La Conseyera d’Educación, Cultura y Deporte, Ana González Rodríguez.—Cód. 2013-23574.

Disposición anterior | Disposición siguiente

Información sobre el documento

© Copyright 2006. Gobierno del Principado de Asturias