Saltar al contenido principal

Gobierno del Principado de Asturias

Asturias, mucho más cerca

banda de sede
 

Estás en

Asturias.es Sede Electrónica BOPA y Legislación Resultados Buscador BOPA

Consulta de una disposición

Disposición anterior | Disposición siguiente


Boletín Nº 235 del jueves 5 de diciembre de 2019

OTRAS DISPOSICIONES

CONSEJERÍA DE CULTURA, POLÍTICA LLINGÜÍSTICA Y TURISMO

Resolución de 29 de payares de 2019, de la Conseyería de Cultura, Política Llingüística y Turismu, pola que se conceden y denieguen subvenciones pa la promoción de la música n’asturianu y, nel so ámbitu, en gallego-asturianu, en réxime de concurrencia competitiva nel añu 2019.

Tramitáu l’espediente correspondiente de convocatoria de subvenciones pa la promoción de la música n’asturianu y, nel so ámbitu, en gallego-asturianu en réxime de competencia competitiva, resulten estos

Antecedentes de fechu

Primero.—Por Resolución de la Conseyería d’Educación y Cultura de 13 de mayu del 2016 (BOPA de 16 de xunu del 2016) aprobáronse les bases reguladores de subvenciones pa la promoción de la música n’asturianu y en gallego-asturianu, en réxime de concurrencia competitiva.

Segundo.—Por Resolución de 22 de febreru del 2018 de la Conseyería d’Educación y Cultura (BOPA de 5 de marzu del 2018) apruébase’l Plan Estratéxicu de Subvenciones pal exerciciu 2018 y2019,, que nel so anexu I incluye la llinia de subvenciones pa la promoción de la música n’asturianu y, nel so ámbitu, en gallego-asturianu.

Tercero.—Por Resolución de 12 de abril de 2019, de la Conseyería d’Educación y Cultura, apruébase la convocatoria de subvenciones pa la promoción de la música n’asturianu y, nel so ámbitu, en gallegu asturianu, en réxime de concurrencia competitiva (BOPA 13-05-2019).

Cuarto.—Tramitaos los espedientes d’alcuerdu colo dispuesto na base XI de la Resolución de la Conseyería d’Educación y Cultura de 13 de mayu del 2016, la Comisión de Valoración (designada por Resolución de fecha 16 d’ochobre de 2019) na so xunta del día 22 d’ochobre de 2019 emite informe de la evaluación y valoración de les solicitúes presentaes, llevantándose l’acta correspondiente.

Quinto.—La Dirección General de Política Llingüística, a la vista del acta onde se recueye l’informe-evaluación de la Comisión sobre los espedientes, formula en fecha 22 d’ochobre del 2019 propuesta de resolución definitiva de concesión de subvenciones.

Sexto.—Existe creitu afayadizo y abondo na aplicación presupuestaria 18.04.422R.472.001 de los Presupuestos Xenerales del Principáu d’Asturies pal vixente presupuestu de gastos y aprobóse’l correspondiente espediente d’autorización de gastu pa la financiación de la convocatoria (documentu contable númberu A 1800009937).

Séptimo.—Los beneficiarios, en cumplimientu de lo previsto na Llei 38/2003, de 17 de payares, Xeneral de Subvenciones, acreitaron tar al corriente nel cumplimientu de les sos obligaciones tributaries y frente a la Seguridá Social, y cumplir los demás requisitos y obligaciones recoyíes nes bases reguladores y na convocatoria correspondiente.

Octavo.—D’alcuerdu colo dispuesto na Resolución de 16 de mayu del 2005, de la Conseyería d’Economía y Alministración Pública, pola que s’establez el sistema d’información contable de l’Alministración del Principáu d’Asturies y el so sector públicu, y apruébense les normes sobre los procedimientos de xestión, tramitación y réxime de contabilidá na execución del presupuestu de gastos, la Intervención Delegada emitió’l correspondiente informe fiscal favorable.

A los fechos son-y d’aplicación estos

Fundamentos de derechu

Primero.—L’artículu 38, apartáu i), de la Llei 6/1984, de 5 de xunetu, del Presidente y del Conseyu de Gobiernu, l’artículu 21, párrafu 4 de la Llei 2/1995, de 13 de marzu, sobre Réxime Xurídicu de l’Alministración del Principáu d’Asturies, y l’artículu 5 del Decretu 6/2015, del 28 de xunetu, del Presidente del Principáu, de reestructuración de les Conseyeríes qu’integren l’Alministración de la Comunidá Autónoma, tocante a la determinación de les competencies y facultaes de la Ilmu. Sra. Conseyera de Cultura, Política Llingüística y Turismu p’adoptar esta resolución, y n’especial, lo previsto nel artículu 3 del Decretu 71/92, del 29 d’ochobre, pol que se regula’l réxime xeneral de concesión de subvenciones, que señala que los titulares de les Conseyeríes son los órganos competentes pa otorgar les subvenciones y ayudes dientro del ámbitu de la so competencia, previa consignación presupuestaria pa esti fin.

Segundo.—La competencia pa disponer el gastu correspuende al titular de la Conseyería de Cultura, Política Llingüística y Turismu d’acordies colo dispuesto nos artículos 8 y 41 de la Llei de Réxime Económicu y Presupuestariu del Principáu d’Asturies, testu refundíu aprobáu por Decretu Llexislativu 2/1998, del 25 de xunu y l’artículu 7.1 de la Llei del Principáu d’Asturies 14/2018, de 28 d’avientu, de Presupuestos Xenerales pal 2019.

Tercero.—Ye-y d’aplicación lo dispuesto nos artículos 24 a 27 de la Llei 38/2003, de 17 de payares, Xeneral de Subvenciones, mesmo que lo establecío nel Decretu 71/1992, del 29 d’ochobre, sobre réxime xeneral de concesión de subvenciones, modificáu parcialmente pol Decretu 14/2000, de 10 de febreru, no que se refier a la forma de concesión de subvenciones; amás de lo previsto nes bases reguladores aprobaes por Resolución de fecha 13 de mayu del 2016.

Cuarto.—Amás, son d’aplicación l’artículu 30 de la Llei 38/2003 y los artículos 11 y 12 del Decretu 71/1992, del 29 d’ochobre, sobre réxime xeneral de concesión de subvenciones, modificáu parcialmente pol Decretu 14/2000, de 10 de febreru, tocante a la xustificación y pagu de les subvenciones; amás de lo previsto na Instrucción del Conseyeru d’Economía sobre documentos presentaos pal pagu de subvenciones concedíes pola Alministración del Principáu d’Asturies, publicada por Resolución del 22 d’avientu de 1997, de la Conseyería d’Economía.

Vistos los preceptos llegales mentaos y demás d’aplicación xeneral, na so virtú

RESUELVO

Primero.—Disponer el gastu y conceder subvenciones, por un importe global de 20.000,00 € (venti mil euros), con cargu a l’aplicación presupuestaria 18.04.422R.472.001, de los Presupuestos Xenerales del Principáu d’Asturies pal exerciciu 2019, a los beneficiarios, y pa los proyectos, rellacionados de siguío:

Ver anuncio en PDF para consultar la tabla

Segundo.—Denegar subvenciones a los peticionarios que se rellacionen darréu poles razones y causes que s’indiquen.

Ver anuncio en PDF para consultar la tabla

Tercero.—Quien llograren la subvención van tener la obligación de xustificar documentalmente, na forma y plazos previstos nesta resolución de concesión y na convocatoria correspondiente, el cumplimientu de la finalidá que motivó la so concesión, amás de l’aplicación de los fondos recibíos y d’alcuerdu, en tou casu, colo previsto n’artículu 30 de la Llei 38/2003, de 17 de payares, Xeneral de Subvenciones. L’últimu día pa la xustificación de l’ayuda concedida va ser el 20 d’avientu del 2019, según Resolución de 26 de payares de 2019 de la Conseyería de Cultura, Política Llingüística y Turismu.

Los beneficiarios van tener la obligación de xustificar la realización íntegra del proyectu y la totalidá de los gastos del presupuestu aprobáu (PA), non solo la parte correspondiente a l’ayuda recibida. La xustificación de les subvenciones va realizase pol sistema de cuenta xustificativa, que va tener el conteníu establecíu na base XIV de la Resolución de 13 de mayu del 2016, alvirtiéndose de que namás va considerase gastu xustificable’l satisfechu (pagu) efectivamente a la fecha tope de xustificación. La llista clasificada de gastos y inversiones de l’actividá ha presentase según modelu anexu II de la convocatoria publicada por Resolución del 12 d’abril del 2019 (publicación estractu, BOPA 22 de xunu del 2019).

Cuarto.—Con calter xeneral, el pagu de les subvenciones va facese efectivu previa xustificación na forma establecida na base XIV de la Resolución de 13 de mayu del 2016, y nel resuelvo 2.u, puntos 9 y 10, de la convocatoria realizada por Resolución del 12 d’abril del 2019.

A pesar de lo dispuesto n’apartáu anterior, con calter escepcional na convocatoria presente, según lo dispuesto nes bases XVI.2 y XVII.b de la Resolución de 13 de mayu del 2016, los proyectos subvencionaos con un importe inferior a seis mil diez euros (6.010 €) van pagase desque pasen 15 díes hábiles de magar se publique la resolución de la concesión nel BOPA, siempre que nun medie renuncia espresa del solicitante.

En tolos casos, pa proceder al pagu de la subvención concedida ríquese presentar el certificáu del órganu correspondiente qu’acreíte tar al corriente de les obligaciones tributaries y cola Seguridá Social, y nun tener deudes cola Facienda del Principáu d’Asturies, llibrando d’esta obligación cuando la cantidá de la subvención, por beneficiariu y añu nun pase de 3.005,06 €, tal y como s’establez n’artículu 10.3 d) del Decretu 71/92, de 29 d’ochobre, que regula’l Réxime Xeneral de Concesión de Subvenciones.

En cualquier casu, el pagu antemanáu de la subvención nun quita de la obligación d’acreitar en plazu’l cumplimientu de les condiciones establecíes na resolución de concesión.

Quinto.—La concesión d’estes subvenciones va ser compatible cola percepción d’otres subvenciones, ayudes, ingresos o recursos pa la mesma finalidá, procedentes de cualquier Alministración o entes públicos, o fondos procedentes de la Unión Europea o d’organismos internacionales. Sicasí, en nengún casu la cantidá, aisladamente o en concurrencia con otres subvenciones, va poder superar el costu total del proyectu.

Sexto.—Los beneficiarios comprométense, amás, a citar espresamente que l’actividá atópase subvencionada pola Conseyería de Cultura, Política Llingüística y Turismu en tola publicidá y difusión que s’efectúe de l’actividá a la que se destina la subvención.

Séptimo.—Ordenar la publicación d’esta Resolución nel Boletín Oficial del Principáu d’Asturies.

Esta Resolución acaba la vía alministrativa y va poder recurrise potestativamente en reposición, ante la conseyera de Cultura, Política Llingüística y Turismu, nel plazu d’un mes computáu dende l’otru día de publicase en Boletín Oficial del Principáu d’Asturies, o ser impugnada directamente ante la Sala de lo Contencioso-Alministrativo del Tribunal Superior de Xusticia d’Asturies, nel plazu de dos meses cuntaos de magar se reciba la so notificación, ensin perxuiciu de cualquier otru recursu que-yos paeza procedente interponer en defensa de los sos intereses.

En Oviedo/Uviéu, a 29 de payares de 2019.—La Conseyera de Cultura, Política Llingüística y Turismu, Berta Piñán Suárez.—Cód. 2019-12799.

Disposición anterior | Disposición siguiente

Información sobre el documento

© Copyright 2006. Gobierno del Principado de Asturias