Saltar al contenido principal

Gobierno del Principado de Asturias

Asturias, mucho más cerca

banda de sede
 

Estás en

Asturias.es Sede Electrónica BOPA y Legislación Resultados Buscador BOPA

Consulta de una disposición

Disposición anterior | Disposición siguiente


Boletín Nº 4 del martes 8 de enero de 2019

OTRAS DISPOSICIONES

CONSEYERÍA D'EDUCACIÓN Y CULTURA

Resolución de 11 d’avientu de 2018, de la Conseyería d’Educación y Cultura, pola que se concede’l premiu «Xuan María Acebal» de poesía en llingua asturiana, na so ventésima cuarta edición.

Fechos

Primero.—Por Resolución d’esta Conseyería de fecha de 5 de marzo del 2009 (BOPA del 27 de marzu del 2009) aprobáronse les bases reguladores de los premios literarios n’asturianu, modificaes por Resolución de 23 de xunetu del 2015 (BOPA de 30 de xunetu del 2015). Y por Resolución de 7 de mayu del 2018 (publicación del estractu de la resolución en BOPA del 23 de mayu del 2018) convocóse la ventésima cuarta edición del Premiu «Xuan María Acebal» de Poesía en llingua asturiana, con una dotación de 3.000 € (tres mil euros).

Segundo.—Con fecha de 16 de payares del 2018 el Xuráu, nomáu por Resolución de fecha 27 de setiembre del 2018, reúnese y propón la concesión del Premiu «Xuan María Acebal», na so ventésima cuarta edición, a favor de la obra Allumamientu, de Pablo Texón Castañón, presentada baxo’l seudónimu “Bartleby”, según motivación que consta n’acta: «destacando la so orixinalidá temática, amás de la destreza rítmica y la variedá estilística de los poemes, que-y dexen construyir una voz poética singular pa reflexonar sobre la paternidá dende una concepción esperimental».

Tercero.—Pablo Texón Castañón acreitó nun tar incursu nes prohibiciones pa obtener la condición de beneficiariu y atopase al corriente de les obligaciones tributaries y cola Seguridá Social, amás de nun ser deudor de la Facienda del Principáu d’Asturies por deudes vencíes, líquides y esixibles primero de dictase la propuesta de resolución de concesión del premiu, d’alcuerdu colo previsto nos arts. 13 y 14 e) de la Llei 38/2003, de 17 de payares, Xeneral de Subvenciones.

Cuarto.—La Intervención Delegada, en fecha 11 d’avientu del 2018, emitió’l correspondiente informe fiscal favorable.

A los fechos son-y d’aplicación estos

Fundamentos de derechu

Primero.—L’artículu 3 del Decretu 71/92, de 29 d’ochobre, que regula’l Réxime Xeneral de Subvenciones, en rellación col artículu 38 de la Llei 6/1984, de 5 de xunetu, del Presidente y del Conseyu de Gobiernu; y l’artículu 5 del Decretu 6/2015, de 13 d’agostu, de reestructuración de les Conseyeríes qu’integren l’Alministración de la Comunidá Autónoma, en cuantes a la determinación de les competencies y facultaes del Ilmu. Sr. Conseyeru d’Educación y Cultura p’adoptar esta resolución, amás del artículu 10 de la Llei 2/1995, de 13 de marzu, sobre Réxime Xurídicu de l’Alministración del Principáu d’Asturies; too ello en cuantes a la determinación de les competencies y facultaes p’adoptar esta Resolución.

Segundo.—D’alcuerdu col artículu 37 de la Llei 2/1995, de 13 de marzu, sobre Réxime Xurídicu de l’Alministración del Principáu d’Asturies y la Resolución de 2 d’ochobre del 2015, de la Conseyería d’Educación y Cultura (BOPA de 10 d’ochobre), ye competencia del titular de la Dirección Xeneral de Planificación Llingüística y Normalización l’autorización y disposición de los gastos, distintos de los contratos menores, que se financien con cargu al programa presupuestariu xestionáu pola Dirección Xeneral.

Tercero.—Sicasí, por razones d’economía procesal y simplificación de trámites, pue l’Ilmu. Sr. Conseyeru conocer d’esti espediente avocando les competencies delegaes n’aplicación del artículu 17 de la Llei 2/1995, de 13 de marzu, sobre Réxime Xurídicu de l’Alministración del Principáu, al tramitase conxuntamente toles fases del espediente de gastu.

Cuarto.—Son d’aplicación a esti procedimientu los preceptos que tienen calter básicu de la Llei 38/2003, de 17 de payares, Xeneral de Subvenciones y el so Reglamentu Xeneral aprobáu pol Real Decretu 887/2006, de 21 de xunetu, amás del Decretu 71/1992, de 29 d’ochobre, yá mentáu.

Quinto.—L’artículu 41 del Testu Refundíu del Réxime Económicu y Presupuestariu del Principáu d’Asturies, aprobáu por Decretu Llexislativu 2/1998, de 25 de xunu, al respective de la competencia que correspuende a los titulares de les conseyerías p’autorizar y disponer los gastos propios de los servicios del so cargu y de los qu’estableza la Llei de Presupuestos Xenerales de cada exerciciu o, nel so defectu, la del exerciciu anterior, hasta la cantidá afitada nesta.

Vistos los preceptos llegales mentaos y demás d’aplicación xeneral,

RESUELVO

Primero.—Conceder el Premiu «Xuan María Acebal», na so ventésima cuarta edición correspondiente al añu 2018, a D. Pablo Texón Castañón, NIF 09427350 H, pol trabayu tituláu Allumamientu.

El premiu tien una dotación total de 3.000 € (tres mil euros).

Segundo.—Avocar pa sí’l conocimientu de los actos delegaos, disponiendo un gastu de 3.000 € (tres mil euros) a favor del premiáu con cargu al conceptu 14.10.422R.482.062 de los Presupuestos Xenerales del Principáu d’Asturies pal 2017 prorrogaos pal exerciciu presupuestariu 2018.

Tercero.—Reconocer la obligación y proponer y interesar el pagu al titular de la Conseyería competente en materia económica y presupuestaria, que se va realizar d’alcuerdu colo previsto na Base 7.ª de la Resolución de 5 de marzu del 2009, pola que s’aprueben les bases de los premios lliterarios en llingua asturiana, modificaes por Resolución de 23 de xunetu del 2015 (BOPA de 30 de xunetu del 2015).

Cuarto.—Ordenar la publicación de la Resolución en Boletín Oficial del Principáu d’Asturies.

Esta resolución remata la vía alministrativa y va poder recurrise potestativamente en reposición, ante’l conseyeru d’Educación y Cultura, nel plazu d’un mes computáu dende l’otru día d’espublizase en Boletín Oficial del Principáu d’Asturies (BOPA), o ser impugnada directamente ante la Sala de lo Contencioso-Alministrativo del Tribunal Superior de Xusticia d’Asturies, nel plazu de dos meses cuntados de magar se reciba la so notificación, ensin perxuiciu de cualquier otru recursu que-yos paeza procedente interponer en defensa de los sos intereses.

Uviéu, a 11 d’avientu de 2018.—El Conseyeru d’Educación y Cultura, Genaro Alonso Megido. –Cód. 2018-12833.

Disposición anterior | Disposición siguiente

Información sobre el documento

© Copyright 2006. Gobierno del Principado de Asturias