Saltar al contenido principal

Gobierno del Principado de Asturias

Asturias, mucho más cerca

banda de sede
 

Estás en

Asturias.es Sede Electrónica BOPA y Legislación Resultados Buscador BOPA

Consulta de una disposición

Disposición anterior | Disposición siguiente


Boletín Nº 5 del lunes 8 de enero de 2018

OTRAS DISPOSICIONES

CONSEYERÍA D'EDUCACIÓN Y CULTURA

Resolución de 29 d’avientu de 2017, de la Conseyería d’Educación y Cultura, pola que se conceden y denieguen subvenciones en réxime de concurrencia competitiva pa les entidaes locales del Principáu d’Asturies nel añu 2017 (llinia 5: normalización social del asturiano y gallego-asturianu).

Tramitáu l’espediente correspondiente de convocatoria de subvenciones en réxime de concurrencia competitiva pa les entidaes locales del Principáu d’Asturies nel añu 2017 (llinia 5: normalización social del asturianu y gallego-asturianu), resulten estos

Fechos

Primero.—Por Resolución de 24 de febreru del 2017, de la Conseyería d’Educación y Cultura (BOPA 05-03-2017), apruébase’l Plan Estratéxicu de subvenciones pal exerciciu 2017, que’l so anexu I incluye la llinia de subvenciones pa les entidaes locales del Principáu d’Asturies, constando nel mesmu una sección específica pa la normalización social del asturianu y gallego-asturianu, en réxime de concurrencia competitiva (llinia 5).

Segundo.—Por Resolución de 24 de xunetu del 2017, de la Conseyería d’Educación y Cultura, aprobáronse unes bases reguladores comunes de la concesión de subvenciones a les entidaes locales nel ámbitu de la Conseyería mentada (BOPA de 29 de xunetu del 2017).

Tercero.—Por Resolución de 9 d’agostu del 2017, de la Conseyería d’Educación y Cultura, apruébase la convocatoria pública de subvenciones en réxime de concurrencia competitiva pa les entidaes locales del Principáu d’Asturies nel añu 2017. Esta convocatoria incluye como llinia númberu 5 la referida a la normalización social del asturianu y gallego-asturianu.

Cuarto.—Tramitaos los espedientes d’alcuerdu colo dispuesto na base decimotercera de la Resolución de la Conseyería d’Educación y Cultura, de 24 de xunetu del 2017, la Comisión de Valoración (nomada por Resolución de fecha 18 de setiembre del 2017) na so reunión del día 12 d’avientu del 2017 emite informe de la evaluación y valoración de les solicitúes presentaes, llevantándose l’acta correspondiente.

Quinto.—El Serviciu de Planificación Llingüística y Normalización, a la vista del acta na que se recueye l’informe-evaluación de la Comisión sobre los espedientes, formula en fecha 18 d’avientu del 2017 propuesta de resolución definitiva de concesión de les ayudes que se recueyen n’anexu I de la propuesta.

Sexto.—Existe creitu afayadizo y abondo na aplicación presupuestaria 14.10.422R.462.067 del presupuestu vixente de gastos y aprobóse l’espediente de gastu pa la financiación del gastu de la convocatoria (n.u d’espte. del documentu contable A 1400006261).

Séptimo.—Los beneficiarios, en cumplimientu de lo previsto na Llei 38/2003, de 17 de payares, Xeneral de Subvenciones, acreitaron tar al corriente nel cumplimientu de les sos obligaciones tributaries y frente a la Seguridá Social y cumplir los demás requisitos y obligaciones recoyíes nes bases reguladores y na convocatoria correspondiente.

Octavo.—D’alcuerdu colo dispuesto na Resolución de 16 de mayu del 2005, de la Conseyería d’Economía y Alministración Pública, pola que s’establez el sistema d’información contable de l’Alministración del Principáu d’Asturies y el so sector públicu y apruébense les normes sobre los procedimientos de xestión, tramitación y réxime de contabilidá na execución del presupuestu de gastos, la Intervención Delegada, en fecha 29 d’avientu del 2017, emitió’l correspondiente informe fiscal favorable.

A los fechos son-y d’aplicación estos

Fundamentos de derechu

Primero.—L’artículu 38, apartáu i), de la Llei 6/1984, de 5 de xunetu, del Presidente y del Conseyu de Gobiernu, l’artículu 21, párrafu 4 de la Llei 2/1995, de 13 de marzu, sobre Réxime Xurídicu de l’Alministración del Principáu d’Asturies, y l’artículu 5 del Decretu 6/2015, de 28 de xunetu, del Presidente del Principáu, de Reestructuración de les Conseyeríes qu’integren l’Alministración de la Comunidá Autónoma, tocante a la determinación de les competencies y facultaes del Ilmu. Sr. Conseyeru d’Educación y Cultura p’adoptar esta resolución, y n’especial, lo previsto n’artículu 3 del Decretu 71/92, de 29 d’ochobre, pol que se regula’l réxime xeneral de concesión de subvenciones, que señala que los titulares de les Conseyeríes son los órganos competentes pa otorgar les subvenciones y ayudes dientro del ámbitu de la so competencia, previa consignación presupuestaria para esti fin.

Segundo.—La competencia pa disponer el gastu correspuende al titular de la Conseyería d’Educación y Cultura d’alcuerdu colo dispuesto nos artículos 8 y 41 de la Llei de Réxime Económicu y Presupuestariu del Principáu d’Asturies, testu refundíu aprobáu por Decretu Llexislativu 2/1998, de 25 de xunu y l’artículu 8.1 de la Llei del Principáu d’Asturies 6/2016, de 30 d’avientu, de Presupuestos Xenerales pal 2017.

Tercero.—Ye-y d’aplicación lo dispuesto nos artículos 24 a 27 de la Llei 38/2003, de 17 de payares, Xeneral de Subvenciones, según lo establecío nel Decretu 71/1992, de 29 d’ochobre, sobre Réxime Xeneral de Concesión de Subvenciones, modificáu parcialmente pol Decretu 14/2000, de 10 de febreru, no que se refier a la forma de concesión de subvenciones; amás de lo previsto nes bases reguladores aprobaes por Resolución de fecha 24 de xunetu del 2017.

Cuarto.—Amás, son d’aplicación l’artículu 30 de la Llei 38/2003 y los artículos 11 y 12 del Decretu 71/1992, de 29 d’ochobre, sobre Réxime Xeneral de Concesión de Subvenciones, modificáu parcialmente pol Decretu 14/2000, de 10 de febreru, tocante a la xustificación y pagu de les subvenciones; asina como lo previsto na Instrucción del Conseyeru d’Economía sobre documentos presentaos pal pagu de subvenciones concedíes pola Alministración del Principáu d’Asturies, publicada por Resolución de 22 d’avientu de 1997, de la Conseyería d’Economía.

Vistos los preceptos llegales mentaos y demás de xeneral aplicación, na so virtú,

RESUELVO

Primero.—Disponer el gastu y conceder subvenciones, por un importe global de 40.000 euros (cuarenta mil euros) con cargu al conceptu presupuestariu 14.10.422R.462.067 de los Presupuestos Xenerales del Principáu d’Asturies a los beneficiarios que se rellacionen n’Anexu I d’esta resolución pa los proyectos que se subvencionen y nes cantidaes que s’indiquen.

Segundo.—Denegar subvenciones a los peticionarios que se rellacionen n’Anexu II poles razones y causes que s’indiquen.

Tercero.—Reconocer la obligación por un importe global de 40.000 euros (cuarenta mil euros) con cargu al conceptu presupuestariu 14.10.422R.462.067 de los Presupuestos Xenerales del Principáu d’Asturies vixentes a los beneficiarios que se rellacionen n’Anexu I d’esta resolución pa los proyectos que se subvencionen y nes cuantíes que s’indiquen.

Cuarto.—Les entidaes beneficiaries de la subvención van tener la obligación de xustificar, na forma y plazos previstos nesta resolución de concesión y na convocatoria, el cumplimientu de la finalidá que motivó la so concesión amás de l’aplicación de los fondos recibíos y d’alcuerdu, en tou casu, colo previsto n’artículu 30 de la Llei 38/2003, de 17 de payares, Xeneral de Subvenciones.

La xustificación de les subvenciones va realizase pol sistema de cuenta xustificativa, que va tener el conteníu mínimu establecíu na base decimoquinta de la Resolución de 24 de xunetu del 2017 (BOPA de 29 de xunetu del 2017), pudiendo ser sustituyíes por certificaciones del titular de la secretaría de la entidá, acreitatives del conteníu de las mentaes cuentes xustificatives.

La xustificación de la realización del gastu subvencionáu habrá realizase primero del 31 de xineru del 2018.

Quinto.—Estes subvenciones van facese efectives a los beneficiarios, ensin necesidá de constituyir garantía adicional, nun pagu únicu por importe total de lo concedío y desque se dicte la resolución.

Les subvenciones van facese efectives mediante tresferencia bancaria, exonerando a les beneficiaries de la obligación d’acreitar el cumplimientu de les obligaciones tributaries y de la Segurdidá Social nel momentu del pagu.

Sesto.—La concesión d’estes subvenciones va ser compatible cola percepción d’otres subvenciones, ayudes, ingresos o recursos pa la mesma finalidá, procedentes de cualquier Alministración o entes públicos, o fondos procedentes de la Unión Europea o de organismos internacionales. Sicasí, en nengún casu la cuantía, aisladamente o en concurrencia con otres subvenciones, va poder superar el costu total del proyectu.

Séptimo.—Los beneficiarios comprométense, amás, a citar de manera espresa que l’actividá ta subvencionada pola Conseyería d’Educación y Cultura en cuanta publicidad y difusión s’efectúe de l’actividá a la que se destina la subvención.

Octavo.—Ordenar la publicación d’esta resolución nel Boletín Oficial del Principáu d’Asturies.

Esta Resolución acaba la vía alministrativa y va poder recurrise potestativamente en reposición, ante’l conseyeru d’Educación y Cultura, nel plazu d’un mes computáu dende l’otru día de publicase nel Boletín Oficial del Principáu d’Asturies (BOPA), o ser impugnada directamente ante la Sala de lo Contencioso-Alministrativo del Tribunal Superior de Xusticia d’Asturies, nel plazu de dos meses cuntaos de magar se reciba la so notificación, ensin perxuiciu de cualquier otru recursu que-yos paeza procedente interponer en defensa de los sos intereses.

Uviéu, a 29 d’avientu de 2017.—l Conseyeru d’Educación y Cultura, Genaro Alonso Megido.—Cód. 2017-14744.

Anexu I

Subvenciones concedíes

Ver anuncio en PDF para consultar la tabla

Anexu II

Subvenciones denegaes

Ver anuncio en PDF para consultar la tabla

Disposición anterior | Disposición siguiente

Información sobre el documento

© Copyright 2006. Gobierno del Principado de Asturias