Saltar al contenido principal

Gobierno del Principado de Asturias

Asturias, mucho más cerca

banda de sede
 

Estás en

Asturias.es Sede Electrónica BOPA y Legislación Resultados Buscador BOPA

Consulta de una disposición

Disposición anterior | Disposición siguiente


Boletín Nº 63 del sábado 16 de marzo de 2002

OTRAS DISPOSICIONES

CONSEJERIA DE EDUCACION Y CULTURA

La Conseyería d'Educación y Cultura, nel marcu de lo dispuesto nel Estatutu d'Autonomía del Principáu d'Asturies y na Llei 1/98, del 23 de marzu, d'usu y promoción del bable/asturianu, vien dedicando una atención especial a la lliteratura asturiano pola so importancia nel marcu xeneral de la promoción del bable/asturianu y pola so contribución fundamental al prestixu y relevancia de la nuestra llingua. Anguaño paez necesario dar un pasu más nel procesu de promoción y consolidación de la lliteratura asturiano, abriendo calces nuevos pa enanchar el círculu de llectores y l'ámbitu de difusión d'ello, de manera tala que se puea conocer fuera d'Asturies y de los llectores en bable/asturianu, mediante la presente convocatoria de subvenciones a empreses editoriales pal fomentu de la traducción y edición n'otres llingües d'obres asturianes.

Vistos la Llei 6/84, del 5 de xunetu, del Presidente y del Conseyu de Gobiernu del Principáu d'Asturies; el Decretu Llexislativu 2/98, del 25 de xunu, pol que s'aprueba'l testu refundíu del Réxime Económicu y Presupuestariu; el Decretu 71/92, del 29 d'ochobre, pol que se regula'l réxime de concesión de subvenciones modificáu pol Decretu 14/2000, del 10 de febreru, y la Llei del Principáu d'Asturies 13/2001, del 28 d'avientu, de Presupuestos Xenerales pal 2002.

Considerando: Que nel art. 6 del Decretu 71/92 ye determinao que les ayudes que se dean con cargu a dotaciones non nomaes, globales o xenériques que figuren nos Presupuestos Xenerales del Principáu d'Asturies van dase d'alcuerdu colos principios de publicidá, concurrencia y oxetividá.

Por too ello, nel usu de les facultaes daes a mi, pol artículu 21.4 de la Llei 2/95, del 13 de marzu, sobre Réxime Xurídicu de l'Alministración del Principáu d'Asturies, y de conformidá col artículu 38 de la Llei 6/84, del 5 de xunetu, del Presidente y del Conseyu de Gobiernu del Principáu d'Asturies.

RESUELVO

Primero.— Alcordar la convocatoria subvenciones pal fomentu de la traducción y de la edición n'otres llingües d'obres espublizaes orixinariamente en bable/asturianu.

Segundo.— Autorizar el gastu correspondiente, por importe de venticuatro mil cuarenta y un euros (24.041 E) con cargu al conceptu 15.02.422R.772.02 (proyectu 1997-03052) de los Presupuestos Xenerales del Principáu d'Asturies pal 2002.

Tercero.— Aprobar les bases que van rixir la mentada convocatoria y el modelu de solicitú, que s'axunten como Anexos a esta Resolución.

Cuarto.— Contra esta Resolución podrá interponese recursu de súplica énte'l Conseyu de Gobiernu nel plazu d'un mes contando dende la publicación d'esta Resolución nel BOLETIN OFICIAL del Principáu d'Asturies, ensin perxuiciu de que, d'entendelo oportuno, s'interponga cualisquier otru qu'a xuiciu de les entidaes interesaes seya más afechisco pa la defensa de los sos derechos y intereses.

En Oviedo, a 21 de febrero de 2002.— El Conseyeru d'Educación y Cultura.—3.167.

Anexu I

CONVOCATORIA DE SUBVENCIONES PAL FOMENTU DE LA TRADUCCION Y DE LA EDICION N'OTRES LLINGÜES D'OBRES ESPUBLIZAES ORIXINARIAMENTE EN BABLE/ASTURIANU

Bases

Primera.— Oxetu.

L'oxetu d'esta convocatoria ye la concesión d'ayudes a la traducción y edición n'otres llingües d'obres espublizaes orixinariamente en bable/asturianu.

Nun van ser subvencionables los gastos xeneraos por equipamientu.

Esclúyense d'esta convocatoria les empreses que puean acoyese a otres ayudes d'ésta o d'otres Conseyeríes por tener convocatoria específica.

El conteníu d'esta convocatoria ha considerase estensivu al gallego-asturiano, nos términos previstos na disposición adicional de la Llei 1/98, del 23 de marzu, d'usu y promoción del bable/asturianu.

Segunda.—Requisitos.

Van poder solicitar estes ayudes les empreses editoriales que se comprometan a traducir y editar n'otres llingües obres orixinales publicaes en bable/asturianu con una tirada mínima de 500 exemplares y con una estensión que nun seya inferior a 50 páxines, quitando en llibros infantiles y xuveniles.

Queden escluyíos de l'ayuda los llibros enteros recortables, de pegatines, d'exercicios, de coloriar y pintar, álbunes, partitures musicales, etc. y en xeneral los llibros ensin testu.

Tercera.—Cuantía.

Les ayudes, por importe total de venticuatro mil cuarenta y un euros (24.041 E), financiaránse con cargu al conceptu 15.02.422R.772.02 (proyectu 1997-03052) de los Presupuestos Xenerales del Principáu d'Asturies pal añu 2002. Les subvenciones tendrán consideración d'ayudes pa la realización de los proyectos seleccionaos aparte del costu de so.

L'importe de la subvención o de l'ayuda en nengún casu podrá ser d'una cuantía que, sola o en concurrencia con subvenciones o ayudes d'otres Alministraciones o d'otros entes públicos o privaos, iguale o supere'l costu total de l'actividá que va desenrollar la entidá.

Cuarta.—Comisión de valoración.

Una Comisión de valoración, nomada pol Conseyeru d'Educación y Cultura, depués d'esaminar les solicitúes y entrevistase coles persones solicitantes, si lo cree oportuno, estudiará y evaluará los proyectos. Esta Comisión tará presidida pola Directora Xeneral de Cultura, o por una persona en quien delegue, y integrada por un mínimu de trés y un máximu de cinco persones rellacionaes cola materia oxetu de la convocatoria, procurándose la participación de les principales entidaes culturales, especialmente la Universidá d'Uviéu y l'Academia de la Llingua Asturiana. Actuará como Secretariu/a personal adscrito a la Dirección Xeneral de Cultura.

La Comisión ha presentar propuesta al Conseyeru d'Educación y Cultura, que resolverá la convocatoria.

Quinta.— Criterios pa l'axudicación.

La Comisión evaluará los proyectos que se presenten atendiendo a los criterios que siguen darréu: valir lliterariu y cultural de la obra que se quier traducir y editar, calidá y corrección de la muestra traducida, trayectoria del traductor/a, característiques técniques de la edición y capacidá de difusión de la editorial solicitante.

En tou casu, van ser prioritarios los proyectos de traducción y edición a llingües de máxima difusión y los presentaos por editoriales con un catálogu más completu y una mayor distribución comercial.

A les obres seleccionaes pola Comisión aplicaráse-yos el baremu axuntu pa calcular la cuantía de la subvención.

Nel casu de proyectos d'interés nos que s'aprecien deficiencies técniques, la Conseyería d'Educación y Cultura podrá proponer modificaciones nellos, dependiendo la concesión d'ayudes a la so aceptación.

Les ayudes podrán ser declaraes desiertes.

Sesta.—Presentación de solicitúes.

Les solicitúes, cumplimentaes según el modelu oficial (Anexu III), han presentase nel Rexistru de la Conseyería d'Educación y Cultura o al traviés de los sistemes establecíos nel artículu 38.4 de la Llei de Réxime Xurídicu de les Alministraciones Públiques y de Procedimientu Alministrativu Común nel plazu de 30 díes naturales contando a partir d'al otru día de la publicación d'esta convocatoria en BOLETIN OFICIAL del Principado de Asturias. Si, nel usu d'esti derechu, l'espediente ye remitíu per corréu, tendrá que ser presentáu nun sobre abiertu pa que la solicitú seya fechada y sellada pol personal de correos enantes de que se faiga la so certificación.

La solicitú dirá acompañada de los documentos que vienen darréu, y que se presentarán acompañaos de la traducción lliteral al castellanu o al bable/asturianu, nel casu de documentos escritos n'otres llingües.

Si ye una empresa individual:

a) Fotocopia del D.N.I., del alta y del últimu recibu del IAE o documentos equivalentes conforme la llexislación vixente del so país.

b) Documentu acreditativu del alta na Seguridá Social o equivalente nel casu de editoriales estranxeres.

c) Catálogu editorial y ámbitu y puntos de distribución comercial.

d) Memoria del proyectu pal que se solicita ayuda y que tien d'incluyir los datos siguientes:

• Títulu, autor/a y tipu d'obra (apurriendo un exemplar de la obra orixinal asturiana pa la que se solicita subvención)

• Característiques técniques (formatu, papel cubierta y interior, tintes, encuadernación, etc.) tirada, númberu de páxines que va tener el llibru editáu.

• Muestra de cinco folios de la obra traducida a la llingua correspondiente y una reseña curtia de la trayectoria del traductor/a.

e) Presupuestu desglosáu por partíes de gastos de l'actividá pa la que se solicita ayuda.

f) Rellación de solicitúes d'ayuda cursaes a otros muérganos públicos o entidaes pal desenrollu de l'actividá y, nel so casu, importe de les ayudes daes.

g) Declaración responsable de que la entidá ta al día de les sos obligaciones tributaries y del pagu de les cotizaciones a la Seguridá Social, de nun nun ser deudora de la Facienda del Estáu y del Principáu d'Asturies y de tener xustificaes les subvenciones y ayudes concedíes anteriormente pola Comunidá Autónoma, o documentos equivalentes conforme la llexislación vixente del so país.

Si ye una entidá xurídica:

a) Fotocopia del C.I.F., escritura de constitución y les sos modificaciones, d'habeles, y D.N.I. del so representante o documentos equivalentes conforme la lexislación vixente del so país.

b) Documentu acreditativu del alta na Seguridá Social o equivalente nel casu de editoriales estranxeres.

c) Catálogu editorial y ámbitu y puntos de distribución comercial.

d) Memoria del proyectu pal que se solicita ayuda y que tien d'incluyir los datos siguientes:

• Títulu, autor/a y tipu d'obra (apurriendo un exemplar de la obra orixinal asturiana pa la que se solicita subvención).

• Característiques técniques (formatu, papel cubierta y interior, tintes, encuadernación, etc.) tirada, númberu de páxines que va tener el llibru editáu.

• Muestra de cinco folios de la obra traducida a la llingua correspondiente y breve reseña de la trayectoria del traductor/a.

e) Presupuestu desglosáu por partíes de gastos de l'actividá pa la que se solicita ayuda.

f) Rellación de solicitúes d'ayuda cursaes a otros muérganos públicos o entidaes pal desendolcu de l'actividá y, nel so casu, importe de les ayudes concedíes.

g) Declaración responsable de que la entidá ta al día de les sos obligaciones tributaries y del pagu de cotizaciones a la Seguridá Social, de nun ser deudora de la Facienda del Estáu y del Principáu d'Asturies y de tener xustificaes les subvenciones y ayudes concedíes anteriormente pola Comunidá Autónoma, o documentos equivalentes conforme la lexislación vixente del so país.

Séptima.— Subsanación y meyora de la solicitú.

Si la solicitú nun tuviere acompañada de los documentos o datos desixíos requeriráse a la entidá solicitante pa que, nel plazu de diez díes, igüe'l defectu con avisu de que, si nun lo fae asina habrá considerase que desiste na pitición, previa resolución que tendrá de ser dictada.

Octava.—Plazu pa resolver.

La Comisión de valoración estudiará les solicitúes presentaes y propondrá al titular de la Conseyería la concesión d'ayudes nel plazu máximu de trés meses a partir de la fecha llímite de presentación de solicitúes. La Resolución dando les subvenciones dictaráse nel plazu de quince díes y espublizaráse en BOLETIN OFICIAL del Principado de Asturias colo que se considerará notificada a les entidaes interesaes.

Novena.—Xustificación de la subvención.

L'últimu día pa la xustificación de l'ayuda dada será'l 21 de payares del 2002 per aciu de la presentación de los documentos siguientes, que se presentarán igualmente acompañaos de traducción lliteral al castellanu o al bable/asturianu, nel casu de documentos escritos n'otres llingües:

a) Escritu esplicativu del desenrollu de l'actividá fecha, axuntando 25 exemplares de la obra editada.

b) Orixinales de les factures de los gastos xeneraos pol procesu de ellaboracion del llibru. Les factures tendrán de tar despachaes nel añu 2002 y aunir estos requisitos: nome, razón social y N.I.F. o C.I.F. de quien despache la factura, y I.V.A (si procede); nome, dirección y N.I.F. o C.I.F de quien merca; el productu vendíu o'l serviciu emprestáu; fecha y númberu de factura.

—Los xustificantes han presentase, necesariamente, rellacionaos por obra, ordenaos cronolóxicamente y sumando'l gastu por cada una.

—Si ye mester la devolución de les factures o documentos orixinales hai que lo solicitar per escrito y axuntar a los orixinales les fotocopies correspondientes pa que se devuelvan, en siendo dilixenciaes pol serviciu correspondiente, según Instrucción de la Conseyería de Facienda sobre devolución de documentos presentaos pal pagu de les subvenciones concedíes pola Alministración del Principáu d'Asturies.

c) Certificáu del muérganu correspondiente qu'acredite tar al día de les obligaciones tributaries y cola Seguridá Social, descargando d'esta obligación cuando la cuantía de la subvención, por beneficiariu y añu, nun pase de 3.005,06 E, tal y como s'establez nel artículu 10.3 d) del Decretu 71/92, del 29 d'ochobre, que regula'l Réxime Xeneral de Concesión de Subvenciones.

Décima.— Pagu de la subvención.

El pagu de les subvenviones fadráse efectivu tres la xustificación na forma establecida na base novena.

Nun xustificar la subvención dientro del plazu marcáu orixinará, automáticamente, la perda del derechu al cobru.

Decimoprimera.— Obligaciones del beneficiariu/a.

Son obligaciones del beneficiariu/a.

a) Facer ensin alteraciones y nel tiempu acordáu l'actividá o proyectu pal que se concede la subvención y comunicar por escrito los cambios nel títulu o n'otres característiques de la obra. Cualisquier cambeu tendrá que facese cola autorización previa de la Conseyería y nel casu excepcional de cambeu de traductor/a va ser necesario axuntar a la solicitú d'autorización una reseña curtia de la trayectoria del traductor/a propuestu/a y una muestra de 5 folios de la traducción.

b) Cumplir les condiciones establecíes pa la concesión de les ayudes y les mandaes por estes bases.

c) Sometese a les actuaciones de comprobación que faga l'Alministración del Principáu d'Asturies.

d) Comunicar a la Conseyería, especificando les cuantíes, la obtención d'otres subvenciones o ayudes pa la mesma finalidá, procedentes d'otres Alministraciones Públiques o entes privaos o públicos, nacionales o internacionales.

e) La empresa editorial queda obligada a que'l llibru subvencionáu tea distribuyíu nel plazu máximu d'un mes dende la fecha máxima de xustificación de la subvención.

f) La editorial queda obligada a axustase al númberu de páxines del proyectu; cualesquier modificación a la baxa que suponga el pasu a un tramu inferior del baremu, conllevará automáticamente la reducción de la cantidá subvencionada, que va ser la que correspuenda al tramu nuevu. De la mesma manera, cuando les característiques de la páxina editada (tipografía, cuerpu, interlliniáu y caxa) se separten ostensiblemente de los patrones xenerales y razonables nel mundu editorial asturianu, l'ayuda va poder ser modificada.

g) Los llibros tendrán que llevar impresa y na llingua na que s'edite la obra, una lleenda onde figure que la obra ta subvencionada pola Conseyería d'Educación y Cultura del Principáu d'Asturies.

Duodécima.— Modificación.

L'alteración de les condiciones que se tuvieron en cuenta pa la concesión de la subvención y, en tou casu, la obtención concurrente d'otres subvenciones o ayudes, podrá dar llugar a la modificación de la resolución de concesión.

Decimotercera.— Revocación.

Pue revocase la subvención concedida cuando se dean los supuestos que recueye l'art. 13 del Decretu 71/92, del 29 d'ochobre, que regula'l rexime xeneral de subvenciones.

Decimocuarta.— Normes subsidiaries.

La concurrencia a esta convocatoria supón tar dafechamente d'alcuerdu coles sos bases.

Les cuestiones rellacionaes con esta convocatoria que nun tuvieran incluyíes nes sos bases resolveráles el Conseyeru d'Educación y Cultura, ateniéndose en tou casu a lo dispuesto nel Decretu 71/92, del 29 d'ochobre, que regula'l réxime xeneral de concesión de subvenciones, modificáu pol Decretu 14/2000, del 10 de febreru.

Anexu II

1) La cuantía de les ayudes va establecese en razón del baremu que se detalla darréu y con independencia de la tirada, calculáu pa un llibru estándar (en xeneral el de formatu ente 12x18 y 17x23), interior a 1 tinta n'offset 90 gr y cubierta a cuatricromía en cartulina 270 gr, cubierta plastificada con solapes y encuadernación rústica, cosida):

• llibru de 17/32 páxines: 811,40 E

• llibru de 33/48 páxines: 991,70 E

• llibru de 49/64 páxines: 1.172,00 E

• llibru de 65/80 páxines: 1.352,30 E

• llibru de 81/96 páxines: 1.532,60 E

• llibru de 97/112 páxines: 1.712,90 E

• llibru de 113/128 páxines: 1.893,20 E

• llibru de 129/144 páxines: 2.073,50 E

• llibru de 145/160 páxines: 2.253,80 E

• llibru de 161/176 páxines: 2.434,10 E

• llibru de 177/192 páxines: 2.614,40 E

• llibru de 193/208 páxines: 2.794,70 E

• llibru de 209/224 páxines: 2.975,00 E

• llibru de 225/240 páxines: 3.155,30 E

• llibru de 241/256 páxines: 3.335,60 E

• llibru de 257/272 páxines: 3.515,90 E

• llibru de 273/288 páxines: 3.696,20 E

• llibru de 289/304 páxines: 3.876,50 E

• llibru de 305/320 páxines: 4.056,80 E

(Y etcétera, aplicando'l baremu de manera qu'a cada nuevu tramu de 16 páxines-y correspuendan 180,30 E más qu'al anterior).

2) Pa un llibru que se considere de tamañu menor al estándar aplicaráse un coeficiente reductor del 0,75 sobre'l baremu xeneral.

3) A los proyectos editoriales especiales (llibros en color, formatos iguales o mayores al A4, encuadernación en tapa duro, etc.) aplicaráse un baremu especial siempre que l'emplegu d'estos elementos seya necesario y dafechu xustificao pola naturaleza de la obra; en casu contrariu aplicaráse'l baremu estándar a efectos de subvención:

• 2 tintes: aplicar un coeficiente de 1,5 al baremu xeneral.

• Color: aplicar un coeficiente de 2,2 al baremu xeneral; La Comisión, escepcionalmente, podrá aplicar un coeficiente de 2,8, cuando se trate de llibros de testos y dibuxos orixinales, y siempre que tean incluyíos nos dos primeros tramos (17 a 48 páxines)

• Formatu igual o mayor A4: aplicar un coeficiente de 1,75 al baremu xeneral.

• Tapa duro: 1,50 E llineales por cada llibru con un mínimu de 500 exemplares.

4) Nel casu de les traducciones estableceráse un baremu de 7,80 E por foliu tipu de 1.800 caracteres, que tendrá de calculase sobre l'orixinal.

5) Nos llibros con CD o cassette la Comisión va poder valorar la concesión d'una ayuda complementaria, siempre que l'emplegu d'estos soportes sonoros tea en rellación col conteníu de la obra.

Anexu III

CONVOCATORIA DE SUBVENCIONES PAL FOMENTU DE LA TRADUCCION Y EDICION N'OTRES LLINGÜES D'OBRES ESPUBLIZAES ORIXINARIAMENTE EN BABLE/ASTURIANU (Véase en formato PDF)

Disposición anterior | Disposición siguiente

Información sobre el documento

© Copyright 2006. Gobierno del Principado de Asturias